Nnyam 16:4 - Uwumbɔr aagbaŋ

⁴ Le Uwumbɔr bui Moses ke, “Dandana wee, m ga cha tijikaar nyan ni paacham ki lir ni kitiŋ, ki tii ni mɔmɔk. Tɔ, binib ngbaan ga ban tijikaar ngbaan iwiin mɔmɔk ki ti ŋeer nwiin mubaa aajim. Nimina le ga cha m bee ke binib ngbaan ga joo maakaal aan baan joo.

Nnyam 16:4 ပူးပေါင်းရင်းမြစ်များ

Nehemia 11:23

Nnaan aakaal nan bi, ki mɔk imaal ngbaan aah ga li gaa ilahn ki gbaa tiwan Uwumbɔr Aadichal ponn ni, iwiin mɔmɔk pu na.

Nehemia 9:15

Nkon aah nan joo bi na, aa nan tii bi tijikaar ti nyan ni paacham na, ki tii bi nnyun mu nyan ni litakpal ponn ni na, bi nyun. Aa nan bui bi ke bi li joo kitiŋ ki aa nan puu ke aa ga di tii bi na.

Nehemia 9:20

Saah ŋan sakpen pu na, aa nan mɔk bi baah ga ŋa pu na; aa nan di tijikaar ti bi yin ti ke mana na le di kpiin bi, ki tii bi nnyun mu, bi nyun.

Ilahn 105:40

Bi nan mee Uwumbɔr le u cha ichakpee dan; u nan cha tijikaar nyan ni paacham ke bi nan ji ki bab.

Ilahn 78:23

Le u len kitaapaak chee tibɔr ki bui ke kaabisamɔi chuu piir;

Nnyam 15:25

Le Moses mee Uwumbɔr mbamɔm, le Uwumbɔr mɔk u ndɔ mubaa, le u di mu mee lii nnyun ngbaan ponn ni, le nnyun na mɔɔk, bi nyu. Nima chee le Uwumbɔr tii bi ikaal ke bi li joo i, le u ki toŋ bi nima chee mu.

Nnyam 16:15

N‑yoonn mu Israel yaab kan tijikaar ngbaan na, baa nan bee ti, le ki baa tɔb ke, “Ni ye ba?” Le Moses bui bi ke, “Tijikaar ti Uwumbɔr bui ke u ga tii nimi, ni ji na, le na.

Ŋiyataŋak 30:8

Nyan mi inyamɔn ni, ki cha m taa li kpa, ki taa li ye ugiin mu. Kina pu na, tii mi maah ban tijikaar pu na mɔk.

Matiu 6:11

Tiin timi din aawiin aajikaar.

Tibɔnyaan ti Luk ŋmee ti na 11:3

Tiin timi din aawiin aajikaar.

1 Korenti 10:3

Bi mɔmɔk nan ji tijikaabaan ki nyu nnyunbaan la. Uwumbɔr Aafuur Nyaan le nan tii bi tijikaar ni nnyun ngbaan. Nfuur Nyaan ngbaan nan cha nnyun nyan ni litakpal ni, le bi nyu. Nima le nan ye limɔkl ki mɔk ke Kristo dii bi.

Ikaal 8:16

Nteersakpiin ngbaan ni, le u nan tii nimi tijikaar ti bi yin ti ke mana na, le ni jin, tijikaar ti niyaajatiib aa nan nyi ti na. U nan cha falaa pii nimi ke u ŋaŋ nimi; nima kan, naadoon na, ni yaa nan nyaŋ kan, u ga ŋa tinyoor ŋa ni pu.

Ikaal 8:2

Ni teer ŋibin imonko ilee ŋi jer na ponn ni, Nidindaan Uwumbɔr aah nan loln ni pu nsan dandar mumina, nteersakpiin ni pu na. U nan di ŋimuk aabɔŋ tɔŋ nimi, ke u lik naah ga ŋa pu na, ki ki lik ke ni ga joo waakaal aan naan joo i.

Josua 24:15

Ni yaa kaa gee ke ni li dooni u kan, din wee, ni nyan naah ga dii u na; ni ga li dooni ŋiwaa ŋi niyaajatiib nan dooni ŋi Mesopotamia aatiŋ ni na aa? bee ni ga li dooni Amor yaab, bi ni bi baatiŋ ponn ni na le aawaa? M ni maamaal ma kan, ti ga li dii Uwumbɔr la.”