Nnyam 17:3 - Uwumbɔr aagbaŋ

³ Tɔ, nnyunyuu nan joo binib ngbaan pam, le bi nan ŋulni Moses pu. Bi nan bui ke, “Ba ŋa aa nyan ni timi Ijipt aatiŋ ni, ki cha nnyunyuu ban mu ku timi, ni timi aabim, ni timi aawakor?”

Nnyam 17:3 ပူးပေါင်းရင်းမြစ်များ

Nehemia 9:15

Nkon aah nan joo bi na, aa nan tii bi tijikaar ti nyan ni paacham na, ki tii bi nnyun mu nyan ni litakpal ponn ni na, bi nyun. Aa nan bui bi ke bi li joo kitiŋ ki aa nan puu ke aa ga di tii bi na.

Nehemia 9:20

Saah ŋan sakpen pu na, aa nan mɔk bi baah ga ŋa pu na; aa nan di tijikaar ti bi yin ti ke mana na le di kpiin bi, ki tii bi nnyun mu, bi nyun.

Ilahn 107:5

Nkon ni nnyunyuu nan chuu bi, le biwon mɔmɔk yɔl.

Nnyam 12:38

Kinipaak kiken, ni tiwakor pam mu nan dii bi buen.

Nnyam 14:11

le ki bui Moses ke, “Ŋikaakul aa bi Ijipt aatiŋ ponn ni la aa? Aa nyan ni timi ke ti nan kpo nteersakpiin mue ni la aa? Lik saah ŋa pu na, ki nyan ni timi Ijipt aatiŋ ni.

Nnyam 15:24

Le binib ngbaan nan ŋulni Moses pu ki baa u ke, “Ti ga nyu ba?”

Nkahm 14:22

binib bee ubaa kina aan li bi ki koo kitiŋ ngbaan ni. Bi kan maawiihn mu moor lak lak na, ni lijinjiir aawan nimɔk m ŋa ni Ijipt aatiŋ ni, ni nteersakpiin ni na, le ki tɔŋni mi, ki ki gir tɔŋni mi kina, ki yii mi.

Nkahm 20:4

Ba ŋa ni joo ni timi nteersakpiin mue ni do? Ni ban ke ti ni timi aawakor kpo do la aa?