Nnyam 16:14 - Uwumbɔr aagbaŋ

¹⁴ N‑yoonn mu limaln baal na, le bi kan tijikaar tibaa aaboln nteersakpiin ngbaan ni. Ti nan diin ki soon ki naahn ŋitaatakpal la.

Nnyam 16:14 ပူးပေါင်းရင်းမြစ်များ

Nehemia 9:15

Nkon aah nan joo bi na, aa nan tii bi tijikaar ti nyan ni paacham na, ki tii bi nnyun mu nyan ni litakpal ponn ni na, bi nyun. Aa nan bui bi ke bi li joo kitiŋ ki aa nan puu ke aa ga di tii bi na.

Ilahn 105:40

Bi nan mee Uwumbɔr le u cha ichakpee dan; u nan cha tijikaar nyan ni paacham ke bi nan ji ki bab.

Ilahn 147:16

U taln ŋitaanal ke likekeln na la, ki cha likpakpal yaani ke kitangbaak na.

Ilahn 78:24

le ki tii bi njikaabim mu nyan ni paacham na, ki cha tijikaar ti bi yin ti ke mana na lir ni ke bi ji.

Nnyam 16:31

Israel yaab ngbaan nan yin tijikaar ngbaan ke mana. Ti nan bi ke njikaabim waatiir na, le ki piin, ki mɔ ke maab u bi di tisiir ŋa u na.

Ikaal 8:3

U nan cha ni chuun nkon, le u di tijikaar ti bi yin ti ke mana, aan nimi ni niyaajatiib aa nyi ti na kpiin nimi. U nan ŋa kina ke u mɔk nimi ke naa ye tijikaar baanja le ga ŋmaa tii unii limɔfal; limɔboln limɔk nyan ni Uwumbɔr aamɔb ni na le ga tii unii limɔfal.