Nnyam 14:22 - Uwumbɔr aagbaŋ

²² le Israel yaab chuun nnyusakpem ngbaan ni, kitikuun pu, le nnyun ngbaan kpaln ŋigon ki sil ŋipepel mɔmɔk ŋilee.

Nnyam 14:22 ပူးပေါင်းရင်းမြစ်များ

2 Bibɔrb 2:14

le ki di Elaija aakpalk na faa nnyun ngbaan, le ki bui ke, “Elaija Aadindaan Uwumbɔr bi la chee?” le ki ki gir faa nnyun ngbaan, le mu yakr nfum mulee pu, le u chuun puur lidapuul.

2 Bibɔrb 2:8

Le Elaija chuu peer waakpalk na ki tam tam ki di faa nnyun ngbaan; le nnyun ngbaan chuu yakr nfum mulee, le u ni Elaisa chuun kitikuun pu ki puur lidapuul.

Nehemia 9:11

Aa nan naan nsan nnyusakpem ponn ni ki tii saanib, ki cheen bi puur kitikuun pu. Binib bi nan san dii bi na ma nan bee nnyun mu nyoo na ponn ni, ke litakpal aah muini nnyusakpem ponn ni pu na.

Ilahn 106:9

U nan di umɔb le tuk Limɔɔkal Aanyusakpem ngbaan, le mu foor, le u cha waanib chuun kitikuun pu ki puur.

Ilahn 136:13

U nan chuu yakr Limɔɔkal Aanyusakpem nfum mulee; waageehm aa kpa ndoon.

Ilahn 136:14

U nan di waanib dii nima jer; waageehm aa kpa ndoon;

Ilahn 66:6

U cha nnyusakpem kpaln kitikuun; tiyaajatiib chuun bitaa pu le ki puur limɔɔl. Nima chee le ti nan mɔɔni waah tun pu na pu.

Ilahn 74:15

Aa cha uyayak aanyunbun puu; aa cha ŋimɔɔ ŋi wiir na foor ki kuur.

Ilahn 78:13

U nan yakr nnyusakpem nfum mulee pu, ki di bi dii mu ni jer; u nan cha nnyun fii sil ke ŋigon na.

Nnyam 14:29

Israel yaab ma nan chuun kitikuun pu le nnyusakpem ngbaan ni, le mu kpaln ŋigon ki si ŋipepel mɔmɔk ŋilee.

Nnyam 15:19

Israel yaab nan chuun kitikuun pu le ki puur nnyusakpem, le n‑yoonn mu Ijipt yaab aajab, ni baataan, ni baatɔroku tiib, ni bijab bi ŋaal bi na mu nan paan Israel yaab pu nnyusakpem ponn ni na, le Uwumbɔr cha nnyun gir biin bi pu.

Nnyam 15:8

Aa pii libuln lii nnyusakpem pu, le nnyun fii sil paacham, le mu sil ke ligoln na; le nnyusakpem nin chee nyoo sakpen na kpaln nin chee pɔɔ na.

Aisaya 11:15

Le Uwumbɔr ga cha nnyunsakpem mu bi yin mu ke Sues na aanyun foor, ki ga cha libuln li ton na daa ki foor limɔɔl li bi yin li ke Yufrates na aanyun, ki di cha ibun waatiir ilole baanja aan unii mɔmɔk ga ŋmaa puur jer.

Aisaya 11:16

Nsankpaan ga li dɔ ki nyan ni Asiria ni, ki tii waanib bi kaa kpo ki bi nima na, ke mu aah nan dɔ tii biyaajatiib Israel yaab, baah nan nyan ni Ijipt aatiŋ ni pu na.

Aisaya 43:16

N‑yoonn mu jer ki yunn na, Uwumbɔr nan naan nsan nnyusakpem ponn ni, u nan naan kisanbik nnyun mu puu mala mala na ni.

Aisaya 51:10

Ni nan ki ye sin le cha nnyusakpem aanyun foor le ki ŋa nsan mu ponn ni, aan saah nan bi gaal binib bi lir na ŋmaa puur.

Aisaya 63:12

Uwumbɔr u nan tii Moses waapɔɔn sakpiin ki nan yakr nnyusakpem nfum mulee aan waanib dii jer, ki ti kan liyimbil li kaa kpa ndoon ki tii ubaa na bi la chee?” Uwumbɔr aah nan loln bi pu nsan na, bi nan chuun ke timoor ni aataan na, kaa gbeer nibaa.

Sekaria 2:5

Uwumbɔr puu ke uma ubaa le ga li ye mmii aagoln ki mann goln kitiŋ ngbaan ki ga li kii ki, le ki ga li bi ki ni, ki wiin chain.”

Nkahm 33:8

Bi nan fii Pi Hahirof aatiŋ ni, ki ti puur Nnyusakpem Mamam, ki koo Sur aateersakpiin ni; baah nan chuun ki ti saa iwiin itaa na, le bi kal Mara aatiŋ ni.

1 Korenti 10:1

Nnaabitiib, m ban ke ni bee ke ntaalangbam nan sunn ni ki mɔk tiyaajatiib nsan. Le Uwumbɔr nan tii bi nsan nnyusakpem aakaasisik ni, bi puur.

Hiibru Yaab 11:29

Israel yaab aah nan ban ke bi puur Limɔɔkal Aanyusakpem, baah nan gaa Uwumbɔr ki kii pu na, le nnyun nan yakr ki cha nsan tii bi, le bi puur. Ijipt aatiŋ aanib aah nan ban bi mu puur na, bi nan bee nnyun ni la.

Josua 3:16

le nnyun ngbaan sil, kaa ki puu, le ki ŋa ligoln kitiŋ ki bi yin ki ke Adam na chee; kitiŋ ngbaan nan bi dandar ki bi gbɔk Saretann aatiŋ la. Limɔɔl ngbaan aah puu ki ti lir N‑yaan Aanyusakpem ponn ni nin chee na mɔmɔk kpaln kitikuun la, le binib ngbaan puur Jeriko chee.

Josua 3:17

Binib ngbaan aah nan chuun kitikuun pu ki puur na, bitotoorb bi nan tu Uwumbɔr Aakaal Aadakaa na nan si limɔɔl ngbaan aakaasisik ni, kitikuun pu, le binib ngbaan mɔmɔk chuun ki ti puur doo.

Josua 4:22

ni tuk bi ke n‑yoonn mu Israel yaab nan chuun kitikuun pu ki puur Jɔɔdann Aamɔɔl na, le bi nan nyan ni ŋi limɔɔl aakaasisik ni.

1 Samuel 25:16

Bi nan kii timi nwiin pu ni kinyeek, n‑yoonn mumɔk ti nan bi bi chee ki kpaa ipiih ngbaan na. M gaŋ si, dakl lik tibɔr ngbaan ki ŋa saah ban pu na.