Nnyam 16:7 - Uwumbɔr aagbaŋ

⁷ Kichakpiik ni, ni ga kan Uwumbɔr aajinjiir aawiihn. U ŋun naah len tibɔbir u pu pu na. Mbamɔn, ni len uma la, naa ye timi; tima joo waamɔbon le tuk nimi.”

Nnyam 16:7 ပူးပေါင်းရင်းမြစ်များ

Nnyam 16:10

Aaronn aah bui bi kina na, le bi mɔmɔk fenn binimbil toŋ nteersakpiin wɔb, le libuul ngbaan ni Uwumbɔr aajinjiir aawiihn na nyan bi chee ntaalangbam ni.

Nnyam 16:12

“Israel yaab aah len tibɔbir m pu pu na, m ŋun. Tuk bi ke kijook kee bi ga kan tinann ki ŋmɔ, le fen kichakpiik ni bi ga fe kan tijikaar timɔk bi ban na, le ki ga bee ke min, Uwumbɔr, le ye Bidindaan.”

Nnyam 16:8

Le Moses ki bui bi ke, “Ni ye Uwumbɔr ubaa le ga tii nimi tinann kijook kee, le kichakpiik ni u ga tii nimi tijikaar naah ban pu na, ba pu? u ŋun naah len tibɔbir u pu sakpen pu na; n‑yoonn mu ni len tibɔbir ti pu na, ni ye mbamɔn ke ni len Uwumbɔr la.”

Nnyam 24:10

ki ti kan Israel yaab Aawumbɔr. Tiwan nibaa nan bi utaa aataab ki naahn litakpanyaan li bi yin li ke safir na, ki bɔn timm ke kitaapaak na.

Nnyam 24:16

Uwumbɔr aawiihn nan moor ki sunn ni lijool ngbaan pu. Israel yaab ma aah nan kan nwiihn ngbaan na, mu nan naahn ke mmii le aah gaal lijool ngbaan pu na. Le ntaalangbam ngbaan nan biin lijool ngbaan pu ki ti saa iwiin iloob; winlole daal le Uwumbɔr yin Moses ntaalangbam ni.

Nnyam 40:34

N‑yoonn ngbaan, Uwumbɔr aataalangbam nan biin Libool pu, le waawiihn mu moor ki deer ŋinimbil na gbiin li ponn ni.

Aisaya 35:2

Nteersakpiin aatiŋ ngbaan ga li kpa mpopiin ki gaa ilahn ki li tar, ki ga li ŋan ke Lebanonn aajoo pu na la. Kitiŋ ngbaan ga li nyuun ke Kamel ni Saronn aakpaakon na. Binib mɔmɔk ga kan Uwumbɔr aah kpa kipak pu na, ki kan waah ye unikpaan ki kpa mpɔɔn pu na.

Aisaya 40:5

Uwumbɔr aah kpa kipak sakpen pu na ga nya mpaan pu aan unibɔn mɔmɔk kan waapak ngbaan. Uwumbɔr ubaa le puu kina.”

Liifai Yaab 9:6

Le Moses bui bi ke, “Uwumbɔr le tuk nimi ke ni ŋa tiwan nee mɔmɔk, aan nima kan, waawiihn mu moor lak lak na ga nyan ni ni chee.”

Nkahm 14:10

Le Israel yaab mɔmɔk nan bui ke bi ga mae ŋitakpal ki ku bi. Libuul ngbaan ni, le bi kan Uwumbɔr aawiihn mu moor lak lak, ki deer ŋinimbil na, Waabool aapaacham.

Nkahm 14:27

“Bayoonn aan mbiindam bee ga di cha kaan ki ŋul m pu? Maah ŋun bi len tibɔr ti kaa ŋan m pu pu na, ni ti nyaŋ a.

Nkahm 16:11

Aa ni saanib ngbaan aah bi galni Aaronn buyoonn na, Uwumbɔr le ni bi galni.”

Nkahm 16:42

Buyoonn aan bi mɔmɔk kuun ni ke bi nan yaar yii Moses ni Aaronn pu na, bi fenn lik Uwumbɔr Aabool, le ki kan ntaalangbam bi biini li pu, le Uwumbɔr aawiihn mu moor lak lak ki deer ŋinimbil na nyan mpaan pu.

Nkahm 17:5

Le uyidaan u m nyan na aadabil ga bunn tifasɔnn. Kina le m ga cha Israel yaab taa ki li ŋulni ni pu.”

Jɔnn 11:4

Yesu aah ŋun kina na, le u bui ke, “Iween ngbaan aadoon aan li ye nkun. Yaadoon le ga cha binib nyuŋ Uwumbɔr aan ki nyuŋ min Ujapɔɔn mu.”

Jɔnn 11:40

Le Yesu baa u, “Maa tuk si ke aa yaa gaa mi ki kii kan, aa ga kan Uwumbɔr aah kpa mpɔɔn pu na aa?”