Nnyam 15:20 - Uwumbɔr aagbaŋ

²⁰ Uwumbɔr aabɔnabpii Miriam, u ye Aaronn aaninkpan na nan yoor waachayakrtuun, le bipiib mɔmɔk mu yoor baachayakrtuun ki dii u ki waa liwaal,

Nnyam 15:20 ပူးပေါင်းရင်းမြစ်များ

Mpiin 31:27

Ba ŋa aa ŋmann mi ki loon san, kaa tuk mi? Aa yaa ba tuk mi kan, m ba ga cha m ni maanib yoor tiwangbaakaan le ki li gaa ilahn ki kpa mpopiin ki cheen nimi.

2 Samuel 1:20

Taa mooni ti Gaf aatiŋ ni. Taa tuk Askelonn aatiŋ aanib. Taa cha Filistia aapiib aasui piir; taa cha binib bi kaa dii Uwumbɔr na aabisatiib kan mpopiin.

2 Samuel 6:14

David nan gbab Uwumbɔr aatotoor aakekengeŋ uchaŋ ni, ki di waapɔɔn mɔmɔk ki waa liwaal ki pak Uwumbɔr.

2 Samuel 6:16

Baah joo Dakaa ngbaan bi di koo ni kitiŋ ngbaan ponn ni buyoonn na, le Sɔɔl aabisal Mikal lik takolu ni, ki kan Ubɔr David aah bi yukr ki waa liwaal tii Uwumbɔr pu na, le u lik seen u usui ni.

2 Samuel 6:5

David ni Israel yaab mɔmɔk nan gaa ilahn, le ki waa liwaal mpɔɔn pu ki pak Uwumbɔr. Bi nan gbaa tibar, ni ŋigangan, ki yak ichayakrtuun.

2 Bibɔrb 22:14

Ubɔr aamɔboln ngbaan pu le Hilkia, ni Ahikam, ni Akbor, ni Safann, ni Asaya nan buen upii u bi yin u ke Hulda na chee bi ti baa lik. Upii ngbaan nan ye Uwumbɔr aabɔnabr le ki koo baah laa maa Jerusalem ponn ni ŋidichapɔɔn lipepel li na ni. Uchal le nan ye Tikfa aajapɔɔn Salum. Salum aayaaja le nan ye Harhas. Uchal ngbaan le nan ye Uwumbɔr Aadichal ni aawanpeenkaan aaninkpel. Bi nan ŋeer tuk upii ngbaan tiwan ni ŋa na,

1 Bibɔrb Aabɔr 15:16

David nan tuk Liifai yaab aasalolm ke bi yakr Liifai yaab biken ki cha bi li gaa ilahn i mɔ na, ki gbaa tibar, ki yak ichayakrtuun.

1 Bibɔrb Aabɔr 6:3

Amram nan ma mbijabim mulee la. Bima le nan ye Aaronn ni Moses. Bininkpan le nan ye Miriam. Aaronn mu nan ma mbijabim binaa la. Baayimbil sɔ: Nadab, ni Abihu, ni Eleasar, ni Itamar.

Nehemia 6:14

Le m mee Uwumbɔr ke, “Uwumbɔr, teer Tobia ni Sanbalat aah tun pu na ki daa bitafal. Teer upii u bi yin u ke Noadia na, ni bibɔnabr bi mɔmɔk pɔɔn bibaa ke bi faan mi na, ki daa bi mu aatafal.”

Ilahn 149:3

Li waa liwaal pak waayimbil man; di ŋigangan ni tibar pak u man.

Ilahn 150:4

Di ŋigangan ki waa liwaal pak u man. Di tibar ni kulufeeŋ mam pak u man.

Ilahn 30:11

Aa kpeln maasuubiin ŋa mpopiin aawaal; aa chuu nyan maasuubiin m chee, ki di mpopiin gob mi.

Ilahn 68:11

Uwumbɔr tii nsan, le bipiib pam moon tibɔr ngbaan ke,

Ilahn 68:25

Bilahngaab le loln nsan, le biwangbaab paa puwɔb, le bisapɔm bi gbaa ŋidabun na bi kaasisik ni.

Ilahn 68:26

“Pak Uwumbɔr, waanib aakuun ni man; Nimi bimɔk ye Jakob aayaabitiib na, pak Uwumbɔr man.”

Ilahn 81:2

Piin ŋigangan aagbaam man, ki li gbaa ŋidabun man; li joo tibar mɔmɔk aabɔŋ gbaa ki gaa ilahn i mɔ na man.

Nnyam 2:4

Ubo ngbaan aaninkpan nan si dandar ki pekr lik tiwan ni ga ŋa ubo ngbaan na.

