Nnyam 15:16 - Uwumbɔr aagbaŋ

¹⁶ le ijawaan lir bi pu. Uwumbɔr, binib ngbaan kan saapɔɔn, le ijawaan chuu bi, le bi si lik, kaa ŋmaa ŋa nibaa, le saanib bi aa nyan bi tinaagbiir ni na chuun jer.

Nnyam 15:16 ပူးပေါင်းရင်းမြစ်များ

Mpiin 35:5

Nee aapuwɔb le Jakob ni udo yaab nan piin ki nyan cha, le ijawaan sakpiin chuu binib bi aatim nan bi gbɔk nima chee na, le baa kaa bi paan bi pu.

2 Samuel 7:23

Litimbol libaa aa ki bi kitiŋ kee pu ke Israel aatimbol li aa nyan li tinaagbiir ni, ki di li ŋa aabaa aanib na. Saah tun lijinjiir, ni litusakpeln li tii bi na cha saayimbil yaa koo dulnyaa wee mɔmɔk ni. Saanib bi aa nyan ni bi Ijipt ni ke bi nan li ye saanib na, yaa paan cha kan, le aa jenn ŋitimbol ŋiken, ni ŋaawaa.

Ilahn 105:38

Ijipt yaab nan san bi ijawaan la; le baah nan nyan baatiŋ ni na, Ijipt yaab aasui nan piir.

Ilahn 74:2

Teer saanib bi aa nan lee bi n‑yoonn mu jer na pu, saanib bi aa nan nyan ni bi tinaagbiir ni ke bi nan li ye saanibol na. Teer Lijool Sionn, nin chee aa nan koo na bɔr.

Ilahn 89:14

Saanaan si mbimbinyaan ni ibamɔn pu la; saatuln mɔmɔk ni kan, saageehm ni saah bi chob pu na nyani mpaan pu la.

Nnyam 11:7

Le ubɔ aan ŋmaa gbei Israel yaab ni baawakor ma. Nima le ni ga bee ke min Uwumbɔr le yakr ki gee Israel ki di cha Ijipt yaab.’”

Nnyam 15:13

Saah puu tipuur ti na aa beer fam, sin le loln saanib bi aa gaa bi lii na pu nsan, saapɔɔn ni le aa joo saanib, bi ti koo saatiŋ ki bi chain na ni.

Nnyam 15:5

Nnyusakpem mu nyoo na nan biin bi pu, le bi muin ti doon taab ke litakpal na.

Nnyam 15:6

Uwumbɔr, saaŋangii le tun mpɔɔn aatuln li kpa kipak na; muma le kool saadim aakpab yuk yuk.

Nnyam 18:8

Moses nan tuk Jetro, Uwumbɔr aah ŋa Ijipt yaab aabɔr, ni waanib pu, aan ki gaa Israel yaab lii na. U nan ki tuk u ŋimuk ŋi bi kan nsan ni aan Uwumbɔr gaa bi lii na mɔmɔk.

Nnyam 20:2

“Min le ye Nidindaan Uwumbɔr u nyan ni nimi Ijipt aatiŋ ni, nin chee ni nan ye binaagbiib na.

Nnyam 23:20

“M ga cha maatuun loln ni pu nsan ki li kii nimi, naah ga li chuun cha nin chee m gor kiir nimi na.

Nnyam 23:22

Tɔ, ni yaa kii waamɔbon ki ŋa maah ban pu na kan, m ga to nimi aadim butɔb tii nimi.

Nnyam 23:27

“M ga cha binib bi kpak nimi na san mi ijawaan. M ga cha naah ga to binib bi butɔb na aalan ŋmal, le bi fenn ki san cha nimi.

Nnyam 6:7

M ga di nimi ŋa maanib, m ga li ye nimi Aawumbɔr. Ni ga bee ke m ye Nidindaan Uwumbɔr u gaa nimi lii, ki nyan nimi tinaagbiir ni, Ijipt yaab chee na.

Aisaya 51:10

Ni nan ki ye sin le cha nnyusakpem aanyun foor le ki ŋa nsan mu ponn ni, aan saah nan bi gaal binib bi lir na ŋmaa puur.

Aisaya 63:12

Uwumbɔr u nan tii Moses waapɔɔn sakpiin ki nan yakr nnyusakpem nfum mulee aan waanib dii jer, ki ti kan liyimbil li kaa kpa ndoon ki tii ubaa na bi la chee?” Uwumbɔr aah nan loln bi pu nsan na, bi nan chuun ke timoor ni aataan na, kaa gbeer nibaa.

