Nnyam 15:17 - Uwumbɔr aagbaŋ

¹⁷ Si le di bi kaan saajool pu, sin Uwumbɔr aah nyan nin chee ke ni li ye aado na, saadichal li aa maa li aabaa na ni.

Nnyam 15:17 ပူးပေါင်းရင်းမြစ်များ

2 Samuel 7:10

Min le lee nin chee maanib Israel yaab ga kal aan ubaa taa ki muk bi na, le ki di bi kaan nima. Ki nyan bundaal bi koo ni kitiŋ kee pu na, binib bi bir na tak bi, le kina aan ki ŋa. M puu ke m ga li kii si saadim chee, ki ga tii si yaabitiib.

1 Bibɔrb 8:13

Tɔ, m maa Saadichal li ŋan sakpen, ki wiir na tii si, nima le aa ga li koo n‑yoonn mɔmɔk.”

Ilahn 114:2

le Juda yaab nan kpaln Uwumbɔr aanib bi u bi bikaasisik ni na, Israel yaab nan kpaln Uwumbɔr yaab.

Ilahn 2:6

U bui ke, “Maagongoln Sionn li bi chain na pu, le m maa kaan maabɔr.”

Ilahn 44:2

Sin aabaa le nan jenn nyan binib bi kaa dii si na, ki di saanib kaan baatiŋ pu. Aa nan daa binib ngbaan aatafal ki cha saanib kan tinyoor.

Ilahn 68:16

Ba ŋa aa bi saajoomɔju sakpiin ngbaan paab ki lik seen lijool li Uwumbɔr lee ke u li bi nima na? Uwumbɔr ga li bi nima chee n‑yoonn mɔmɔk.

Ilahn 76:2

Udo le ye Jerusalem; u koo Sionn Aajool paab la.

Ilahn 80:15

Ti ye saasubil aasub bu aa nan ŋum aan bu laa ye buwaatiir, aan aa cha bu kpa mpɔɔn na, dan ki nan gaa timi lii.

Ilahn 80:8

Aa nan di ŋisubil aasub nyan ni Ijipt aatiŋ ni; aa nan jenn nyan ŋinibol le ki di bu ŋum baatiŋ ni.

Nnyam 15:13

Saah puu tipuur ti na aa beer fam, sin le loln saanib bi aa gaa bi lii na pu nsan, saapɔɔn ni le aa joo saanib, bi ti koo saatiŋ ki bi chain na ni.

Nnyam 23:20

“M ga cha maatuun loln ni pu nsan ki li kii nimi, naah ga li chuun cha nin chee m gor kiir nimi na.

Nnyam 25:8

Cha binib ngbaan ŋa Libool tii mi, nima kan, m ga li bi gbɔk bi.

Nnyam 32:34

Tɔ, siir ki li cha, ki ti loln binib ngbaan pu nsan, ki buen nin chee m bui si na. Teer ke maatuun ga loln ni pu nsan; tɔ, n‑yoonn choo le m ga daa binib ngbaan aatafal, baatunwanbir pu.”

Jeremia 2:21

M nan bun nimi ke lisubinyaan li aasub ga li ŋan na la. Tɔ, lik naah tun pu na. Ni naahn ŋisubil aasub bu bur na la.

Jeremia 31:23

Uwumbɔr Mpɔɔnsakpiindaan, u ye Israel yaab Aawumbɔr na bui ke, “M yaa ki giin binib ngbaan kaan baatiŋ pu kan, bi ga ki len Juda ni kaatim ni ke, ‘Uwumbɔr ŋa waanyoor ŋa Jerusalem aagongoln li bi chain, aan u koo nima chee na pu.’

Jeremia 32:41

M yaa ŋani tiwan ni ŋan na tii bi kan, ni ga li mɔ mi, le m ga kaan bi kitiŋ kimina ni, kaan ki fiin bi.

Esekiel 37:26

M ga puu tipuur ti ga tii bi lifuur ki ti saa n‑yoonn mu kaa kpa ndoon na tii bi. M ga maa bi kaan, ki cha bi pɔr kpee, ki di Maadichal siin baatiŋ pu, nin chee li ga li bi ki ti saa n‑yoonn mu kaa kpa ndoon na.

Esekiel 37:28

M yaa di Maadichal siin bikaasisik ni ki cha n‑yoonn mu kaa kpa ndoon na kan, n‑yoonn ngbaan le ŋitimbol ga bee ke min Uwumbɔr le lee Israel aanib ke bi li ye maanib.”

Ikaal 33:19

Bi kuuni biwɔwɔm chaa baajool paab, ki ti toor kitork ki Uwumbɔr gee ki na nima chee. Bi kani liwangol sakpen nnyusakpem ni, ni litambol li dɔ kpak nnyusakpem ngbaan na ni.”

Josua 22:19

Ni yaa kaan ŋmaa doon Uwumbɔr nimi aatiŋ ni kan, puur dan ti chee man, nin chee Uwumbɔr Aabool bi na, ki nan gaa timi aatim ngem. Ni taa yii Uwumbɔr aamɔb, ki taa nya tipuwɔb ki nan ki maa kitork aabimbiln liken ki kpee Tidindaan Uwumbɔr yaan pu.