Nnyam 15:10 - Uwumbɔr aagbaŋ

¹⁰ Uwumbɔr, aa nan fuur lii Ijipt yaab pu nfum mbaa le bi muin ke tikur na, ki bee nnyusakpem ni.

Nnyam 15:10 ပူးပေါင်းရင်းမြစ်များ

Mpiin 8:1

Uwumbɔr aa nan suln Nowa, ni ipeel, ni tiwakor timɔk bi u chee buŋɔb ni na aabɔr, le ki cha libuln daar, le nnyun nin piin ki foor.

2 Samuel 18:8

Kijaak ngbaan nan yaa koo kitiŋ ngbaan aatingbaan ni, le binib bi nan kpo kichook ni na nan jer baah ku bi butɔb ni na.

Nehemia 9:11

Aa nan naan nsan nnyusakpem ponn ni ki tii saanib, ki cheen bi puur kitikuun pu. Binib bi nan san dii bi na ma nan bee nnyun mu nyoo na ponn ni, ke litakpal aah muini nnyusakpem ponn ni pu na.

Ilahn 135:7

U cha kitaabuŋ nyani kitiŋ aanaanmɔk; ki tii kitaabuŋ mmii mu moor lak lak na, uma le ki cha libuln nyan ni waah siini waawan nin chee na.

Ilahn 147:18

le u tii limɔboln, le ŋitaanal donn, u tun ni libuln, le nnyun puu cha.

Nnyam 14:21

Moses nan yoor uŋaal paacham ki mɔk nnyusakpem ngbaan, le Uwumbɔr cha libuln nyan ni liwipuul wɔb ki daa nnyusakpem ngbaan pu, le ki kiir mu, le mu yakr tɔb chee. Libuln ngbaan nan daa kinyeek ki ti woln kitaak, le ni kuur. Nnyun ngbaan nan yakr tɔb chee,

Nnyam 15:5

Nnyusakpem mu nyoo na nan biin bi pu, le bi muin ti doon taab ke litakpal na.

Ŋiyataŋak 30:4

Ŋma kee bee paacham aalan mbamɔm? Ŋma kee chuu libuln ŋa uŋaal ni? Ŋma kee di nnyun poo likekeln ni? Ŋma kee siin kitiŋ aanaanmɔk? Aa yaa nyi kan, ŋma ye udaan, ŋma ye ujapɔɔn?

Aisaya 11:15

Le Uwumbɔr ga cha nnyunsakpem mu bi yin mu ke Sues na aanyun foor, ki ga cha libuln li ton na daa ki foor limɔɔl li bi yin li ke Yufrates na aanyun, ki di cha ibun waatiir ilole baanja aan unii mɔmɔk ga ŋmaa puur jer.

Jeremia 10:13

U yaa len kan, le nnyun mu bi kitaapaak na ŋuuni ke uchinn na; u nyani ntaalangbam kitiŋ aanaanmɔk. Utaal yaa nu kan, u cha u moor ki cha libuln nyani waah siin li nin chee na.

Jeremia 46:17

Tii Ijipt aabɔr liyimbipɔln ke, ‘Kipupukdaan u kpa kifuuk ki bii waasan na.’

Amos 4:13

Uma Uwumbɔr le naan ŋijoo sakpiin, ki naan libuln mu. U joo waakaal kpiir tuk unibɔn; u kpeln nwiin pu ŋani kinyeek. U chuun dulnyaa wee ni, nin chee fɔk sakpen na. Waayimbil sɔ: Tidindaan Uwumbɔr Mpɔɔnsakpiindaan.

Matiu 8:27

Ni nan gar bi pam. Le bi baa tɔb, “Ba aanibol le na? Hali kibuŋ ni nnyun kii waamɔb.”

Ikaal 11:4

Ni nan kan Uwumbɔr aah nan kuln Ijipt aajab, ni baataan, ni itaan aatɔroku tiib pu na; u nan cha bi bee Limɔɔkal Aanyusakpem ni, buyoonn bi nan san paa ni nimi pu na.