Nnyam 15:2 - Uwumbɔr aagbaŋ

² Uwumbɔr le ye u kii mi ki pɔɔ na. Uma le gaa mi lii. Uma le ye Maawumbɔr, le m ga pak u. Uma le ye nte Aawumbɔr, le m ga gaa ilahn ki pak waah kpa mpɔɔn pu na.

Nnyam 15:2 ပူးပေါင်းရင်းမြစ်များ

Mpiin 17:7

“Maah puu pu tii si na, m ga li joo tipuur ngbaan ki tii si, ni aayaabitiib bimɔk ga paan ni aa pu na, aan ti li ye tipuur ti kaa kpa ndoon na. M ga li ye Saawumbɔr, ni aayaabitiib Aawumbɔr.

Mpiin 49:18

Uwumbɔr, m kii saah ga gaa mi lii pu na la.

2 Samuel 22:3

Maawumbɔr le ye u kii mi na, le m yaa bi u chee kan, m ŋmar. U kii mi ke kijaak aapeln na la; u kii mi, le m bi ŋŋmarm ni. Uma le ye u gaal mi lir na, u kii mi, le tiwanbir aa piir mi.

2 Samuel 22:47

Uwumbɔr bi n‑yoonn mɔmɔk. Pak maakikiir man. Moon man ke Uwumbɔr pɔɔ; Uwumbɔr u gaal mi lir na pɔɔ sakpen a.

2 Samuel 22:51

Uwumbɔr le tii mi, u ye ubɔr na, linyaŋ sakpeln ngbaan; waah lee mi na, u mɔk mi ngeehm n‑yoonn mɔmɔk la. U mɔk mi, David, ni n‑yaabitiib waageehm ki ti saa n‑yoonn mu kaa kpa ndoon na.

2 Samuel 7:24

Aa di Israel yaab ŋa saanib n‑yoonn mɔmɔk, le sin Uwumbɔr ye Bidindaan.

2 Samuel 7:5

“Buen ti tuk maatutunn David ke m bui u ke, ‘Naa ye sin le ga maa lidichal tii mi.

1 Bibɔrb 8:13

Tɔ, m maa Saadichal li ŋan sakpen, ki wiir na tii si, nima le aa ga li koo n‑yoonn mɔmɔk.”

1 Bibɔrb 8:27

“Tɔ, Uwumbɔr, m nyi ke saan ŋmaa koo taab do. Hali paacham mɔmɔk aa waa sakpen ki ga ŋeer si, kina pu na, Lidichal li m maa na par ke aa li koo li ponn ni.

1 Bibɔrb Aabɔr 16:14

Uwumbɔr le ye Tidindaan, waakaal ye dulnyaa wee mɔmɔk aakaal la.

Ilahn 109:1

Uwumbɔr, m pak si la, taa li ŋmin.

Ilahn 118:14

Uwumbɔr tii mi mpɔɔn sakpiin, u gaa mi lii.

Ilahn 118:21

Uwumbɔr, aa ŋun maayim pu ki tii mi linyaŋ, nima pu le m pak si.

Ilahn 118:28

Aa ye Maawumbɔr la, le m dooni si, m ga moon saah kpa mpɔɔn pu na.

Ilahn 132:5

see m ti maa nin chee Uwumbɔr ga li koo na, uma Uwumbɔr Mpɔɔndaan u tiyaaja Jakob nan dii u na.”

Ilahn 140:7

Ndindaan Uwumbɔr, u ye maakikiir, ki ye mpɔɔndaan na, aa kiir mi butɔb ni.

Ilahn 145:1

Maawumbɔr u ye maabɔr na, m ga moon saah kpa mpɔɔn pu na; m ga li dooni si ki ti saa n‑yoonn mu kaa kpa ndoon na.

Ilahn 18:46

Uwumbɔr bi n‑yoonn mɔmɔk. Pak maakikiir man. Moon man ke Uwumbɔr kpa mpɔɔn; u gaal mi lir na pɔɔ sakpen a.

Ilahn 22:10

Bundaal bi maa mi na le m nan di naadii tii si, le aa ye Maawumbɔr n‑yoonn mɔmɔk.

Ilahn 22:3

Le aa ka libɔrjal pu ki bi chain, sin le ye Uwumbɔr u Israel yaab pak u na.

Ilahn 27:1

Uwumbɔr le ye maawiihn, uma le gaal mi lir; Maan san ubaa ijawaan. Uwumbɔr kii mi le ki nyani mi linimaln mɔmɔk ni; maan li san ijawaan kpala.

