Nnyam 17:4 - Uwumbɔr aagbaŋ

⁴ Le Moses mee Uwumbɔr mbamɔm le ki bui u ke, “M ga ŋa binib bee kinye? Bi gor ke bi mae mi ŋitakpal la.”

Nnyam 17:4 ပူးပေါင်းရင်းမြစ်များ

Ilahn 99:6

Moses ni Aaronn le nan ye waatotoorb, le Samuel nan ye unii u mee u na; bi nan yin Uwumbɔr, le u kii baayim ngbaan.

Nnyam 14:15

Uwumbɔr nan bui Moses ke, “Ba ŋa ni wii ki ban nterm? Tuk binib ngbaan ke bi li chuun.

Nnyam 15:25

Le Moses mee Uwumbɔr mbamɔm, le Uwumbɔr mɔk u ndɔ mubaa, le u di mu mee lii nnyun ngbaan ponn ni, le nnyun na mɔɔk, bi nyu. Nima chee le Uwumbɔr tii bi ikaal ke bi li joo i, le u ki toŋ bi nima chee mu.

Nkahm 11:11

Le u bui Uwumbɔr ke, “Ba ŋa aa ŋa mi kina? Ba ŋa aasui wu m pu? Ba ŋa aa di litukpaan lee tii mi ke m li lik binib bee?

Nkahm 14:10

Le Israel yaab mɔmɔk nan bui ke bi ga mae ŋitakpal ki ku bi. Libuul ngbaan ni, le bi kan Uwumbɔr aawiihn mu moor lak lak, ki deer ŋinimbil na, Waabool aapaacham.

Nkahm 16:19

Le Kora kuun ni Israel yaab mɔmɔk, ki nan sil toŋ Moses ni Aaronn, Libool ngbaan aabisamɔb chee. Libuul ngbaan ni, le Uwumbɔr aawiihn mu moor lak lak na woln binib ngbaan mɔmɔk pu.

Jɔnn 10:31

Waah len kina na, le Juu yaab ki yoor ŋitakpal bi ti mae u.

Jɔnn 8:59

Le bi yoor ŋitakpal bi ti mae u. Le u miln ki nyan Uwumbɔr Aadichal ni.

Lituln 14:19

Le Juu yaab bibaa nyan ni Antiok aatiŋ ni, ni Ikonium aatiŋ ni, ki dan Listra aatiŋ ni, bi nan bii Pɔɔl ni Banabas ki cha binib gee liŋuul bi pu. Le bi mae Pɔɔl ŋitakpal, ki dar fuul u nyan kitiŋ ni, ki ti di bil, ki dak ke u kpo, le ki siir cha u.

Lituln 7:50

Min mbaa le nan naan tiwan nimina mɔmɔk.’”

1 Samuel 30:6

David nan gur bi tibɔsakpenn ni la; ba pu? waajab aasui nan bii baah kaa ki kpa mbim pu na pu, le bi nan ban bi mae u ŋitakpal; Uwumbɔr mu nan tee tii u ntaakpapɔɔn.