Nnyam 14:27 - Uwumbɔr aagbaŋ

²⁷ Nima pu le Moses nan yoor uŋaal ki di mɔk nnyusakpem na, le lichakpitaawoln wɔb, nnyun ngbaan ki gir kpaan tɔb ponn ni, ki naa tɔb ke mu aah ba bi pu na. Le Ijipt yaab nan ban bi san ŋmar, le Uwumbɔr moo di bi mee lii nnyun ngbaan ni.

Nnyam 14:27 ပူးပေါင်းရင်းမြစ်များ

Josua 4:18

le n‑yoonn mu bitotoorb ngbaan nyan ki nan saa n‑gbaan na, le limɔɔl ngbaan ki piin ki puu ki gbiin ke laah ba bi pu na.

Ilahn 78:53

U nan cheen bi mbamɔm, le ijawaan aa nan joo bi; u cha nnyusakpem nan biin baadim pu, ki di bi buen.

Hiibru Yaab 11:29

Israel yaab aah nan ban ke bi puur Limɔɔkal Aanyusakpem, baah nan gaa Uwumbɔr ki kii pu na, le nnyun nan yakr ki cha nsan tii bi, le bi puur. Ijipt aatiŋ aanib aah nan ban bi mu puur na, bi nan bee nnyun ni la.

Ikaal 11:4

Ni nan kan Uwumbɔr aah nan kuln Ijipt aajab, ni baataan, ni itaan aatɔroku tiib pu na; u nan cha bi bee Limɔɔkal Aanyusakpem ni, buyoonn bi nan san paa ni nimi pu na.

Nehemia 9:11

Aa nan naan nsan nnyusakpem ponn ni ki tii saanib, ki cheen bi puur kitikuun pu. Binib bi nan san dii bi na ma nan bee nnyun mu nyoo na ponn ni, ke litakpal aah muini nnyusakpem ponn ni pu na.

Ilahn 106:11

Tɔ, baadim ma nan tee bee nnyun ni; ubaa kina aa nan gur.

Ilahn 136:15

le ki tee cha Ijipt aabɔr ni waajab bee Nnyusakpem ngbaan ni; waageehm aa kpa ndoon.

Aisaya 10:26

Min Uwumbɔr Mpɔɔnsakpiindaan di maabanbaan loe bi ke maah nan loe Midiann yaab, Oreb aatakpal chee pu na. M ga daa bima Asiria yaab aatafal ke maah nan daa Ijipt yaab aatafal pu na.

Josua 24:7

le bi wii ki yin mi ke m nan ter bi, le m cha mbɔmbɔɔn dan bi ni Ijipt yaab aakaasisik ni. M nan cha Ijipt yaab bee nnyusakpem na ni. Ni nyi maah nan ŋa Ijipt yaab pu na mɔmɔk. “‘Ni nan bi nteersakpiin ni, ni yunn pam.