Nnyam 16:8 - Uwumbɔr aagbaŋ

⁸ Le Moses ki bui bi ke, “Ni ye Uwumbɔr ubaa le ga tii nimi tinann kijook kee, le kichakpiik ni u ga tii nimi tijikaar naah ban pu na, ba pu? u ŋun naah len tibɔbir u pu sakpen pu na; n‑yoonn mu ni len tibɔbir ti pu na, ni ye mbamɔn ke ni len Uwumbɔr la.”

Nnyam 16:8 ပူးပေါင်းရင်းမြစ်များ

Nnyam 16:12

“Israel yaab aah len tibɔbir m pu pu na, m ŋun. Tuk bi ke kijook kee bi ga kan tinann ki ŋmɔ, le fen kichakpiik ni bi ga fe kan tijikaar timɔk bi ban na, le ki ga bee ke min, Uwumbɔr, le ye Bidindaan.”

Nnyam 16:9

Moses nan bui Aaronn ke, “Tuk binib ngbaan mɔmɔk ke bi dan nan sil Uwumbɔr aanimbiin ni, ba pu? u ŋun baah len tibɔbir u pu pu na.”

Nnyam 17:2

Le bi ŋulni Moses pu ki bui ke, “Tiin timi nnyun ti nyu.” Le Moses giin kii bi ke, “Ba ŋa ni bi ŋulni? Ba ŋa ni bi tɔŋni Uwumbɔr?”

Aisaya 32:6

Ujɔr le ye unii u len kijɔrk aaliin, ki dakl ilandak i kaa ŋan na. Waah ŋani pu na, ni waah len pu na mɔmɔk ye lisiibil le ki tii Uwumbɔr; waa kpiini nkon aah joo binib bi na, kaa tii binib bi nnyunyuu joo bi na mu nnyun.

Aisaya 37:29

M ŋun saah kpa liŋuusakpeln ni kigaak pu na, le dandana m ga di njapiin di pui aamɔfal ni, le ki di itangar mu di ŋa aamɔb ni, ki di si giin dii nsan mu aa dii ni ki dan na.”

Nkahm 11:18

Bui binib ngbaan ke, ‘Toor nibaa man ki kiir fen, ni ga fe kan tinann ki ŋmɔ. Uwumbɔr ŋun naah ŋulni ki bui ke ni ban tinann pu na, ki ki len ke naah nan bi Ijipt aatiŋ ni na, ni nan soor ki tii nimi. Dandana wee, Uwumbɔr ga tii nimi tinann, le ni ga ŋmɔ ti.

Nkahm 14:27

“Bayoonn aan mbiindam bee ga di cha kaan ki ŋul m pu? Maah ŋun bi len tibɔr ti kaa ŋan m pu pu na, ni ti nyaŋ a.

Nkahm 21:7

Le bi dan Moses chee ki nan bui u ke, “Taah len aa ni Uwumbɔr tibɔr ti kaa ŋan na, ti tun titunwanbir. Mee Uwumbɔr ke u gaa timi lii iwaa ngbaan chee.” Kina pu le Moses mee Uwumbɔr tii bi.

Matiu 10:40

“Unii yaa gaa nimi maanib kan, u gaa mi le na. Unii yaa gaa mi kan, u gaa Uwumbɔr u tun ni mi na le na.

Matiu 9:4

Le Yesu bee baalandak, le ki baa bi, “Ba ŋa ni dak ilandak i kaa ŋan na nisui ni?

Tibɔnyaan ti Luk ŋmee ti na 10:16

Yesu nan tuk waadidiliib, “Unii u ŋun nimi aabɔr na kan, u ŋun maabɔr le na. Unii u yii nimi na kan, u yii mi le na. Unii u yii mi na kan, u yii Uwumbɔr u tun ni mi na le na.”

Jɔnn 13:20

M tuk nimi mbamɔn la, unii yaa gaa maah ga tun unii u na, u gaa mi le na. Unii yaa gaa mi kan, u gaa Uwumbɔr u tun ni mi na le na.”

Rom Yaab 13:2

Nima pu na, unii yaa yii waatiŋ aayidam kan, u yii Uwumbɔr aah siin pu na la. Binib bi yii bi na ga kan ntafadaan.

1 Korenti 10:10

Ni mu taa ŋulni ke bi ponn ni bibaa aah nan ŋulni pu ki cha Uwumbɔr aakun aatuun ku bi na.

1 Tesalonika 4:8

Unii umɔk yii mmɔkm ngbaan na, naa ye binib aamɔkm le u yii, u yii Uwumbɔr u tii nimi Waafuur Nyaan na aamɔkm la.

1 Samuel 8:7

le Uwumbɔr bui u ke, “Ŋun binib ngbaan aah len pu na mɔmɔk. Naa ye sin le bi yii, min le bi yii ke maa ye baabɔr.