Nnyam 16:3 - Uwumbɔr aagbaŋ

³ le ki bui bi ke, “Uwumbɔr yaa ba ku timi Ijipt aatiŋ ni kan, ti ba ga li gee kina. Ti ba ga li kani tinann ni tijikaar timɔk ti gee na ki ji, le ni joo ni timi nteersakpiin mumina ponn ni ti nan kpo nkon.”

Nnyam 16:3 ပူးပေါင်းရင်းမြစ်များ

2 Samuel 18:33

Mpombiin nan ti nyaŋ ubɔr, le u fii buen kitiŋ aabisamɔb aadiik na ni, ki ti wii. Waah cha na, le u wii ke, “Maabo, maabo Absalom. Absalom, maabo. Maabo, min le yaa ba tee kpo ki cha sin kan, ni ba soor. Maabo Absalom.”

Job Aagbaŋ 3:1

Kookoo le Job ti waar umɔb, ki puun lii nwiin mundaal bi nan ma u na pu.

Job Aagbaŋ 3:10

Puun lii kinyeek ngbaan pu, kaah cha bi ma mi ki nyan mi siin tibɔbir, ni mpombiin ni na pu.

Job Aagbaŋ 3:20

Ba ŋa unii kpa limɔfal ki bi kinimbaak ni? Ba ŋa binib bi bi mpombiin ni na kpa nwiihn?

Ilahn 107:5

Nkon ni nnyunyuu nan chuu bi, le biwon mɔmɔk yɔl.

Ilahn 78:19

Bi nan len Uwumbɔr le ki bui ke, “Uwumbɔr ga ŋmaa tii timi tijikaar nteersakpiin ni ii?

Ilahn 78:25

Kina pu le bi nan jin Uwumbɔr aatuuntiib aajikaar, le Uwumbɔr tii bi baah ban pu na mɔmɔk.

Nnyam 14:11

le ki bui Moses ke, “Ŋikaakul aa bi Ijipt aatiŋ ponn ni la aa? Aa nyan ni timi ke ti nan kpo nteersakpiin mue ni la aa? Lik saah ŋa pu na, ki nyan ni timi Ijipt aatiŋ ni.

Nnyam 17:3

Tɔ, nnyunyuu nan joo binib ngbaan pam, le bi nan ŋulni Moses pu. Bi nan bui ke, “Ba ŋa aa nyan ni timi Ijipt aatiŋ ni, ki cha nnyunyuu ban mu ku timi, ni timi aabim, ni timi aawakor?”

Nnyam 2:23

Ŋibin pam aah jer cha na, le Ijipt aabɔr u nan dii Moses u ku u na nan kpo, le Israel yaab nan beenin bi tinaagbiir ni, le ki wii ki ban nterm. Uwumbɔr nan ŋun baah wii pu na,

Nnyam 5:21

Bi nan bui Moses ni Aaronn ke, “Uwumbɔr kan naah ŋa tiwan ni na, ki ga daa nitafal, nimi le cha ubɔr ni waaninkpiib nan timi. Nimi le tii bi nsan ke bi ku timi.”

Jeremia 2:6

Bitafal aa nan bi m ni, hali maah nan nyan ni bi Ijipt aatiŋ ni, ki di bi bɔ dii kipɔɔk ni, kitiŋ ki ye nteersakpiin, ni litambol, ki kuur ki kpa tiwanbir aan ubaa aa koo nima na; aan ubaa mu aa chuun nima chee na, bitafal aa nan bi m ni.

Jeremia 44:17

Ti ga ŋa tiwan ni mɔmɔk ti bui ke ti ŋa na. Ti ga toor kitork tii timi aawaapii, u ye Paacham Aapiibɔr na, ki ga tii u ndaan aapiin, ke timi, ni tiyaajatiib, ni timi aabɔr, ni timi aasalolm aah nan ŋani pu Juda aatim ni, ni Jerusalem aatiŋ ponn ni pu na. N‑yoonn ngbaan ti nan kpa tijikaar sakpen, ki nan kpa liwangol, kaa kpa tibɔr tibaa.

