Nnyam 18:12 - Uwumbɔr aagbaŋ

¹² Jetro nan joo ni kiwakork ki bi ga di ki mɔmɔk see mmii ni na, ni tiwakor tiken, le ki nan toor kitork tii Uwumbɔr; le Aaronn ni Israel yaab aaninkpiib dii u buen, le bi ti jin kitork ngbaan, Uwumbɔr aanimbiin ni.

Nnyam 18:12 ပူးပေါင်းရင်းမြစ်များ

Mpiin 12:7

Uwumbɔr nan dan Abram chee le ki nan bui u ke, “Kitiŋ kee le m joo m di tii saamaal.” Nima chee le Abram maa kitork aabimbiln tii Uwumbɔr u nan dan u chee na.

Mpiin 26:25

Aisak nan maa libimbiln nima chee, le ki toor kitork ki doon Uwumbɔr. Nima chee le u nan kal, le waanaagbiib nan ki gbii nnyunbun muken.

Mpiin 26:30

Aisak nan ŋa njim le ki chann bi tichann, le bi jin ki nyun.

Mpiin 31:54

U nan kɔr kiwakork ki toor kitork, lijool ngbaan paab, le ki nan chɔi waanib ngbaan, le bi dan nan jin tijikaar. Baah jin doo na, le bi mɔmɔk kpaan doon lijool ngbaan paab.

Mpiin 4:4

Le Abel mu nan lik waapiih ponn ni waapihninkpel aah pue ma njan aapihbo u na, ki di toor kitork, ki di tinann ti kpa nkpan na ki tii Uwumbɔr. Le Uwumbɔr pak Abel ni waapiin,

Mpiin 43:25

Le bi gor ki nyan ipiin i Josef yaa nan fuu ni udo kan, bi ga di tii u na ki joo; ba pu? bi nan ŋun ke bi ni Josef le ga nan kpaan ji tijikaar nwiin pu.

Mpiin 8:20

Nowa nan maa libimbiln tii Uwumbɔr le ki di tiwakor, ni inyoon i bi chain na ibaabaa, ki di i toor kitork, ki see i mmii ni, libimbiln ngbaan paab, tii Uwumbɔr.

2 Samuel 9:7

Le David bui u ke, “Taa san ijawaan. Aate Jonatann pu, le m ga ŋa si tiŋann. M ga giin kitiŋ kimɔk nan ye aayaaja Sɔɔl aatiŋ na tii si, le n‑yoonn mɔmɔk aa ga ŋmaa dan nan ji m chee tijikaar.”

2 Bibɔrb Aabɔr 30:22

Hesekia nan pak Liifai yaab ngbaan baah nan di nlan mu tun baatuln ki joo cha Uwumbɔr aadoon chee na pu. Iwiin ilole i ponn ni bi nan toor kitork ki pak biyaajatiib Aadindaan Uwumbɔr na aah jer na,

Job Aagbaŋ 1:5

Njim ngbaan mubaa yaa ti jer ki woln kitaak na kan, Job ga fii lichakpitaawoln le ki toor kitork, waabim ngbaan ubaa mɔk pu. U dak ke nibaakan bi ponn ni ubaa ga li sii Uwumbɔr, ki tun u taani, kaa nyi, nima pu le u nan ŋani kina n‑yoonn mɔmɔk.

Job Aagbaŋ 42:11

Job aakpetiib, ni unaatiib, ni uninkpatiib, ni ujɔtiib mɔmɔk nan dan nan mann u ki jin njim u chee waadichal ni. Bi nan san u kinimbaak ki sɔŋ usui, tibɔbir ti Uwumbɔr di tii u na pu. Bi mɔmɔk ubaabaa nan tii u ŋimombil ni salmaa aabɔmbik.

Job Aagbaŋ 42:8

Tɔ, dandana chuu man inaaja ilole ni ipihja ilole ki di buen Job chee, ki ti toor kitork tii nibaa pu. Job ga mee limeel tii nimi, le m ga kii waameel, ki taa jinn nimi inimɔɔn naah ŋeer pu na. Naa len ibamɔn m pu ke waah len pu na.”

