Nnyam 15:7 - Uwumbɔr aagbaŋ

⁷ Saanaan mu kpa kipak na ponn ni le aa joo saapɔɔn nyaŋni saadim. Saaŋuul naahn mmii le ki wu bi ke ŋikak na.

Nnyam 15:7 ပူးပေါင်းရင်းမြစ်များ

Job Aagbaŋ 9:4

Uwumbɔr aalan ni waapɔɔn nyaŋ a, unii ubaa aa bi ki ga ŋman u.

Ilahn 148:13

Cha bi mɔmɔk pak Uwumbɔr aayimbil. Waayimbil jer ŋiyimbil mɔmɔk, waanyuŋ jer paacham ni kitiŋ.

Ilahn 59:13

kuln bi pel pel saaŋuul ponn ni. Kina kan, unii mɔmɔk ga bee ke Uwumbɔr le joo Israel aanib, ki joo unii mɔmɔk kitiŋ kee pu.

Ilahn 68:33

u chuun n‑yaayoonn na aataapaak ni na. Li pel man waah tar mpɔɔn pu pu na.

Ilahn 83:13

Uwumbɔr, yaa bi ke kitangbaak na, cha bi yaa ke libuln aah yaani timoor pu na.

Nnyam 14:27

Nima pu le Moses nan yoor uŋaal ki di mɔk nnyusakpem na, le lichakpitaawoln wɔb, nnyun ngbaan ki gir kpaan tɔb ponn ni, ki naa tɔb ke mu aah ba bi pu na. Le Ijipt yaab nan ban bi san ŋmar, le Uwumbɔr moo di bi mee lii nnyun ngbaan ni.

Nnyam 5:12

Nima pu na, binib ngbaan nan fii ki chuun Ijipt aatiŋ ni, ni kookoo, le ki ban ntɔm bi nan ŋa ŋitambil.

Nnyam 9:16

Maah ban m mɔk si maapɔɔn na, maa ku si, nima kan, binib mɔmɔk ga bee maah kpa liyimbil dulnyaa wee mɔmɔk ni pu na.

Aisaya 37:17

Uwumbɔr, ŋun timi aameel ki lik tiwan ni bi ŋani timi na. Li pel tiwan ni mɔmɔk Senakerib len ki joo seei sin Uwumbɔr u bi, kaa kpa ndoon na.

Aisaya 37:23

Aa dak ke ŋma aa bi seei ki ŋani u mbɔnyun? Saa pak mi, Israel yaab Aawumbɔr u bi chain na kpala.

Aisaya 37:29

M ŋun saah kpa liŋuusakpeln ni kigaak pu na, le dandana m ga di njapiin di pui aamɔfal ni, le ki di itangar mu di ŋa aamɔb ni, ki di si giin dii nsan mu aa dii ni ki dan na.”

Aisaya 37:36

Le Uwumbɔr aatuun buen Asiria aajab ni, ki ti ku baajab ŋichur nkub ni imonko inaa ni ŋiŋmu. Nwiin mu paa na aachakpinaanyeek ni, le bi kan bi mɔmɔk kpo ki dɔ.

Aisaya 37:38

Nwiin mubaa daal le u nan bi dooni liwaal Nisrok, laawaadiik ni, le ujapɔtiib bilee, Adramelek, ni Sareser, buen ti di baajaak aajum ku u, le ki san ŋmar buen Ararat aatiŋ pu. Le ujapɔɔn uken, u bi yin u ke Esaradonn na, nab waanaan pu.

Aisaya 47:14

Bi ga li bi ke tigbengbir na la, le mmii ga wu ti. Baan ŋmaa gaa bibaa lii, imiigaal ngbaan ga li ton bi chee sakpen, naan li ye mmii mu ton pulpul aan bi wor mu na.

Aisaya 5:16

Uwumbɔr Mpɔɔnsakpiindaan ŋani ni ŋan na la, le waapɔɔn nyan mpaan pu. Le waah ga ji waanib tibɔr pu na le ga mɔk waah bi chain pu na.

Aisaya 5:24

Kina pu na, timokuun ni ikpakpaabi aah wu mmii ni pu na, kina le nimi aanyaan ga bur, le nimi aafar mu kuur aan libuln daa ti buen, ba pu? nimi Israel yaab, ni yii Nimi Aawumbɔr Mpɔɔnsakpiindaan u bi chain na aah mɔk timi pu na.

Jeremia 10:6

Uwumbɔr, ubaa aa bi ke sin na; saapɔɔn nyaŋ sakpen a, le saayimbil nyuun ki kpa mpɔɔn.

Maika 4:11

Ŋitimbol pam le kuun ni ke ŋi nan tak nimi. Bi bui ke, “Ti ga bii Jerusalem aatiŋ doo. Ti ga kan ke kitiŋ ngbaan bii doo.”

Sekaria 14:3

Le Uwumbɔr ga nya ki ti tak ŋitimbol ngbaan, ke waah nan ŋani pu n‑yaayoonn na.

Sekaria 14:8

Nwiin ngbaan daal yaa nan fuu ni kan, nnyunpɔm ga li puu nya ni Jerusalem ni. Ligetekr libaa ga li puu cha N‑yaan Aanyusakpem ni, le liken puu cha Kaasisik ni Aanyusakpem ni. Mu ga li puu n‑yoonn mɔmɔk libiln ni la. Mu ga li puu lipeel ni kiseek ni la.

Sekaria 2:8

Uwumbɔr Mpɔɔnsakpiindaan u kpa kipak mɔmɔk na di tibɔr timina tun mi ŋitimbol ŋi nan jan ki gaa waanib aawan na chee ke: “Unii umɔk faa maanib na faa tiwan ni m gee sakpen ke nnimbil na la.

Malakai 4:1

Uwumbɔr Mpɔɔnsakpiindaan bui ke, “Nwiin mubaa choo le bigaadam ni titunwanbirdam ga wu ke mmii le aah wu timokuun na. Liyaadaal ngbaan kan, mmii ga wu bi, le biwon nibaa chee aan gur kaa wun.

Matiu 3:12

U joo waayikpimbik uŋaal ni, u ti chaar waajikaar, ki ga di njikaabim ŋa lipil ni, ki di tigbengbir see mmii mu kaan junn na ni.”

Lituln 9:4

Le u lir kitiŋ, ki ŋun nneel len ke, “Sɔɔl, Sɔɔl, ba ŋa aa ŋani mi falaa?”

Ikaal 33:26

Israel aanib, ubaa aa ki bi ke nimi Aawumbɔr na, uma le bi paacham, ntaalangbam ni, ki ter nimi.

Ikaal 4:24

Ba pu? Nidindaan Uwumbɔr bi ke mmiigaal na la, le kaa ban ke unibɔn ki dii tiwan nibaa ki kpee u pu.

Hiibru Yaab 12:29

Ba pu? timi Aawumbɔr bi ke mmiigaal mu ji tiwan ni kaa ŋan na mɔmɔk na la.