Nnyam 14:25 - Uwumbɔr aagbaŋ

²⁵ U nan cha baatɔroku tiib aataa chɔi kitiŋ, le baa ki ŋmaa chuun mala mala. Le Ijipt yaab bui ke, “Uwumbɔr le bi to butɔb ngbaan tii Israel yaab. Cha ti gir nya do chee na man.”

Nnyam 14:25 ပူးပေါင်းရင်းမြစ်များ

2 Bibɔrb Aabɔr 20:29

Litimbol limɔk nan ŋun Uwumbɔr aah nyaŋ Israel yaab aadim pu na, ijawaan nan koo bi.

Nehemia 4:14

M nan kan ke ilandak le joo maanib; le m bui bi ni baayidam, ni baaninkpiib ke, “Taa san man timi aadim ijawaan. Teer Uwumbɔr aah pɔɔ ki kpa ijawaan pu na, ki jan man nimi aanib ni nimi aabim, ni nipuutiib, ni nimi aadichal pu.”

Nehemia 6:16

Timi aadim bi bi ŋitimbol ŋi mann goln timi na aah ŋun kina na, le bi bee ke bi jin inimɔɔn a, ba pu? unii mɔmɔk nan bee ke Uwumbɔr aaterm le tun kina aatuln.

Nehemia 9:11

Aa nan naan nsan nnyusakpem ponn ni ki tii saanib, ki cheen bi puur kitikuun pu. Binib bi nan san dii bi na ma nan bee nnyun mu nyoo na ponn ni, ke litakpal aah muini nnyusakpem ponn ni pu na.

Job Aagbaŋ 11:20

Le bibiindam ma ga lik ban ni ntaakpayɔl, ki kan ke ŋŋmarm aa bi. Baamakl libaa li bi na le ye ke nkun ga dan.

Job Aagbaŋ 20:24

U yaa ban u san ŋmar tikur aajuk chee kan, tikumann aatɔm le ga too chaar u bil.

Job Aagbaŋ 27:22

li ga daa bi pu, kaan li san bi kinimbaak, le bi pɔɔni bibaa ke bi ŋmar.

Ilahn 35:1

Uwumbɔr, kpak binib bi kpak mi na, ki jan binib bi tak mi na kijaak.

Ilahn 46:9

U cha butɔb door dulnyaa wee mɔmɔk ni; U kool itɔi, ki bii tikpaatunn, ki seer kijaak aapen mmii.

Ilahn 68:12

“Bibɔrb ni baajab san la.” Bipiib bi nan bi linampal na yakr bijab aah jan ki gaa tiwan ni na.

Ilahn 76:6

Uwumbɔr u tiyaaja Jakob mu nan dii u na, saah nan faan bi buyoonn na, baataan ni binib bi dik i pu na nan lir ki kpoi.

Nnyam 14:14

Uwumbɔr le ga to butɔb ngbaan tii nimi, naan li kpa nibaa ni ŋa butɔb ngbaan ni.”

Nnyam 14:18

N‑yoonn mu m nyaŋ bi na, le Ijipt yaab ga bee ke min le ye Uwumbɔr.”

Nnyam 14:4

M ga cha usui pɔɔk, le u ga fii paan ni ni pu, le maah ga nyaŋ ubɔr ngbaan pu na, m ga kan kipak kina pu. Le Ijipt yaab ga bee ke min le ye Uwumbɔr.” Israel yaab nan ŋa Moses aah tuk bi pu na.

Nnyam 15:3

Uwumbɔr ye u ŋmaa to butɔb na la, waayimbil le ye Uwumbɔr.

Aisaya 31:4

Uwumbɔr bui mi ke, “Uchinn yaa chuu kiwakork, aan bipihkpaab po gee bi li tar mpɔɔn pu sakpen pu na, waan san cha ki; ni mu ga li bi kina le Uwumbɔr Mpɔɔnsakpiindaan chee, nibaa aan ŋmaa kiir u, aan u taa li kii Sionn aajool.

Jeremia 51:21

ki joo wɔi itaan ni bijab bi dik i pu na, ki joo wɔi itaan aatɔroku mam, ni binib bi ŋaal bi na,

Amos 1:14

Kina pu na, m ga cha mmii wu baatiyil Raba aagon, ni baah maa ŋidichal ŋi fɔk ki pɔɔ kiir bibaa na mɔmɔk. Le bundaal butɔb ga fii na, iwiil ga li bi liyaadaal ngbaan, le kijaak ngbaan ga li pɔɔ ke kitaabuŋ na.

Amos 5:19

Ni ga nan li naahn ke unii aah san uchinn chee ki ti tooh upeenaamuun nsan ni pu na la, ki li bi ke unii u kun ni linampal ki nan di uŋaal paan ligoln pu aan uwaa kpaan juu u pu na la.

Amos 9:1

M nan kan Uwumbɔr si gbɔk kitork aabimbiln, le ki tii waamɔboln ke: “Faa man Maadichal aagon mpɔɔn pu aan kaadipimoor deŋ. Gbaa wii ŋi aan ŋi lir binib ngbaan aayil pu man. M ga ku binib bi gur na butɔb ni la. Ubaa aan san ŋmar; ubaa kina aan ŋmar. Hali bi yaa gbii ibuu ki koo kitekpiitiŋ ni kan, m ga chuu bi.

Ikaal 1:30

Nidindaan Uwumbɔr ga loln ni pu nsan, ki jan ni pu, ke waah nan ŋa pu Ijipt aatiŋ ni, ni nteersakpiin ni, aan ni kan na.

Ikaal 3:22

Ni taa li san bi ijawaan, Nidindaan Uwumbɔr le ga jan tii nimi.’

Ikaal 32:31

Baadim bibaa nyi ke baawaa aa kpa mpɔɔn, kaa kpa mpɔɔn sakpen ke Israel yaab Aawumbɔr na.

Josua 10:14

Yaajayoonn ki nyan liyaadaal ngbaan, ki nan saa din wee na, nwiin mbaa aa ki bi ke liyaadaal ngbaan na, liyaadaal ngbaan le Uwumbɔr kii unibɔn aamɔboln. Uwumbɔr le nan si Israel yaab pu ki ton butɔb ngbaan tii bi.

Bibɔjirb 4:15

Barak ni waajab aah ti tak bi na, le Uwumbɔr ŋmal Sisera ni waajab bi mɔmɔk bi itaan aatɔroku tiib ni na, ni waajab biken mɔmɔk aalan. Sisera nan nyan waatɔroku ponn ni ke u di litaal san ŋmar.