Nnyam 15:27 - Uwumbɔr aagbaŋ

²⁷ Le bi ti ki fuu Elim aanyunbun kipiik ni ilee, ni ŋibɔkpal aasui imonko itaa ni kipiik aah si gbɔk i na chee, le ki kal nima.

Nnyam 15:27 ပူးပေါင်းရင်းမြစ်များ

Ilahn 23:2

U tii mi lifuur timosɔnn aah bi nin chee na, ki mɔk mi uyayak aanyun mu soon na chee.

Nnyam 16:1

Israel yaab mɔmɔk nan nyan Elim ni, ki ti fuu Sinn aateersakpiin mu bi Elim ni Sainai aakaasisik ni na, lelee aaŋmal aawiin kipiik ni iŋmu daal, baah nan nyan ni Ijipt aatiŋ ni na aapuwɔb.

Aisaya 12:3

Uwumbɔr yaa gaa waanib lii kan, bi kpa mpopiin ke nnyunsoom aah tii unii u nnyunyuu joo u na mpopiin pu na la.”

Esekiel 47:12

Isui mɔmɔk aabɔŋ ga muun ŋimɔɔgban ŋilee ngbaan mɔmɔk pu ki tii tijikaar. Yaafar aan yɔl daalbaadaal, le yaasubil mu aan fir daalbaadaal. I ga li kpa uŋmal mɔk aasubipɔɔn, ba pu? nkpen mu puu nyan ni Uwumbɔr Aadichal ni na le tii i nnyun. Isui ngbaan ga li tii tijikaar, le bi ga li joo yaafar mu ki sɔŋ binib aaween.”

Nkahm 33:9

Bi nan fii nima chee mu, le ki buen Elim aatiŋ ni, ki ti kal nima, ba pu? inyunbun kipiik ni ilee, ni ŋibɔkpal aasui imonko itaa ni kipiik nan bi nima.

Tibɔkpiirkaan 22:2

Le limɔfal aasui si limɔɔl ngbaan aapepel mɔmɔk ŋilee pu, le ki lu ŋisubil libiln ponn ni nfum kipiik ni mulee, uŋmal uŋmal ponn ni. Isui ngbaan aafar le tii ŋinibol mɔk laafee.

Tibɔkpiirkaan 7:17

ba pu? Upihbo u bi Uwumbɔr aabɔrjal aakaasisik ni na le ga kpiin bi, ki ga mɔk bi uyayak aanyun mu ga tii bi limɔfal na chee. Uwumbɔr ga per binimbil tinyunyunn mɔmɔk.”