Nnyam 15:25 - Uwumbɔr aagbaŋ

²⁵ Le Moses mee Uwumbɔr mbamɔm, le Uwumbɔr mɔk u ndɔ mubaa, le u di mu mee lii nnyun ngbaan ponn ni, le nnyun na mɔɔk, bi nyu. Nima chee le Uwumbɔr tii bi ikaal ke bi li joo i, le u ki toŋ bi nima chee mu.

Nnyam 15:25 ပူးပေါင်းရင်းမြစ်များ

2 Bibɔrb 2:21

le u buen uyayak aanyunbun ngbaan chee, le ki ti di n‑yaan ngbaan mee ŋa nnyun ngbaan ni, le ki bui ke, “Uwumbɔr aah len pu na sɔ: ‘M ŋaŋ nnyun mumina, le mu aan ki cha unii kpo, kaan cha upii di lipuul lii.’”

2 Bibɔrb 4:41

Le Elaisa cha bi joo ni u n‑yon, le u di mu mee ŋa tikpin ngbaan ni, le ki bui ke, “Bar tikpin tii bi man.” Le nibaa aa nan ki bi ti ni.

2 Bibɔrb 6:6

Le Elaisa baa u ke, “Mu lir la chee?” Uja ngbaan nan mɔk u mu aah lir nin chee na, le Elaisa koo nkpakpaa, ki di mee lii nnyun ni nima, le nchɔkbim ngbaan fii deen.

Ilahn 50:15

Tibɔr yaa dan kan, ni yin mi le m ga gaa nimi lii aan ni ga pak mi.”

Ilahn 66:10

Uwumbɔr, aa tɔŋ timi; baah pu tikunabr mmii ni pu ki nyani tijɔŋ na, kina le aa tɔŋ timi.

Ilahn 81:7

Buyoonn ni nan bi tibɔr ni na, le ni nan yin mi, le m gaa nimi lii. M nan bi maabɔbɔryaan mu ye kitaabuŋ ni na, le ki kii nimi aayim ngbaan. M nan tɔŋ nimi Meriba aanyunbun na chee.

Ilahn 91:15

Bi yaa yin mi kan, m ga kii baayim; bi yaa bi tibɔr ni kan, m ga li bi bi chee. M ga nyan bi tibɔr ni, ki nyuŋ bi.

Ilahn 99:6

Moses ni Aaronn le nan ye waatotoorb, le Samuel nan ye unii u mee u na; bi nan yin Uwumbɔr, le u kii baayim ngbaan.

Nnyam 14:10

N‑yoonn mu Israel yaab kan ubɔr ngbaan ni waajab paa ni bi pu na, le ijawaan chuu bi, le bi wii yin Uwumbɔr ke u ter bi,

Nnyam 16:4

Le Uwumbɔr bui Moses ke, “Dandana wee, m ga cha tijikaar nyan ni paacham ki lir ni kitiŋ, ki tii ni mɔmɔk. Tɔ, binib ngbaan ga ban tijikaar ngbaan iwiin mɔmɔk ki ti ŋeer nwiin mubaa aajim. Nimina le ga cha m bee ke binib ngbaan ga joo maakaal aan baan joo.

Nnyam 17:4

Le Moses mee Uwumbɔr mbamɔm le ki bui u ke, “M ga ŋa binib bee kinye? Bi gor ke bi mae mi ŋitakpal la.”

Nnyam 20:20

Moses nan giin bui bi ke, “Taa san ijawaan man, Uwumbɔr dan ke u nan tɔŋ nimi, le ki ban ke ni kii waamɔb, nima kan, naan tun titunwanbir.”

Ŋiyataŋak 17:3

Mmii le bi joo tɔŋni salmaa ni tikunabr, Uwumbɔr mu le tɔŋni unibɔn aasui lik.

Jeremia 15:1

Le Uwumbɔr bui mi ke, “Hali Moses ni Samuel le yaa ba si do ki gaŋni mi kan, maa ba ga san binib bee kinimbaak. Cha bi li cha; taa cha nnimbil ki kan bi.

Jeremia 9:7

Kina pu le Uwumbɔr Mpɔɔnsakpiindaan bui ke, “M ga pu maanib mmii ni ke tikur na, ki nyan baajɔŋ le ki tɔŋ bi ki lik. Maanib tun titunwanbir, m ni bima ki kpa bayaar?

Esekiel 47:7

le maah ti nyan nima chee na, m kan ke isui pam nan si limɔɔgbaln mɔk pu.

Esekiel 47:8

U nan bui mi ke, “Nnyun mumina puu cha liwipuul wɔb, le ki ti lir Jɔɔdann Aafataŋ ni, ki nyan nima ti koo N‑yaan Aanyusakpem ni. Nima chee le mu ti gaa n‑yaan aanyun mu bi nnyusakpem ngbaan ni na, ki ye nnyunbamɔm.

1 Korenti 1:18

Binib bi ga kuln na, ti yaa tuk bi ke Kristo nan kpo ndɔpuinkoo pu ki tii bi kan, ni bi ke kijɔrk aaliin na le ki tii bi. Ni mu ye Uwumbɔr aapɔɔn le ki tii timi bi ŋmar na.

Ikaal 13:3

ni taa kii tii u. Naa kee dii ŋiwaa ngbaan. Nidindaan Uwumbɔr ban ke u di unii ngbaan tɔŋ nimi ki lik ke ni gee u nisui mɔmɔk ni aan naa gee u.

Ikaal 8:16

Nteersakpiin ngbaan ni, le u nan tii nimi tijikaar ti bi yin ti ke mana na, le ni jin, tijikaar ti niyaajatiib aa nan nyi ti na. U nan cha falaa pii nimi ke u ŋaŋ nimi; nima kan, naadoon na, ni yaa nan nyaŋ kan, u ga ŋa tinyoor ŋa ni pu.

Ikaal 8:2

Ni teer ŋibin imonko ilee ŋi jer na ponn ni, Nidindaan Uwumbɔr aah nan loln ni pu nsan dandar mumina, nteersakpiin ni pu na. U nan di ŋimuk aabɔŋ tɔŋ nimi, ke u lik naah ga ŋa pu na, ki ki lik ke ni ga joo waakaal aan naan joo i.

Bibɔjirb 2:22

M ga di bima le lik ke Israel yaab bimina ga dii maasan ke biyaajatiib aah nan dii pu na aan baan dii.”

Bibɔjirb 3:1

Kina pu na, Uwumbɔr nan cha ŋitimbol ŋibaa aanib gaar kitiŋ ngbaan pu, ke u di tɔŋ Israel yaab bi kaa nan kan bi ni Kanaann yaab aatɔb na, ki lik.

Bibɔjirb 3:4

Bi nan ye ntɔŋ le ki tii Israel yaab, ke u lik ke bi ga kii uma Uwumbɔr aah nan di ikaal i tii Moses ke u di tii biyaajatiib na, aan baan kii i.