Nnyam 15:13 - Uwumbɔr aagbaŋ

¹³ Saah puu tipuur ti na aa beer fam, sin le loln saanib bi aa gaa bi lii na pu nsan, saapɔɔn ni le aa joo saanib, bi ti koo saatiŋ ki bi chain na ni.

Nnyam 15:13 ပူးပေါင်းရင်းမြစ်များ

Mpiin 19:16

Lot aa nan ŋa mala. Le Uwumbɔr nan san u kinimbaak, le bijab bilee ngbaan nan chuu u ni upuu, ni ubisatiib bilee na aaŋaal, le ki dar bi nyan kitiŋ ngbaan ni.

2 Samuel 15:25

Le ubɔr David bui Sadok ke, “Yoor Uwumbɔr Aakaal Aadakaa ngbaan giin kitiŋ ponn ni. Uwumbɔr yaa lik ki faar mi kan, daalbaadaal u ga nan cha m ki dan, ki nan kan Dakaa ngbaan, ni nin chee u si na.

Nehemia 9:12

Aa nan cha ntaalangbam loln saanib pu nsan nwiin pu, ki cha mmii wiihn ki loln bi pu nsan kinyeek.

Ilahn 106:9

U nan di umɔb le tuk Limɔɔkal Aanyusakpem ngbaan, le mu foor, le u cha waanib chuun kitikuun pu ki puur.

Ilahn 74:2

Teer saanib bi aa nan lee bi n‑yoonn mu jer na pu, saanib bi aa nan nyan ni bi tinaagbiir ni ke bi nan li ye saanibol na. Teer Lijool Sionn, nin chee aa nan koo na bɔr.

Ilahn 77:20

Aa loln saanib pu nsan ke upihdaan na, ki cha Moses ni Aaronn joo bi.

Ilahn 78:35

Bi nan teer ke Uwumbɔr le ye baakikiir, ki teer ke uma Uwumbɔr u kaa kpa ŋeen aatɔ na le ter bi.

Ilahn 80:1

Israel yaab Aakikiir, li pel ni ti chee; sin u lolni saanib pu nsan na, ŋun ni ti chee. Sin u ka saabɔrjal pu, tiwan ni kpa ifeen na aapaacham,

Nnyam 15:16

le ijawaan lir bi pu. Uwumbɔr, binib ngbaan kan saapɔɔn, le ijawaan chuu bi, le bi si lik, kaa ŋmaa ŋa nibaa, le saanib bi aa nyan bi tinaagbiir ni na chuun jer.

Nnyam 15:17

Si le di bi kaan saajool pu, sin Uwumbɔr aah nyan nin chee ke ni li ye aado na, saadichal li aa maa li aabaa na ni.

Nnyam 20:2

“Min le ye Nidindaan Uwumbɔr u nyan ni nimi Ijipt aatiŋ ni, nin chee ni nan ye binaagbiib na.

Nnyam 6:6

Nima pu na, tuk Israel yaab ke, ‘Min le ye Uwumbɔr. M ga gaa nimi lii, ki nyan nimi tinaagbiir ni, Ijipt yaab chee. M ga yoor maaŋaal mu kpa mpɔɔn na paacham, ki daa binib ngbaan aatafal, le ki ga gaa nimi lii.

Aisaya 51:10

Ni nan ki ye sin le cha nnyusakpem aanyun foor le ki ŋa nsan mu ponn ni, aan saah nan bi gaal binib bi lir na ŋmaa puur.

Aisaya 57:15

“Min le ye paacham Aawumbɔr u bi chain ki bi n‑yoonn mɔmɔk na. M bi nin chee paa ki bi chain na la, le ki mu ki bi binib bi sunn bibaa taab aan bisui bii buyoonn bi bee ke bi tun titunwanbir na chee, ki ga pɔɔk bitaakpab ki sɔŋ bisui.

Aisaya 63:9

Kina pu le u nyan bi baafalaa ni. Naa nan ye waatuun, uma Uwumbɔr ubaa le nan gaa bi lii. Waageehm ni waanimbaasaln pu le u gaa bi lii. N‑yoonn mu jer na le u nan kii bi,

Jeremia 2:6

Bitafal aa nan bi m ni, hali maah nan nyan ni bi Ijipt aatiŋ ni, ki di bi bɔ dii kipɔɔk ni, kitiŋ ki ye nteersakpiin, ni litambol, ki kuur ki kpa tiwanbir aan ubaa aa koo nima na; aan ubaa mu aa chuun nima chee na, bitafal aa nan bi m ni.

Efesusi 2:4

Tɔ, Uwumbɔr mu kpa linimbaasaln sakpen, ki gee timi sakpen.

1 Piita 1:5

Naah gaa Yesu ki kii na, nima le Uwumbɔr aapɔɔn biin ni pu, ki ti saa buyoonn ni ga kan waah ga gaa nimi lii mbamɔm pu na, kookoo aataadaal.