Jeremia 31:11

M gaa Israel aanib lii a, ki nyan bi litimbol sakpeln aapɔɔn ni.

Esekiel 16:8

“Maah nan ki jer nima chee na, le m kan ke aa ŋeer kibɔtiik. M nan di maabɔkul biin aa pu, le ki puu tii si ke m ga li gee si. Mbamɔn, m ni si nan ŋa tichar aamɔbaan, le aa kpaln m yoo.” Aadindaan Uwumbɔr aah len pu na le na.

Lituln 20:28

Ni li nyi man, ki taa cha unii ubaa ŋmann nimi. Ni li ter Yesu aanib, ki taa cha unii ubaa ŋmann bi mu. Uwumbɔr Aafuur Nyaan nan ŋa nimi waanib aaninkpiib. Ni li joo waanib ngbaan mbamɔm. Waabo nan dan nan kpo bi pu, ke bi kpaln waanib la.

Ikaal 11:25

Nidindaan Uwumbɔr aah nan puu pu na, u ga cha linibol limɔk ni fuu laatiŋ ni na aanib li san nimi ijawaan. Ubaa aa bi ki ga ŋmaa kiir nimi kpala.

Ikaal 2:25

Din wee ki joo cha, m ga cha ŋipepel mɔmɔk aanib san nimi ijawaan. Unii umɔk ŋun nimi aayimbil bɔr na kan, ijawaan ga chuu u, le uwon gbaa.’

Ikaal 2:4

U nan tuk mi ke m bui nimi tibɔr tee: ‘Ni ban ni dii ŋigongon aatiŋ Edom, ki ye nimi aamaal ponn ni aanib Esɔ aayaabitiib aatiŋ na ni le jer. Bi ga li san nimi ijawaan;

Ikaal 32:6

Nimi bijɔrb bi kaa kpa nlan na, Uwumbɔr aah ŋa nimi tibulchinn ti na, kina le ni ga giin pa u uu? Naa ye uma le ye nite u naan nimi, ki ŋa nimi litimbol na aa?

Ikaal 32:9

le ki nyan Jakob aamaal ke bi li ye waanib.

Taitus 2:14

U nan kpo ti pu ke u gaa timi lii ki nyan timi titunwanbir mɔmɔk ni, aan ti li bi chain, ki li ye waanib, ki li ye binib bi aanimbil man ke bi tun litunyaan na.

Josua 2:9

le ki ti bui bi ke, “M bee ke Uwumbɔr le di kitiŋ kee tii nimi. Unii umɔk bi kitiŋ kee ni na aapobil yuk ni pu la.

Josua 4:24

Nima pu na, binib mɔmɔk bi bi dulnyaa wee ni na ga bee Uwumbɔr aapɔɔn aah bi pu na, le ni ga li nyuŋni Nidindaan Uwumbɔr ki cha n‑yoonn mu kaa kpa ndoon na.”

1 Piita 2:9

Tɔ, nimi bi gaa Uwumbɔr ki kii na le ye waanileekaam. Ni ye Uwumbɔr u ye Ubɔrkpaan na aatotoorb, ki ye litimbol li bi chain na, ki sil ye Uwumbɔr aanib. U lee nimi ke ni li tuk binib waah ŋan sakpen pu na; ba pu? u nyan nimi mbɔmbɔɔn ni, ki di koon waawiihn mu ŋan sakpen na ni.

2 Piita 2:1

Biŋmaŋmannim mu nan bi Israel yaab ponn ni n‑yoonn ngbaan, ki ŋmanni ke bi ye Uwumbɔr aabɔnabr la. Le biŋmaŋmannim ga li bi ni mu ponn ni, ki ga li looni ki mɔk nimi nnyamɔn aamɔkm mu ga bii nimi na. Hali bi ga yii Tidindaan u nan gaa bi lii na. Nima pu le Uwumbɔr ga daa bitafal mbamɔm mala.

1 Samuel 2:9

Waanib bi dii u mbamɔm na, u kii baamɔfal, le bibiindam ma beer mbɔmbɔɔn ni. Uja aan ŋmaa di ubaa aapɔɔn kan linyaŋ.

1 Samuel 25:37

Le ndaan aah nyan unimbil ni na, le u tuk u ti mɔmɔk. Usui nan fii sakpen, le u lir, kaa ki ŋmaa ŋa nibaa.