Nnyam 17:9 - Uwumbɔr aagbaŋ

⁹ Le Moses tuk Josua ke, “Nyan bijab ngbaan bibaa aan ni fe ti to Amalek yaab butɔb. M ga fe ti sil toŋ ligongoln pu, ki li joo kijaangbeek ki Uwumbɔr tuk mi ke m li joo na.”

Nnyam 17:9 ပူးပေါင်းရင်းမြစ်များ

1 Bibɔrb Aabɔr 7:27

ni Nunn, ni Josua.

Nnyam 17:13

Kina le Josua nan nyaŋ Amalek yaab.

Nnyam 18:21

Tɔ, tiwan ni kpee na sɔ, pɔɔn aabaa ki nyan bijab bi ga ŋmaa joo biken na, ki tii bi nsaloln aatuln bi li joo biken: bisalolm ngbaan bibaa li lik lichur lichur, bibaa mu li lik nkub nkub, bibaa mu li lik piiŋmu piiŋmu, bibaa mu li lik kipiik kipiik aanib. Cha binib ngbaan li ye binib bi san Uwumbɔr ijawaan ki tun lituln mbamɔm, kaan li gaal igaŋgaŋlik na.

Nnyam 24:13

Le Moses ni waateter Josua gor bibaa, le Moses piin ki bi joi Uwumbɔr aajool ngbaan paab.

Nnyam 33:11

Le Uwumbɔr len Moses chee tibɔr, le ni bi ke unii ni ujɔ le aah bi len tɔb chee na. Le Moses ki gir buen linampal. Le unachipɔɔn u nan ter u, bi yin u ke Josua aan u ye Nunn aajapɔɔn na ma ti bee Libool ngbaan ni.

Nnyam 4:17

Li joo kijaangbeek kee aabaa chee, kima le aa ga li joo tun lijinjiir aatuln ngbaan.”

Nnyam 4:2

Le Uwumbɔr baa u ke, “Aa joo ba?” Le u bui ke, “Kijaangbeek.”

Nnyam 4:20

Nima pu na, Moses nan yoor upuu ni ujapɔtiib ki di bi diŋ ubon pu, le ki siir cha Ijipt aatiŋ ni, ki joo kijaangbeek ki Uwumbɔr bui u ke u li joo na.

Nkahm 11:28

Le Nunn aajapɔɔn u bi yin u ke Josua na, waah nan laa ye unachipɔɔn na, uma le nan bi Moses chee ki ter u, le u bui Moses ke, “Uninkpel, cha bi ŋmin.”

Nkahm 13:16

Bisalolm ngbaan le Moses nan tun ke bi ti pekr kitiŋ ngbaan. U nan kpeln Nunn aajapɔɔn Hosea aayimbil ki yin u ke Josua.

Nkahm 27:18

Uwumbɔr nan bui Moses ke, “Nyan Nunn aajapɔɔn u bi yin u ke Josua na, uja u bi mbamɔm na, ki di aaŋaal paan uyil paab.

Lituln 7:45

Tiyaajatiib nan di libool ngbaan tii baabim. Baabim ni baayidaan Josua mu nan yoor libool ngbaan, le ki buen bi ti gaa kitiŋ ki Uwumbɔr jenn binib nima na. Le libool ngbaan nan bi nima, ki ti saa Ubɔr David aayoonn.

Ikaal 32:44

Le Moses, ni Nunn aajapɔɔn u bi nan yin u ke Josua na ŋeer nlahn ngbaan tuk Israel aanib mɔmɔk, le bi ŋun mu.

Hiibru Yaab 4:8

Tɔ, Josua yaa ba nan tii Israel yaab lifuur ngbaan kan, Uwumbɔr aa ba ga ki siin nwiin muken.

Josua 8:18

Le Uwumbɔr bui Josua ke, “Di saakpaatuŋ mɔk Ai aatiŋ ngbaan, m di ki ŋa aaŋaal ni a.” Le Josua ŋa kina.

Josua 8:3

Josua nan gor ke u ni waajab buen ki ti to Ai yaab butɔb. Kinyeek le u nyan waajab ŋichur piitaa, bi ŋmaa to butɔb na,