Nnyam 14:30 - Uwumbɔr aagbaŋ

³⁰ Liyaadaal ngbaan le Uwumbɔr nan gaa Israel yaab Ijipt yaab chee lii, le Israel yaab kan baah kpoi ki dɔ nnyun ngbaan aagbaan pu na.

Nnyam 14:30 ပူးပေါင်းရင်းမြစ်များ

2 Bibɔrb Aabɔr 32:22

Kina le Uwumbɔr nan gaa Ubɔr Hesekia ni waanib bi bi Jerusalem ni na Asiria aabɔrkpaan Senakerib, ni baadim biken chee lii. U nan cha binib ngbaan bi nsuudoon ni ŋitingban ŋi mann gob bi na chee.

Ilahn 106:10

U nan gaa bi binib bi kaa gee bi na chee lii; u nan gaa bi baadim chee lii.

Ilahn 106:8

Tɔ, waah nan puu pu na, u nan gaa bi lii, ke ni mɔk waah kpa mpɔɔn sakpiin mu na.

Ilahn 58:10

Uwumbɔr yaa daa mbiindam aatafal kan, le ni piir binib bi aabimbin ŋan na aasui, le bi ga lul bibiindam aasin ponn ni ki jer.

Ilahn 59:10

Maawumbɔr gee mi, ki ga nan ter mi; u ga cha m kan maadim aah ga lir pu na.

Ilahn 91:8

Aa ga lik le ki kan Uwumbɔr aah dar bibiindam aatafal pu na.

Nnyam 14:13

Moses nan giin bui bi ke, “Taa san ijawaan man. Sil chob man, ni ga kan Uwumbɔr aah ga ŋa pu ki gaa nimi lii din wee na. Naan ki kan Ijipt yaab bee daalbaadaal.

Aisaya 63:11

Le bi teer n‑yoonn mu jer na, Uwumbɔr aatutunn Moses aayoonn, le ki baa ke, “Uwumbɔr u nan nyan waanib aaninkpiib nnyusakpem ni na bi la chee dandana wee? Uwumbɔr u nan di Waafuur Nyaan tii Moses na bi la chee?

Aisaya 63:8

Uwumbɔr bui ke, “Bi ye maanib la; baan ŋmann mi.”

Aisaya 63:9

Kina pu le u nyan bi baafalaa ni. Naa nan ye waatuun, uma Uwumbɔr ubaa le nan gaa bi lii. Waageehm ni waanimbaasaln pu le u gaa bi lii. N‑yoonn mu jer na le u nan kii bi,

Hosea 1:7

Tɔ, m ga li gee Juda yaab ma. Min, Bidindaan Uwumbɔr ga gaa bi lii, m mu aan di kijaak aajum, bee itɔi ni ipiin, bee itaan ni bitandam tun li.”

Ikaal 4:34

Liwaal libaa kee buen litimbol yayan ni, ki ti nyan ni binib, ki di bi ŋa laanib, ke Nidindaan Uwumbɔr aah ŋa nimi pu Ijipt aatiŋ ni pu na aa? Ninimbil ni, le u nan di waapɔɔn sakpiin tun, ki joo ni iween, ni butɔb, ki ŋa iwaan, ni lijinjiir aatun, ki cha ijawaan aawan ŋa.

Juud 1:5

Ni nyi maah ga tuk nimi pu na mɔmɔk. Le m ban m teer nimi. Uwumbɔr nan nyan Israel yaab Ijipt aatiŋ ni ki gaa bi lii. Le u mu nan ku bi ponn ni binib bi kaa gaa u ki kii na.

Bibɔjirb 10:11

Uwumbɔr aah nan tii bi ngarm mu na sɔ: “Ijipt yaab, ni Amor yaab, ni Amonn yaab, ni Filistia yaab,

1 Samuel 11:13

Le Sɔɔl bui ke, “Ubaa aan kpo din wee; ba pu? din wee le Uwumbɔr gaa Israel yaab lii.”

1 Samuel 14:23

ki dii Filistia yaab ki ti jer Bef Afenn ni. Uwumbɔr nan gaa Israel yaab lii liyaadaal ngbaan.