Nnyam 17:6 - Uwumbɔr aagbaŋ

⁶ M ga loln nsan ki ti sil litakpasakpeln libaa pu, Sainai Aajool na chee. Faa litakpasakpeln ngbaan, le nnyun ga nyan ni li ponn ni aan binib ngbaan nyu.” Moses nan ŋa kina Israel yaab aaninkpiib ngbaan aanimbil ni.

Nnyam 17:6 ပူးပေါင်းရင်းမြစ်များ

Nehemia 9:15

Nkon aah nan joo bi na, aa nan tii bi tijikaar ti nyan ni paacham na, ki tii bi nnyun mu nyan ni litakpal ponn ni na, bi nyun. Aa nan bui bi ke bi li joo kitiŋ ki aa nan puu ke aa ga di tii bi na.

Ilahn 105:41

U nan chuu piir litakpal, le nnyun chee nyan ni, ki puu nteersakpiin ni ke limɔɔl na.

Ilahn 114:8

Uwumbɔr u kpelni ŋitakpal ŋani nnyun, ki kpelni ŋijootakpal ŋani inyunbun i puu na, li jii uma aanimbiin ni.

Ilahn 46:4

Limɔɔl libaa le bi, ki joo ni mpopiin nan tii Uwumbɔr u kaa kpa ŋeen aatɔ na aatiŋ ki ponn ni waadichal bi na.

Ilahn 74:15

Aa cha uyayak aanyunbun puu; aa cha ŋimɔɔ ŋi wiir na foor ki kuur.

Ilahn 78:18

Bi nyi le ki tɔŋ Uwumbɔr ki bui ke u tii bi tijikaar ti bi ban na.

Ilahn 78:20

Ni ye mbamɔn ke u faa litakpal, le nnyun puu nyan ni ke nwam na; tɔ, u ga ŋmaa tii timi tijikaar aa? u ga ŋmaa tii timi waanib tinann mu uu?”

Ilahn 81:7

Buyoonn ni nan bi tibɔr ni na, le ni nan yin mi, le m gaa nimi lii. M nan bi maabɔbɔryaan mu ye kitaabuŋ ni na, le ki kii nimi aayim ngbaan. M nan tɔŋ nimi Meriba aanyunbun na chee.

Nnyam 14:16

Yoor saajaangbeek paacham ki di mɔk nnyusakpem ngbaan. Nnyun ngbaan ga yakr, le Israel yaab ga ŋmaa chuun kitikuun pu ki jer nnyusakpem ngbaan aasisik ni.

Nnyam 16:10

Aaronn aah bui bi kina na, le bi mɔmɔk fenn binimbil toŋ nteersakpiin wɔb, le libuul ngbaan ni Uwumbɔr aajinjiir aawiihn na nyan bi chee ntaalangbam ni.

Aisaya 48:21

Uwumbɔr aah nan di waanib dii nteersakpiin mu ton ki kuun na ni na, baa nan kan nnyunyuu aafalaa. U nan cha nnyun nyan ni litakpal ni ki tii bi; u nan gaa lar litakpal ngbaan le nnyun puu nyan ni.

Nkahm 20:8

“Ti yoor lidabil li dɔ Nkaal Aadakaa chee na, aan aa ni Aaronn kuun ni binib ngbaan mɔmɔk, ki len litakpal sakpeln limina chee tibɔr, binimbil ni, le nnyun ga nyan ni li ponn ni. Ni yaa ŋa kina kan, nnyun ga nyan ni li ponn ni aan binib ngbaan ni baawakor kan nnyun ki nyu.”

Jɔnn 4:10

Le Yesu bui u, “Aa yaa ba nyi Uwumbɔr aah tii binib pu na, ki yaa ba nyi unii u mee si nnyun na kan, aa ba ga bui u ke u tii si nnyun mu ye limɔfal aanyun na, le u ba ga tii si.”

Jɔnn 4:14

Unii umɔk nyun maah ga tii u nnyun mu na, nnyunyuu aan ki chuu u. Maah ga tii u nnyun mu na, mu ga li ye nnyunbun mu bu u ponn ni kaan foor na, mu ga tii u limɔfal li kaa kpa ndoon na.”

Ikaal 1:2

Aa yaa nyan ni Sainai Aajool chee ki cha Kades Banea, ki dii ŋigongon aatiŋ ki bi yin ki ke Edom na ni kan, aa ga di iwiin kipiik ni mbaa le fuu nima chee.

Ikaal 8:15

Uma le nan loln ni pu nsan, nteersakpiin mu bir na ni, nin chee inyoohn ni ikuub i kpa liluul sakpen na bi na. Kitikuun ki kaa kpa nnyun kpala na, le u nan cha nnyun nyan ni litakpajool ponn ni, le ni nyun.

Tibɔkpiirkaan 22:17

Uwumbɔr Aafuur Nyaan ni Yesu aanib bui ke, “Dan.” Unii umɔk ŋun na, u mu bui ke, “Dan.” Unii umɔk nnyunyuu chuu u na, u mu dan. Unii umɔk ban na, u mu dan ki nan nyu limɔfal aanyun, ki taa pa nibaa.