Ilahn 28:8

Uwumbɔr kii waanib la; u ter waah lee ubɔr u na, le ki gaal u lir.

Ilahn 30:1

Uwumbɔr, m pak si, ba pu? aa gaa mi lii, kaa cha maadin aasui piir m pu.

Ilahn 34:3

Cha m ni nimi kpaan man ki moon Uwumbɔr aah kpa mpɔɔn pu na; cha ti kpaan ki pak waayimbil man.

Ilahn 48:14

“Uwumbɔr umina ye timi Aawumbɔr le ki ti saa n‑yoonn mu kaa kpa ndoon na.” Uma le ga mɔk timi nsan ki ti saa n‑yoonn mu kaa kpa ndoon na.

Ilahn 59:17

Maakikiir, m ga pak si. Maabɔbɔryaan le ye Uwumbɔr, Uwumbɔr u gee mi na.

Ilahn 68:20

Timi Aawumbɔr le ye Uwumbɔr u gaal binib lir na; uma le ye Tidindaan Uwumbɔr u nyani timi nkun ni na.

Ilahn 99:5

Pak Tidindaan Uwumbɔr man; li dooni u man waabɔrjal taab. U bi chain la.

Ilahn 99:9

Pak Tidindaan Uwumbɔr man, li dooni u waagongoln li bi chain na pu man. Tidindaan Uwumbɔr bi chain la.

Nnyam 14:13

Moses nan giin bui bi ke, “Taa san ijawaan man. Sil chob man, ni ga kan Uwumbɔr aah ga ŋa pu ki gaa nimi lii din wee na. Naan ki kan Ijipt yaab bee daalbaadaal.

Nnyam 3:6

Min le ye aayaajatiib Aawumbɔr, min le ye Abraham, ni Aisak, ni Jakob Aawumbɔr.” Nima pu na, Moses nan biin unimbil pu, kaa nan kaa u lik Uwumbɔr.

Nnyam 4:22

Aa ga bui u ke min Uwumbɔr len ke, ‘Israel yaab le ye maajan aabijabo.

Nnyam 40:34

N‑yoonn ngbaan, Uwumbɔr aataalangbam nan biin Libool pu, le waawiihn mu moor ki deer ŋinimbil na gbiin li ponn ni.

Nnyam 6:7

M ga di nimi ŋa maanib, m ga li ye nimi Aawumbɔr. Ni ga bee ke m ye Nidindaan Uwumbɔr u gaa nimi lii, ki nyan nimi tinaagbiir ni, Ijipt yaab chee na.

Aisaya 12:2

Uwumbɔr le ye maagaaliidaan; m ga tii u naadii kaan san ijawaan. Uwumbɔr tii mi mpɔɔn; uma le ye maagaaliidaan.

Aisaya 25:1

Ndindaan Uwumbɔr, m ga nyuŋ si ki pak saayimbil. Aa ŋa lijinjiir aawan; aa ŋman ki joo saah nan siin n‑yaayoonn na ke aa ga ŋa pu na.

Aisaya 45:17

Le Uwumbɔr gaa Israel yaab ma lii, le Israel yaab aanyaŋ aan li kpa ndoon; Israel aanib aan ji inimɔɔn daalbaadaal.’”

Aisaya 49:6

Uwumbɔr bui ke, “M kpa lituln li pɔɔ na ke sin maatutunn tun. Naa ye ke aa giin Israel yaab bi ŋmar na aapɔɔn tii bi baanja, m ga cha aa li ye ŋitimbol mɔmɔk aawiihn ki tii dulnyaa aanib mɔmɔk nsan ke bi ŋmar.”

Aisaya 66:1

Uwumbɔr bui ke, “Kitaapaak le ye maabɔrjal, le kitiŋ ye ntaa aah taa ni pu na. Ni ga maa ba aadichal aaboln ki tii mi, ba aapaan ni ga kan tii mi aan m li koo nima?

Jeremia 3:23

Taah dooni ŋiwaa ŋigongon paab pu na aa kpa timi nterm mubaa. Timi Israel yaab aaterm nyani Tidindaan Uwumbɔr baanja chee la.

Jeremia 31:33

Maah ga puu tipuupɔln ti tii Israel yaab na ga li ye le ke: M ga di maakaal ŋa baalandak ni, ki ŋmee mu bisui ponn ni. M ga li ye Baawumbɔr, le bi li ye maanib.