Nnyam 18:13

Naah woln kitaak na, le Moses nan bi toor Israel yaab aajaak aabɔr kina ki ti saa kinyeek.

Nnyam 2:20

Le u baa ubisatiib ke, “Uja ngbaan bi la chee? Ba ŋa ni cha u ka nima chee? Ti chɔi ni u man, aan u nan ji tijikaar ti chee.”

Nnyam 20:24

Ni di titan ki maa kitork aabimbiln tii mi, aan ki di nimi aapiih, ni iŋoob, ni nimi aanaa toor kitork ki di see mmii ni tii mi, ki toor kimɔbaan aatork mu tii mi. Nin chee mɔk m nyan tii nimi ke ni li dooni mi na, le m ga dan ni chee ki nan ŋa tinyoor ŋa ni pu.

Nnyam 24:11

Uwumbɔr aa nan ŋa Israel yaab aaninkpiib ngbaan nibaa; bi nan kan Uwumbɔr, le ki jin ki nyun.

Nnyam 24:5

U nan tun binachipɔm le bi ti see kitork aapiin tii Uwumbɔr, le ki di inaja toor kimɔbaan aatork mu.

Nnyam 3:1

Daalbaadaal le Moses nan bi kpaa uchool Jetro, u ye Midiann aatiŋ aatotoor na aawakor timoor ni, le u nan di ti jer nteersakpiin mubaa ni, ki buen Uwumbɔr aajool Sainai chee.

Nnyam 33:7

N‑yoonn mumɔk Israel aanib ngbaan ti kal nin chee na kan, le Moses di Uwumbɔr Aabool li bi chain na ti gaa dandar. U nan yin li ke Uwumbɔr aah bi Libool li ponn ni na, le unii umɔk nan ban u baa Uwumbɔr tibɔr na kan, le u ti buen li chee.

Daniel 10:3

Maa nan jin tijikaanyaan tibaa, bee tinann, kaa nyun ndaan mu, kaa chaa maayikpir ki ti saa ŋikpaakoo ŋitaa.

Nkahm 10:29

Le Moses bui uchool Jetro, u nan ye Midiann aanii na, aajapɔɔn Hobab ke, “Ti ban ti piin ki buen nin chee Uwumbɔr bui ke u ga di tii timi na la. U puu ke u ga ŋa timi Israel yaab pu tinyoor, nima pu na, li dii timi, aan ti kpaan ji kina aanyoor.”

Tibɔnyaan ti Luk ŋmee ti na 14:1

Juu yaab aakpaakool daal le Yesu nan buen Farisii yaab aaninkpel ubaa do, u ti ji tijikaar. Le bi lik waah ga ŋa pu na mɔmɔk.

Tibɔnyaan ti Luk ŋmee ti na 14:15

Binib bi ji u chee tijikaar na ponn ni ubaa ŋun waah len pu na, le ki bui u, “Binib bi ga ji tijikaar Uwumbɔr aanaan ni na, waanyoor bi bi pu la.”

1 Korenti 10:18

Dakl lik man Juu yaab aah ŋani pu na. Binib bi toor kitork tii Uwumbɔr ki ji na, bi ni u kpaan la.

1 Korenti 10:21

Naan ŋmaa yoor Tidindaan aayinyook ki nyu, ki gir ki ti nyu kinimbɔŋ aayinyook ni. Naan ŋmaa ŋmɔ Tidindaan aaboroboro, ki gir ti ŋmɔ kinimbɔŋ aanann mu.

1 Korenti 10:31

Maah len pu na le ye ke ni yaa jin kan, jim ke ni nyuŋ Uwumbɔr; ni yaa nyun kan, nyum ke ni nyuŋ Uwumbɔr; ni yaa ŋani tiwan nimɔk na kan, ni li ŋani ke ni nyuŋ Uwumbɔr.

Ikaal 12:7

Nidindaan Uwumbɔr u ŋa ni pu tinyoor na aanimbiin ni, le nimi, ni nimi aamaal mɔmɔk ga kpaan ki ji tiwanyaan nimɔk ni tun ki kan na.

Ikaal 27:7

ki toor kitork, ki kpaan tɔb chee ki ji kimɔbaan aatork, ki doon Nidindaan Uwumbɔr, unimbiin ni.