Nnyam 14:8 - Uwumbɔr aagbaŋ

⁸ Uwumbɔr nan cha ubɔr ngbaan aasui pɔɔk, le u di paan Israel yaab bi nan nyan buen linyaŋ ni na aapuwɔb.

Nnyam 14:8 ပူးပေါင်းရင်းမြစ်များ

Ilahn 105:43

Kina le u nan cheen waanib bi u gann bi na nyan, le bi nan gaa ilahn ki tar mpopiin pu.

Ilahn 86:13

Saageehm mu aa kpa m pu n‑yoonn mɔmɔk na nyaŋ sakpen a. Aa nyan mi likaakul ni.

Nnyam 10:27

Uwumbɔr nan cha ubɔr ngbaan aasui too pɔɔk, le waa kii, ke bi taa nya waatiŋ ponn ni ki buen.

Nnyam 13:16

Ti ŋani kina le ki teer, le ni naahn ke taah di tiwan nibaa le gbin tiŋaal, bee ti di tam tiyigbeer na; ni cha ti teer ke Uwumbɔr le di waapɔɔn sakpiin na nyan ni timi Ijipt aatiŋ ni.’”

Nnyam 13:18

Nima pu na, u nan di bi mann dii nteersakpiin pu ki toŋ Limɔɔkal Aanyusakpem wɔb. Israel yaab nan gor bi to butɔb.

Nnyam 13:9

Ni yaa ti ŋa kina kan, le ni ga teer nimi; ni ga li naahn ke naah di tiwan nibaa le gbin niŋaal pu, bee ni di tam niyigbeer na la, ni ga teer nimi, le ni ga li len ki bae Uwumbɔr aakaal, ba pu? Uwumbɔr le di waapɔɔn nyan ni nimi Ijipt aatiŋ ni.

Nnyam 14:17

M ga pɔɔk Ijipt yaab aajab ngbaan aasui, le bi ga paan ni pu, le m ga nyaŋ ubɔr ngbaan, ni waajab, ni waatɔroku tiib, ni bijab bi ŋaal bi na mɔmɔk, ki kan kipak bi pu.

Nnyam 14:4

M ga cha usui pɔɔk, le u ga fii paan ni ni pu, le maah ga nyaŋ ubɔr ngbaan pu na, m ga kan kipak kina pu. Le Ijipt yaab ga bee ke min le ye Uwumbɔr.” Israel yaab nan ŋa Moses aah tuk bi pu na.

Nnyam 14:7

Le u ni waajab, ni baaninkpiib, ni waatɔroku tiib, ki kpee waatɔroku ikui iloob bi pɔɔ sakpen na, siir buen.

Nnyam 15:9

Timi aadin bui ke, ‘M ga paan bi pu aan ki chuu bi. M ga yakr baawangol le ki nyan maah gee ni na. M ga di maajaak aajuk le ki jenn bi ki gaa baah kpa tiwan ni na mɔmɔk.’

Nnyam 4:21

Uwumbɔr nan ki gir bui Moses ke, “Saah gir cha Ijipt aatiŋ ni dandana wee na, li nyi ki ti ŋa lijinjiir aatun ŋimɔk m tii si mpɔɔn ke aa ti ŋa na. Tɔ, m ga pɔɔk ubɔr ngbaan aasui, le waan tii nimi nsan ke ni buen.

Nnyam 6:1

Uwumbɔr nan bui Moses ke, “Dandana wee, aa ga kan maah ga ŋa ubɔr ngbaan pu na. M ga muk u aan u cha maanib ngbaan buen. Mbamɔn, m ga muk u pam, le uma ubaa ga bui binib ngbaan ke bi nya waatiŋ ponn ni.”

Nnyam 9:12

Uwumbɔr nan cha ubɔr ngbaan aasui moo pɔɔk, le ni gbiin waah nan len pu na, ke ubɔr ngbaan aa ŋun tii Moses ni Aaronn.

Inandalahn 3:65

Puun lii bi pu ki cha biwon yɔl.

Liifai Yaab 26:13

Min, Nidindaan Uwumbɔr le nyan ni nimi Ijipt aatiŋ ni, ke ni taa ki li ye binaagbiib. Min le nyan nimi mpɔɔn mu nan joo nimi na ni, le ki cha ni chuun aan niyil yaa paacham.”

Nkahm 33:3

Israel yaab nan nyan Ijipt aatiŋ ni, libipɔln ni, njan aaŋmal aawiin kipiik ni muŋmuŋmur daal la; nwiin ngbaan nan ye Lakr‑jer aajim aawiin aah jer ki woln nwiin mu na la. Uwumbɔr aah nan kii bi pu na, le bi nan ŋmaa nyan Rameses aatiŋ ni ki cha, le Ijipt yaab mɔmɔk nan kan baah cha pu na.

Lituln 13:17

Timi Israel yaab Aawumbɔr nan nyan tiyaajatiib. Bi nan ye bicham le Ijipt aatiŋ ni. Baah bi nima na, le Uwumbɔr ter bi, ki cha bi pɔr. Le Uwumbɔr nyan bi Ijipt aatiŋ ni, ki mɔk Ijipt aatiŋ aanib waapɔɔn sakpiin.

Ikaal 26:8

Le u di waapɔɔnsakpiin na nyan timi Ijipt yaab aaŋaal ni. U nan cha iwaan ni lijinjiir aawan ŋa, le ki cha ijawaan aawan ŋa nima chee.

Ikaal 32:27

Tɔ, maan tee cha baadim li kpa kipupuk, ki bui ke bima le nyaŋ maanib, m mu le daa bitafal kina.’

Josua 11:20

Uwumbɔr le nan cha binib ngbaan aasui fii ke bi to Israel yaab butɔb, aan u ŋmaa kuln bi mɔmɔk; linimbaasaln aa nan bi, le bi ku bi mɔmɔk. Kina le Uwumbɔr nan bui Moses ke u ŋa.

Bibɔjirb 4:7

M ga cha Jabinn aajab aaninkpel Sisera dan nan tak si Kisonn Aamɔɔl chee. U ga li joo ni waataan aatɔroku tiib ni waajab, m mu tee ga cha aa nyaŋ u.’”