Nnyam 15:1 - Uwumbɔr aagbaŋ

¹ Nima chee le Moses ni Israel yaab nan gaa nlahn mumina ki pak Uwumbɔr: “M ga gaa ilahn ki pak Uwumbɔr, ba pu? waah nyaŋ pu na kpa kipak; u di itaan ni bijab bi jak i na mee lii nnyusakpem ponn ni.

Nnyam 15:1 ပူးပေါင်းရင်းမြစ်များ

Nehemia 9:11

Aa nan naan nsan nnyusakpem ponn ni ki tii saanib, ki cheen bi puur kitikuun pu. Binib bi nan san dii bi na ma nan bee nnyun mu nyoo na ponn ni, ke litakpal aah muini nnyusakpem ponn ni pu na.

Job Aagbaŋ 36:24

U kani kipak waatun mɔmɔk ni, n‑yoonn mɔmɔk la; ni ye saatuln le ke aa mu pak u.

Ilahn 105:43

Kina le u nan cheen waanib bi u gann bi na nyan, le bi nan gaa ilahn ki tar mpopiin pu.

Ilahn 106:12

Le waanib nan tii waah puu tipuur ti na naadii, ki gaa ilahn ki pak u.

Ilahn 107:15

Ni ŋan ke bi di idoon tii Uwumbɔr, waageehm mu bi n‑yoonn mɔmɔk na pu, ni ŋitukpaan ŋi u tun tii bi na pu.

Ilahn 107:8

Ni ŋan ke bi doon Uwumbɔr waageehm mu bi n‑yoonn mɔmɔk na pu, ni ŋitukpaan ŋi u tun tii bi na pu.

Ilahn 32:7

Sin le ye maabɔbɔryaan; aa ga nyan mi tibɔr ni. M gaa ilahn mpɔɔn pu, saah gaal mi lir pu na, ba pu? sin le kii mi.

Ilahn 76:6

Uwumbɔr u tiyaaja Jakob mu nan dii u na, saah nan faan bi buyoonn na, baataan ni binib bi dik i pu na nan lir ki kpoi.

Ilahn 76:7

Uwumbɔr, binib mɔmɔk san si ijawaan la. Buyoonn saaŋuul ti fii na kan, ubaa aan ki ŋmaa sil aanimbiin ni.

Nnyam 14:26

Uwumbɔr nan ki bui Moses ke, “Yoor aaŋaal paacham ki mɔk nnyusakpem ngbaan, nnyun ngbaan ga gir kpaan tɔb ni, ki biin Ijipt yaab, ni baatɔroku tiib, ni bijab bi ŋaal bi na pu.”

Nnyam 14:27

Nima pu le Moses nan yoor uŋaal ki di mɔk nnyusakpem na, le lichakpitaawoln wɔb, nnyun ngbaan ki gir kpaan tɔb ponn ni, ki naa tɔb ke mu aah ba bi pu na. Le Ijipt yaab nan ban bi san ŋmar, le Uwumbɔr moo di bi mee lii nnyun ngbaan ni.

Nnyam 15:21

Miriam le nan gaa ilahn ke: “Gaa ilahn ki pak Uwumbɔr man, ba pu? waah nyaŋ pu na kpa kipak; u di itaan ni bijab bi jak i na mee lii nnyusakpem ponn ni.”

Nnyam 18:11

Dandana wee, m bee ke Uwumbɔr le jer ŋiwaa mɔmɔk, ba pu? Ijipt yaab aah nan lik seen Israel yaab pu na, le u daa bitafal kina.”

Ŋiyataŋak 29:6

Titunwanbirdam aagaawɔb le chur bi, le mbimbinyaandam ma kpa mpopiin ki ka fuur.

Aisaya 42:10

Gaa nlahnpɔɔn ki tii Uwumbɔr man; dulnyaa aanib mɔmɔk, gaa ki pak u man. Nimi bi bi iŋɔsakpiin ponn ni, nnyusakpem pu na, pak u man; nimi tiwanfuurkaan ni mɔmɔk bi nnyusakpem ni na, pak u man. Nimi bi mɔmɔk bi ntim mu bi dandar na, gaa ilahn ki pak u man.

Jeremia 51:21

ki joo wɔi itaan ni bijab bi dik i pu na, ki joo wɔi itaan aatɔroku mam, ni binib bi ŋaal bi na,

Hosea 2:17

Maan ki cha u yin liwaal Baal aayimbil kpala.

Habakuk 3:18

m tee ga li mɔɔni Uwumbɔr pu, m ga li kpa mpopiin Uwumbɔr u gaal mi lir na pu.

Nkahm 21:17

N‑yoonn ngbaan le Israel yaab nan gaa nlahn mue ke: “Inyunbun, cha nnyun puu ni ponn ni; le ti ga gaa ilahn kina pu,

Kolosiya 2:15

Waah kpo ndɔpuinkoo pu na, le u ŋa kinimbɔŋ aapɔɔn mɔmɔk fam, le ki nyaŋ ki, ki jinn ki inimɔɔn, binib aanimbil ni.

Tibɔkpiirkaan 15:3

ki gaa ilahn i ye Upihbo ngbaan ni Uwumbɔr aatutunn Moses aalahn na ke, “Tidindaan Uwumbɔr u yeh mpɔɔn mɔmɔk na, saatuln ye litukpaan ki gar binib pam. Saasan ye nsanyaan, ki mu ye nsan bamɔnn. Si le ye Ubɔr n‑yoonn mu kaa kpa ndoon na.