Nnyam 14:4 - Uwumbɔr aagbaŋ

⁴ M ga cha usui pɔɔk, le u ga fii paan ni ni pu, le maah ga nyaŋ ubɔr ngbaan pu na, m ga kan kipak kina pu. Le Ijipt yaab ga bee ke min le ye Uwumbɔr.” Israel yaab nan ŋa Moses aah tuk bi pu na.

Nnyam 14:4 ပူးပေါင်းရင်းမြစ်များ

Nehemia 9:10

Aa nan tun iwaan aatun ki kiir Ijipt aabɔrkpaan, ni waaninkpiib, ni waanib bi bi kitiŋ ngbaan pu na, ba pu? aa nan nyi baah nan muk saanib pu na. Aa nan jin liyimbil li aa beenin kpa dandana wee na.

Nnyam 10:2

le ni mu ga ŋmaa tuk nimi aabim, ni niyaabitiib, maah tun lijinjiir aatuln, ki cha Ijipt yaab kpaln bijɔrb pu na. Ni mɔmɔk ga bee ke min le ye Uwumbɔr.”

Nnyam 10:27

Uwumbɔr nan cha ubɔr ngbaan aasui too pɔɔk, le waa kii, ke bi taa nya waatiŋ ponn ni ki buen.

Nnyam 12:28

Le bi siir buen le ki ti ŋa Uwumbɔr aah bui Moses ni Aaronn ke bi ŋa pu na.

Nnyam 14:23

Le Ijipt yaab aajab, ni baataan, ni baatɔroku tiib, ni bijab bi ŋaal bi na, di paan bi pu nnyusakpem ngbaan aakaasisik ni.

Nnyam 14:25

U nan cha baatɔroku tiib aataa chɔi kitiŋ, le baa ki ŋmaa chuun mala mala. Le Ijipt yaab bui ke, “Uwumbɔr le bi to butɔb ngbaan tii Israel yaab. Cha ti gir nya do chee na man.”

Nnyam 14:3

Ubɔr ngbaan ga li dak ke Israel yaab yenn le ki chuun kitiŋ ngbaan ni, ki bi nteersakpiin ni, kaa ŋmaa nya.

Nnyam 14:5

Buyoonn ubɔr ngbaan ŋun ke binib na san ŋmar na, le u ni waaninkpiib kpeln bisui le ki kpokl ki bui ke, “Ti ŋa ba kina? Ti cha Israel yaab san ŋmar a, le taa ki kpa binaagbiib.”

Nnyam 14:8

Uwumbɔr nan cha ubɔr ngbaan aasui pɔɔk, le u di paan Israel yaab bi nan nyan buen linyaŋ ni na aapuwɔb.

Nnyam 18:11

Dandana wee, m bee ke Uwumbɔr le jer ŋiwaa mɔmɔk, ba pu? Ijipt yaab aah nan lik seen Israel yaab pu na, le u daa bitafal kina.”

Nnyam 6:7

M ga di nimi ŋa maanib, m ga li ye nimi Aawumbɔr. Ni ga bee ke m ye Nidindaan Uwumbɔr u gaa nimi lii, ki nyan nimi tinaagbiir ni, Ijipt yaab chee na.

Nnyam 7:17

Ubɔr, Uwumbɔr bui ke waah ga ŋa tiwan nimɔk na, le aa ga bee waah kpa mpɔɔn pu na. Lik, m ga di kijaangbeek kee faa limɔɔl lee aanyun, le nnyun ngbaan kpaln nsin.

Nnyam 7:3

M ga cha ubɔr ngbaan pɔɔk usui, kaan ŋun tii si; m yaa gee m ŋa ijawaan aatun pu na kan, waan cha ni nya Ijipt aatiŋ ni.

Nnyam 7:5

Buyoonn m daa Ijipt yaab aatafal ki nyan Israel yaab baatiŋ ni na, le Ijipt yaab ga bee ke min le ye Uwumbɔr.”

