Nnyam 17:7 - Uwumbɔr aagbaŋ

⁷ Bi nan yin nima chee ke Masa, ki ki yin ni ke Meriba; ba pu? Israel yaab nan ŋulni Uwumbɔr pu ki tɔŋ u, ki baa ke, “Uwumbɔr bi ti chee aan waa bi?”

Nnyam 17:7 ပူးပေါင်းရင်းမြစ်များ

Ilahn 106:32

Meriba aanyunbun chee le binib ngbaan nan ki cha Uwumbɔr aaŋuul fii. Bi pu, Moses nan koo tibɔr ni.

Ilahn 78:18

Bi nyi le ki tɔŋ Uwumbɔr ki bui ke u tii bi tijikaar ti bi ban na.

Ilahn 81:7

Buyoonn ni nan bi tibɔr ni na, le ni nan yin mi, le m gaa nimi lii. M nan bi maabɔbɔryaan mu ye kitaabuŋ ni na, le ki kii nimi aayim ngbaan. M nan tɔŋ nimi Meriba aanyunbun na chee.

Ilahn 81:8

Maanib, li pel man tibɔr ti m joo sur nimi na; Israel yaab, m ba gee sakpen ke ni li ŋun tii mi.

Ilahn 95:8

“Taa cha nitafal li pɔɔ ke niyaajatiib aah nan bi pu Meriba aatiŋ ni na, ke baah nan ŋa pu nteersakpiin ni, Masa aatiŋ ni na.

Nnyam 17:2

Le bi ŋulni Moses pu ki bui ke, “Tiin timi nnyun ti nyu.” Le Moses giin kii bi ke, “Ba ŋa ni bi ŋulni? Ba ŋa ni bi tɔŋni Uwumbɔr?”

Nnyam 34:9

le ki bui ke, “Ndindaan, maabimbin yaa piir aasui kan, m mee si ke aa dii timi buen. Binib ngbaan aasui pɔɔ pam. Cha pinn timi aataani, ni timi aatunwanbir, aan ki cha ti li ye saanib.”

Aisaya 12:6

Cha unii umɔk bi Sionn na teen ki gaa ilahn ke, Israel yaab Aawumbɔr u bi chain na ye Uwumbɔrkpaan la, le ki bi waanib chee.”

Maika 3:11

Igaŋgaŋlik pu le kitiŋ ngbaan aajojoob joo ki, le bitotoorb tuk binib Uwumbɔr Aakaal ki gaal tipar, le bibɔnabr mu kpiir Uwumbɔr aah len pu na ŋimombil pu, le bi mɔmɔk len ke Uwumbɔr bi ti chee. Bi len le ke, “Tibɔbir tibaa aan dan ti chee. Uwumbɔr bi ti chee.”

Nkahm 14:22

binib bee ubaa kina aan li bi ki koo kitiŋ ngbaan ni. Bi kan maawiihn mu moor lak lak na, ni lijinjiir aawan nimɔk m ŋa ni Ijipt aatiŋ ni, ni nteersakpiin ni na, le ki tɔŋni mi, ki ki gir tɔŋni mi kina, ki yii mi.

Nkahm 20:13

Nimina mɔmɔk nan ŋa Meriba aatiŋ ni, nin chee Israel aanib nan ŋulni Uwumbɔr pu na la, le u nan mɔk bi ke u bi chain.

Nkahm 20:24

“Aaronn aan koo kitiŋ ki m puu ke m ga di tii Israel yaab na ni, u ban u kpo la, ba pu? nimi bilee bee nan yii maamɔb Meriba aatiŋ ni.

Nkahm 27:14

ba pu? nimi bilee ngbaan nan yii maamɔb, Sinn aateersakpiin ni. N‑yoonn mu Israel yaab mɔmɔk nan len mi tibɔbir Meriba aanyunbun chee na, ni nan yii, kaa cha binib ngbaan bee maapɔɔn mu bi chain na aah bi pu na.” Meriba nan ye nnyunbun mu nan bi Kades aatiŋ ni, ki bi Sinn aateersakpiin ni na la.

Jɔnn 1:14

Baah yin u ke Limɔboln na nan kpaln unibɔn, ki nan bi tikaasisik ni. U gee binib chob, ki len ibamɔn baanja la. Le ti kan waah kpa mpɔɔn pu na. Waah ye Uwumbɔr Aajapɔnbaal na, u kpa mpɔɔn ke Ute Uwumbɔr aah kpa pu na.

Ikaal 31:17

Bi yaa ŋa kina kan, m ga gee liŋuul bi pu, ki yii bi, le ki ga kuln bi. Tibɔbir pam ga dan bi pu, le ni ga cha bi bee ke min Baawumbɔr aa ki bi bi chee.

Ikaal 33:8

U nan ŋa Liifai yaab aanibol pu tinyoor ki bui ke, “Sin Uwumbɔr le di Urim ni Tumim aawan ni aa joo kpiir saageehn mɔk saanib na tii Liifai yaab bi ye saatutum bamɔm na. Sin le nan toŋ bi Masa aatiŋ ni, le ki lik baabimbin aah bi pu na Meriba aanyun chee.

Ikaal 6:16

“Ni taa tɔŋ Nidindaan Uwumbɔr ke naah nan ŋa pu Masa aatiŋ ni na.

Ikaal 9:22

“Ni nan ki ŋa Nidindaan Uwumbɔr liŋuul, buyoonn ni nan bi Tabera, ni Masa, ni Kiberof Hatafa aatim ni na.

Josua 22:31

Le utotoor Eleasar aajapɔɔn Fineas nan bui ke, “Dandana wee, ti bee ke Uwumbɔr bi ti chee. Naa yii waamɔb, kina pu le ni nyan Israel yaab mɔmɔk Uwumbɔr aatafadaan ni.”