Nnyam 14:31 - Uwumbɔr aagbaŋ

³¹ N‑yoonn mu Israel yaab kan Uwumbɔr aah di waapɔɔn nyaŋ Ijipt yaab na, le ni ŋa bi tifaan Uwumbɔr aah ŋa pu na, le bi gaa Uwumbɔr ni waatutunn Moses ki kii.

Nnyam 14:31 ပူးပေါင်းရင်းမြစ်များ

2 Bibɔrb Aabɔr 20:20

Lichakpitaawoln, le binib ngbaan fii ke bi buen nteersakpiin mu bi gbɔk Tekoa aatiŋ na ni. Baah nan ban bi siir nima chee na, le Jehosafat di lilambil limina tii bi: “Juda ni Jerusalem aajab, di nimi aanaadii tii Nidindaan Uwumbɔr man, nima kan, ni ga sil chob. Kii tii waabɔnabtiib aah tuk nimi pu na, nima kan, ni ga kan linyaŋ.”

Nehemia 9:9

Aa nan kan tiyaajatiib aah jin falaa sakpen pu Ijipt aatiŋ ponn ni na. Baah nan yin si ke aa ter bi buyoonn bi nan bi Nnyusakpem Mamam na chee na, aa nan kii.

Ilahn 119:120

M san sin le ijawaan; saakaal pu le ijawaan joo mi.

Nnyam 19:9

Uwumbɔr nan ki bui Moses ke, “M ga dan ni chee ntaalangbam mu bɔɔn na ni, nima kan, binib ngbaan ga ŋun maah bi len aa chee tibɔr pu na, aan dandana wee ki joo cha bi ga gaa kii saah len pu na.” Moses nan tuk Uwumbɔr binib ngbaan aah kii pu na,

Nnyam 4:31

Bi nan gaa kii, le baah ŋun ke Uwumbɔr dan bi chee ki nan kan baah muk bi ki ŋani bi falaa pu na, le bi gbaan kitiŋ ki doon u.

Tibɔnyaan ti Luk ŋmee ti na 8:13

Mu lir ntakpateer pu na le ye binib bi ŋun Uwumbɔr aabɔr ki gaa ti ni mpopiin na. Bi mu aa gaa ti bisui ni mbamɔm. Bi gaa Uwumbɔr ki kii ni yunn siib; tɔ, ntɔŋ yaa pii bi kan, le bi ga di u lii.

Jɔnn 11:45

Tɔ, Juu yaab bi dii Mari ki kan Yesu aah tun lijinjiir aatuln ngbaan pu na, bi ponn ni pam le nan gaa u ki kii.

Jɔnn 2:11

Nima le ye njan aajinjiir aatuln li Yesu tun na. U nan tun lituln ngbaan Kana aatiŋ ki bi Galilee ni na ni la. Le binib kan waah kpa Uwumbɔr aapɔɔn pu na. Le waadidiliib gaa u ki kii.

Lituln 8:13

Le Simonn, u ye ubɔɔ ngbaan na, mu kii Filip aah len pu na. Le Filip muin u nnyun ni. Le u dii Filip idaa mɔmɔk, ki kan u tun lijinjiir aatun pam. Le ni gar u ki ti nyaŋ.

Hiibru Yaab 3:5

Ni ye mbamɔn, Moses nan tun Uwumbɔr aatuln mbamɔm, Uwumbɔr aamaal aanib aakaasisik ni. U nan ye Uwumbɔr aatutunn, ki tuk binib Uwumbɔr aah nan ban ke u tuk bi pu na.

Josua 24:7

le bi wii ki yin mi ke m nan ter bi, le m cha mbɔmbɔɔn dan bi ni Ijipt yaab aakaasisik ni. M nan cha Ijipt yaab bee nnyusakpem na ni. Ni nyi maah nan ŋa Ijipt yaab pu na mɔmɔk. “‘Ni nan bi nteersakpiin ni, ni yunn pam.

Josua 4:14

Uwumbɔr aah nan ŋa pu liyaadaal ngbaan na nan cha binib ngbaan bee ke Josua ye unikpaan la. Bi mɔmɔk nan nyuŋni Josua ki ti saa waakundaal, ke baah nan nyuŋni Moses pu na.

Josua 4:24

Nima pu na, binib mɔmɔk bi bi dulnyaa wee ni na ga bee Uwumbɔr aapɔɔn aah bi pu na, le ni ga li nyuŋni Nidindaan Uwumbɔr ki cha n‑yoonn mu kaa kpa ndoon na.”

1 Samuel 12:16

Kina pu na, li si man naah si nin chee na, aan ki kan Uwumbɔr aah ban u ŋa tiwankpaan ni na.

1 Samuel 12:18

Samuel nan mee limeel, le Uwumbɔr cha utaal nun ki tar liyaadaal ngbaan. Le binib ngbaan mɔmɔk san Uwumbɔr ni Samuel mu ijawaan,