Inandalahn 4:9

Binib bi nan kpoi butɔb ni na aakun nan soor ni bi kpo puwɔb na, nkon le nan ku bima ngbaan, le tijikaar aa nan bi, bi ji ki ŋmar.

Nkahm 11:15

Ni yaa ye ke aa ga ŋa mi kina kan, tee san mi kinimbaak ki nyan maamɔfal, nima kan, m ga nya falaa sakpiin wee ni.”

Nkahm 11:20

ni ga ŋmɔ ti uŋmal ubaa le ti nuŋ nimɔfal ni, le ti ga cha ni buŋ kina pu. Ni ga ŋa kina, ba pu? ni yii Uwumbɔr u bi ni chee na, ki ŋulni ke naa ba gee ke ni nya Ijipt aatiŋ ni.’”

Nkahm 14:2

Bi nan len Moses ni Aaronn tibɔr ti kaa ŋan na ki bui ke, “Ti yaa ba kpo Ijipt aatiŋ ni, bee nteersakpiin ni do kan, ni ba soor.

Nkahm 14:3

Ba ŋa Uwumbɔr joo timi cha kitiŋ ngbaan ni? Bi ga ku timi butɔb ni, ki chur tipuutiib ni timi aabim tinaagbiir. Ti yaa ba gir buen Ijipt aatiŋ ni kan, naa ba soor aa?”

Nkahm 16:13

Saah nyan ni timi Ijipt aatiŋ ki kpa nkpan ni n‑yaan, ke aa nan ku timi lii nteersakpiin mue ni na, naa ŋeer aa? Le aa ki ban ke aa kpaln timi aabɔr aa?

Nkahm 16:41

Naah woln kitaak na, le binib mɔmɔk di dab Moses ni Aaronn le ki bui ke, “Nimi le ku Uwumbɔr aanib ngbaan ngem.”

Nkahm 21:5

le ki ŋulni Uwumbɔr ni Moses pu. Bi nan len ke, “Ba ŋa ni nyan ni timi Ijipt aatiŋ ni ke ti nan kpo nteersakpiin mue ni, nin chee tijikaar ni nnyun aa bi na. Ti nuur tijikaar tichachaan tee pu a.”

Lituln 26:29

Le Pɔɔl bui u, “M mee Uwumbɔr ke ni pɔɔye naa pɔɔye, aa ni binib bimɔk pel maah len pu dandana wee na, ŋa Kristo yaab ke min na. M mu aa ban ke bi buu nimi tikululn, ke min na.”

1 Korenti 4:8

Ni dak ke ni puun kan tiwan bab a, ki ye bipɔɔndam, ki kpaln bibɔrb, ki cha timi a. Ni yaa ba sil ye bibɔrb aan ti mu li ye bibɔrb ni chee kan, ni ba ga li mɔ timi.

2 Korenti 11:1

Tɔ, m yaa len kijɔrk aaliin siib kan, ni pɔɔn nibaa man ki li kpa limɔr m pu.

Ikaal 28:67

Tiwan nimɔk ninimbil kan ni na ga cha ijawaan chuu nimi. Ni yaa ti joor kijook kan, ni ba ga dakl ke ni li ye kichakpiik ni, le ni yaa woln kichakpiik ni kan, ni ba dak ke ni li ye kijook.

Ikaal 8:3

U nan cha ni chuun nkon, le u di tijikaar ti bi yin ti ke mana, aan nimi ni niyaajatiib aa nyi ti na kpiin nimi. U nan ŋa kina ke u mɔk nimi ke naa ye tijikaar baanja le ga ŋmaa tii unii limɔfal; limɔboln limɔk nyan ni Uwumbɔr aamɔb ni na le ga tii unii limɔfal.

Josua 7:7

Josua nan bui ke, “Tidindaan Uwumbɔr u kaa kpa ŋeen aatɔ na, ba ŋa aa di timi puur ni Jɔɔdann aamɔɔl? Aa ban aa nan di timi tii Amor yaab la aa? Aa ban aa bii timi la aa? Ba ŋa saa cha ti bee Jɔɔdann Aamɔɔdapuul lima na wɔb?