Ulandaan 3:4

U siin mpombiin aayoonn, le mpopiin mu aayoonn bi, ikpowiil aayoonn bi, le liwaal aayoonn mu bi,

Jeremia 31:4

M ga ki gir maa nimi kaan. Ni ga ki gir yoor nimi aagangan ki waa mpopiin aawaal.

Maika 6:4

M nyan ni nimi Ijipt aatiŋ ni; m nyan ni nimi tinaagbiir ni; m nan tun Moses, ni Aaronn, ni Miriam ke bi nan loln ni pu nsan.

Nkahm 12:1

Moses nan joo Kus yaab aapiibo ubaa la, le Miriam ni Aaronn nan galn u kina pu.

Nkahm 12:2

Bi nan bui ke, “Uwumbɔr cha Moses baanja le nabr waabɔr aa? Waa cha ti mu nabr waabɔr aa?” Uwumbɔr nan ŋun baah len pu na.

Nkahm 20:1

Israel yaab aah nan nyan Ijipt aatiŋ ni ki ti saa ŋibin imonko ilee pu na aajan aaŋmal ni, le binib ngbaan mɔmɔk nan ti fuu Sinn aateersakpiin ni, le ki kal Kades aatiŋ ni. Nima chee le Miriam nan kpo, le bi sub u.

Nkahm 26:59

uma le nan joo Liifai yaab aapiibo u bi nan yin u ke Jokebed, aan bi nan ma u Ijipt aatiŋ ni na. Upii ngbaan nan ma mbijabim mulee le tii Amram, bi nan yin bi ke Moses ni Aaronn, le ki ma upiibo u bi nan yin u ke Miriam na mu.

Tibɔnyaan ti Luk ŋmee ti na 2:36

Le upininkpel ubaa, u ye Uwumbɔr aabɔnabpii, aan bi yin u ke Ana na, mu nan bi. U nan ye Fanuel aabisal, ki ye Aser aanibol ponn ni aanii ubaa la. U nan por sakpen a. U nan bi uchal chee ŋibin ŋilole, le uchal kpo cha u, le u ye ukpopii.

Lituln 21:9

Ubisatiib nan ye binaa, kaa kpa chatiib. Le Uwumbɔr Aafuur Nyaan cha bi nabr Uwumbɔr aah len pu na.

1 Korenti 11:5

Upii mu yaa mee Uwumbɔr, bee u yaa nabr Uwumbɔr aah len pu na, kaa buu kiyibubuuk kan, u jinn uyidaan inimɔɔn. Ni bi ke waah kuu tiyikpir le na.

1 Korenti 14:34

Bipiib li ŋmin Yesu aanib aakuun ponn ni na. Baa kpa nsan ke bi len. Ni bi kina Yesu aanib aakuun mɔmɔk ponn ni la. Ni ŋan bi li keei bichatiib aamɔi. Uwumbɔr Aagbaŋ mu len kina la.

Bibɔjirb 11:34

Jefta aah gir kun Mispa aatiŋ ni na, ubisal nan nyan ni ke u tooh ute nsan ni, le ki yikr nchayakrtuun, ki waa liwaal. Uma le nan ye waabobaal li u kpa na.

Bibɔjirb 21:21

ki li kii. Silo aatiŋ aasapɔm yaa nan nyan ni ke bi nan waa liwaal njim ngbaan ni kan, ni nyan ni ŋisubil aasar ngbaan ni. Ni mɔmɔk chur nimi aapiib bi ponn ni ki di gir buen Benjaminn aapepel ni.

Bibɔjirb 4:4

Tɔ, Lapidof aapuu Debora nan ye Uwumbɔr aabɔnabpii la, le n‑yoonn mue na, uma le nan ye Israel yaab aabɔjil.

1 Samuel 10:5

Aa yoor ti fuu Uwumbɔr Aagongoln li bi Gibea ni na, aa ga kan Filistia yaab kuun ki bi nima. Kitiŋ ngbaan aabisamɔb chee, aa ga kan Uwumbɔr aabɔnabtiib bibaa nyan ligongoln paab, Uwumbɔr aatork aabimbiln chee, ki sunn choo ki gbaa tibar ni ŋigangan, ki pii ŋiwul mam. Bi ga li bi pak Uwumbɔr, Waafuur Nyaan aapɔɔn pu.

1 Samuel 18:6

David aah ku Goliaf aan u ni bijab gir choo kun ni na, bipiib nan nyan ni ntim mɔmɔk, Israel aatiŋ ni, ki dan bi nan tooh ubɔr Sɔɔl nsan ni. Bi nan gaa mpopiin aalahn, ki waa liwaal, ki yak ichayakrtuun ki gbaa tibar.