Jeremia 32:38

Bi ga li ye maanib, le m mu ye Baawumbɔr.

Habakuk 3:13

Aa nan dan ke aa ti gaa saanib ni saah nyan ubɔr u na lii la. Aa nan kuln titunwanbir aatiŋ aayidaan, aa nan doo u kookoo la.

Sekaria 13:9

Le ligetekr libaa li gur na, m ga tɔŋ bi, ki nyan baajɔŋ, ke baah pu tikunabr mmii ni ki nyani taajɔŋ pu na. M ga tɔŋ bi ke baah tɔŋni salmaa mmii ni pu na. Le bi ga li mee mi, le m ga kii baameel. M ga bui bi ke bi ye maanib la, le bi len bibaa ke min le ye Baawumbɔr.”

Tibɔnyaan ti Luk ŋmee ti na 1:77

ki tuk waanib ke u ga di cha baatunwanbir pinn bi, ki gaa bi lii;

Tibɔnyaan ti Luk ŋmee ti na 2:30

ki cha nnimbil kan Saabo u ga gaa timi lii na.

Jɔnn 4:22

Nimi Samaria yaab dooni Uwumbɔr u naa nyi u na. Timi Juu yaab ma dooni Uwumbɔr u ti nyi u na la. Unii u ga gaa dulnyaa ni aanib lii na nyan ni Juu yaab aakaasisik ni la.

Jɔnn 5:23

aan binib mɔmɔk nyuŋ min Ujapɔɔn ke baah nyuŋ Nte Uwumbɔr pu na. Unii umɔk kaa nyuŋ min Uwumbɔr Aajapɔɔn na, waa nyuŋ Uwumbɔr u tun ni mi na le na.

Lituln 4:12

Uma Yesu pu, le ti ga ŋmar. Uwumbɔr di Yesu aayimbil tii timi, ke ti ŋmar. Ubaa aa bi dulnyaa wee ni ki ga ŋmaa gaa timi lii, see Yesu baanja. Uma baanja pu, le ti ga ŋmar.”

2 Korenti 5:19

Maah len pu na le ye ke Kristo aah nan kpo na, nima le tii Uwumbɔr nsan ke u di dulnyaa ni aanib kpaan ubaa chee, ki di cha baatunwanbir pinn bi. U di tichandaan aaliin imina ŋa tiŋaal ni, ke ti tuk binib.

Efesusi 2:22

Naah kpaan u ni na, ni mu ye kidiik ngbaan aawan ponn ni nibaa, ki ŋa kidiik ki Uwumbɔr Aafuur Nyaan bi ki ponn ni na.

Ikaal 10:21

Ni li pak u. Uma le ye nimi Aawumbɔr, le ninimbil kan waah ŋa lijinjiir aawan nimɔk ki tii nimi na.

Filipi 2:11

Bi mɔmɔk pel pel ga len binib ni, ke Yesu Kristo le ye tiwan ni binib mɔmɔk Aadindaan. Nima le ga nyuŋ Tite Uwumbɔr.

Filipi 4:13

Kristo aah tii mi mpɔɔn mu na, m ga ŋmaa ŋa tiwan mɔmɔk.

Kolosiya 2:9

Uwumbɔr aabimbin mɔmɔk bi Yesu Kristo aawon ni.

Tibɔkpiirkaan 15:3

ki gaa ilahn i ye Upihbo ngbaan ni Uwumbɔr aatutunn Moses aalahn na ke, “Tidindaan Uwumbɔr u yeh mpɔɔn mɔmɔk na, saatuln ye litukpaan ki gar binib pam. Saasan ye nsanyaan, ki mu ye nsan bamɔnn. Si le ye Ubɔr n‑yoonn mu kaa kpa ndoon na.

Tibɔkpiirkaan 19:1

Nimina aapuwɔb le m ŋun nneel mu naahn kinipaak sakpeŋ na aaneel paacham. Bi len ke, “Haleluya, Tidindaan Uwumbɔr le gaa timi lii. Uma le yeh nnyuŋ, ni mpakm, ni mpɔɔn.

Bibɔjirb 5:21

Kisonn Aamɔɔl ni aawam le nan ŋar bi ŋŋaan buen, Kisonn Aamɔɔl aanyunja le nan di bi buen. M ga chuun buen, m ga di mpɔɔn chuun buen.