Nnyam 14:21 - Uwumbɔr aagbaŋ

²¹ Moses nan yoor uŋaal paacham ki mɔk nnyusakpem ngbaan, le Uwumbɔr cha libuln nyan ni liwipuul wɔb ki daa nnyusakpem ngbaan pu, le ki kiir mu, le mu yakr tɔb chee. Libuln ngbaan nan daa kinyeek ki ti woln kitaak, le ni kuur. Nnyun ngbaan nan yakr tɔb chee,

Nnyam 14:21 ပူးပေါင်းရင်းမြစ်များ

Mpiin 8:1

Uwumbɔr aa nan suln Nowa, ni ipeel, ni tiwakor timɔk bi u chee buŋɔb ni na aabɔr, le ki cha libuln daar, le nnyun nin piin ki foor.

2 Bibɔrb 2:8

Le Elaija chuu peer waakpalk na ki tam tam ki di faa nnyun ngbaan; le nnyun ngbaan chuu yakr nfum mulee, le u ni Elaisa chuun kitikuun pu ki puur lidapuul.

Nehemia 9:11

Aa nan naan nsan nnyusakpem ponn ni ki tii saanib, ki cheen bi puur kitikuun pu. Binib bi nan san dii bi na ma nan bee nnyun mu nyoo na ponn ni, ke litakpal aah muini nnyusakpem ponn ni pu na.

Job Aagbaŋ 26:12

Waapɔɔn le u nan di nyaŋ nnyusakpem; U nan di waalan le ku nnyun ni aawanbiik Rahab.

Job Aagbaŋ 38:24

Aa kee buen nwiin aah puur ni nin chee na bee aa kee buen liwipuul aabuln aah nya ni nin chee na aa?

Ilahn 136:13

U nan chuu yakr Limɔɔkal Aanyusakpem nfum mulee; waageehm aa kpa ndoon.

Ilahn 148:8

utaal aah moor pu na, ni ŋitaanal, ni ntaalangbam, ni ŋibun ŋi pɔɔ ki kii waakaal na, pak u man.

Ilahn 66:6

U cha nnyusakpem kpaln kitikuun; tiyaajatiib chuun bitaa pu le ki puur limɔɔl. Nima chee le ti nan mɔɔni waah tun pu na pu.

Ilahn 74:13

Aa di saapɔɔn sakpiin le di yakr nnyusakpem, le ki wii nnyusakpem ponn ni aapeewanbiik aayil,

Ilahn 78:13

U nan yakr nnyusakpem nfum mulee pu, ki di bi dii mu ni jer; u nan cha nnyun fii sil ke ŋigon na.

Nnyam 14:16

Yoor saajaangbeek paacham ki di mɔk nnyusakpem ngbaan. Nnyun ngbaan ga yakr, le Israel yaab ga ŋmaa chuun kitikuun pu ki jer nnyusakpem ngbaan aasisik ni.

Nnyam 14:20

Ntaalangbam ngbaan nan cha ni bɔnn Ijipt yaab chee, le ki tee ye nwiihn Israel yaab wɔb, nima pu na, kinyeek ngbaan, ŋitimbol ŋilee ngbaan aa nan ŋmaa ŋɔŋ tɔb pu le kitaak ti woln.

Nnyam 15:8

Aa pii libuln lii nnyusakpem pu, le nnyun fii sil paacham, le mu sil ke ligoln na; le nnyusakpem nin chee nyoo sakpen na kpaln nin chee pɔɔ na.

Nnyam 7:19

Uwumbɔr nan ki bui Moses ke, “Bui Aaronn ke u yoor waajaangbeek ngbaan paacham ki di mɔk ŋimɔɔ, ni ikpen, ni ibun mɔmɔk, Ijipt aatiŋ ponn ni. Nnyun ngbaan mɔmɔk ga kpaln nsin, le kitiŋ ngbaan mɔmɔk aanyun, hali ŋibuu ŋimɔk kpa nnyun na ga kpaln nsin.”

Aisaya 23:11

Uwumbɔr taln uŋaal paan nnyusakpem pu ki nyaŋ bibɔrb aanaan. U cha bi bii Fonisia aanyam.

Aisaya 43:16

N‑yoonn mu jer ki yunn na, Uwumbɔr nan naan nsan nnyusakpem ponn ni, u nan naan kisanbik nnyun mu puu mala mala na ni.

Aisaya 44:27

Maamɔb aamɔboln le m ga di foor nnyusakpem.

Aisaya 50:2

Ba nan ŋa maanib yii kaa kii tii mi buyoonn m nan buen m ti gaa bi lii na? Ba nan ŋa baa kii buyoonn m nan yin bi na? Maa ki kpa mpɔɔn m di gaa bi lii la aa? Maamɔliin baanja le ga cha nnyusakpem foor, ki cha ŋimɔɔ mɔmɔk kpaln kitikuun, le ŋaajan kpo nnyunyuu pu.

Aisaya 51:10

Ni nan ki ye sin le cha nnyusakpem aanyun foor le ki ŋa nsan mu ponn ni, aan saah nan bi gaal binib bi lir na ŋmaa puur.

Aisaya 51:15

Min le ye Nidindaan Uwumbɔr; Min le kur nnyusakpem, le ki cha mu aanyunkpenn kpa kifuuk, Maayimbil le ye ke Uwumbɔr Mpɔɔnsakpiindaan.

Aisaya 63:12

Uwumbɔr u nan tii Moses waapɔɔn sakpiin ki nan yakr nnyusakpem nfum mulee aan waanib dii jer, ki ti kan liyimbil li kaa kpa ndoon ki tii ubaa na bi la chee?” Uwumbɔr aah nan loln bi pu nsan na, bi nan chuun ke timoor ni aataan na, kaa gbeer nibaa.

Habakuk 3:8

Uwumbɔr, ŋimɔɔ pu le saaŋuul nan fii ii? nnyusakpem pu le saaŋuul nan fii ii? Aa nan jak saataan ni yaatɔroku tiib bi ye linyaŋ yaab na.

Lituln 7:36

Uma Moses le nyan bi Ijipt aatiŋ ni, ki tun lijinjiir aatun nima chee, ni Limɔɔkal Aanyusakpem ni, le ki ti nin tun lijinjiir aatun timoor ni, ŋibin imonko ilee.

Josua 2:10

Ti ŋun Uwumbɔr aah cha Limɔɔkal Aanyusakpem foor aan ni puur, buyoonn ni nan nyan ni Ijipt aatiŋ ni na, ki ki ŋun ke ni ku Amor yaab aabɔrb bilee, Sihonn ni Og, Jɔɔdann aawipuul wɔb.

Josua 3:17

Binib ngbaan aah nan chuun kitikuun pu ki puur na, bitotoorb bi nan tu Uwumbɔr Aakaal Aadakaa na nan si limɔɔl ngbaan aakaasisik ni, kitikuun pu, le binib ngbaan mɔmɔk chuun ki ti puur doo.

Josua 4:23

Ni ki tuk bi ke Nidindaan Uwumbɔr le nan cha nnyun sil, kaa ki puu Jɔɔdann Aamɔɔl ngbaan ni, le kitiŋ kuur, le ni mɔmɔk chuun ki puur ti doo, ke waah nan cha Limɔɔkal Aanyusakpem foor pu ti chuun kitikuun pu ki puur pu na.