Nnyam 9:16

Maah ban m mɔk si maapɔɔn na, maa ku si, nima kan, binib mɔmɔk ga bee maah kpa liyimbil dulnyaa wee mɔmɔk ni pu na.

Esekiel 20:9

Kina ngbaan aah ba ga nan joo ni maayimbibiil na, maa nan ŋa kina, ba pu? baah nan koo binib bi chee na aanimbil ni le m nan bui Israel yaab ngbaan ke m ga nyan bi Ijipt aatiŋ ni.

Esekiel 28:22

Bui binib bi koo nima chee na, min Dindaan Uwumbɔr aah kpa baabɔr ti m tuk bi na ke: Saidonn aatiŋ, m ye saadin la; binib ga pak mi maah ŋa si pu na pu. M yaa mɔk maah bi chain pu na ki daa binib bi koo aa ponn ni na aatafal kan, bi ga bee ke min le ye Uwumbɔr.

Esekiel 32:15

M yaa cha Ijipt aatiŋ kpaln tilangbenn ki doon nkuun, ki kuln binib bi mɔmɔk koo nima chee na kan, bi ga bee ke min le ye Uwumbɔr.

Esekiel 38:16

Aa ga tak maanib Israel yaab ke kitaabuŋ ki bɔ kitiŋ ponn ni ki jer na. N‑yoonn ngbaan yaa nan fuu ni kan, m ga cha aa ti koo maatiŋ ni ki di mɔk ŋitimbol maah ye Uwumbɔr u na, ki di maah joo si tun lituln li na mɔk maah ye chain pu na.

Esekiel 38:23

Kina le m ga mɔk ŋitimbol mɔmɔk ke maapɔɔn nyaŋ, le m ye chain. N‑yoonn ngbaan le ŋi ga bee ke min le ye Uwumbɔr.”

Esekiel 39:13

Kitiŋ ngbaan pu aanii mɔmɔk ga ter ŋinikpol ngbaan aasum, le bi ga kan bunyuŋ, maanyaŋ aawiin ngbaan daal. Min Dindaan Uwumbɔr le len kina.

Liifai Yaab 10:3

Moses nan bui Aaronn ke, “Kina pu le Uwumbɔr len ki bui ke, ‘Binib bimɔk tun maatuln na, ni ŋan ke bi li pak maah bi chain pu na; le m ga kpiir mɔk maanib maah nyuun sakpen pu na.’” Le ni gar Aaronn; waa ki ŋmaa len tibɔr tibaa.

Rom Yaab 11:8

Ni ŋmee Uwumbɔr Aagbaŋ ni ke, “Uwumbɔr chuu nyan nlan biyil ni ke binimbil taa woln, bitafal mu taa ŋun, ki nan saa dandana wee.”

Rom Yaab 9:17

Ni ŋmee Uwumbɔr Aagbaŋ ni ke Uwumbɔr nan bui Ubɔr Faro, “M ŋa si ubɔr ke m mɔk binib maah kpa mpɔɔn ki chiin si pu na, aan maayimbil nya paacham, dulnyaa aapepel mɔmɔk ni.”

Rom Yaab 9:18

Nima le binib bi u ban u san bi kinimbaak na, u san bi kinimbaak. Binib bi u ban ke u cha bi gaa biyil na, u cha bi gaa la.

Josua 11:20

Uwumbɔr le nan cha binib ngbaan aasui fii ke bi to Israel yaab butɔb, aan u ŋmaa kuln bi mɔmɔk; linimbaasaln aa nan bi, le bi ku bi mɔmɔk. Kina le Uwumbɔr nan bui Moses ke u ŋa.

Bibɔjirb 4:7

M ga cha Jabinn aajab aaninkpel Sisera dan nan tak si Kisonn Aamɔɔl chee. U ga li joo ni waataan aatɔroku tiib ni waajab, m mu tee ga cha aa nyaŋ u.’”