Nnyam 14:19 - Uwumbɔr aagbaŋ

¹⁹ Uwumbɔr aatuun, u ba loln Israel yaab pu nsan na gir buen bipuwɔb. Le ntaalangbam na mu buen ki ti sil Ijipt yaab ni Israel yaab aakaasisik ni.

Nnyam 14:19 ပူးပေါင်းရင်းမြစ်များ

Ilahn 77:20

Aa loln saanib pu nsan ke upihdaan na, ki cha Moses ni Aaronn joo bi.

Ilahn 78:53

U nan cheen bi mbamɔm, le ijawaan aa nan joo bi; u cha nnyusakpem nan biin baadim pu, ki di bi buen.

Nnyam 14:20

Ntaalangbam ngbaan nan cha ni bɔnn Ijipt yaab chee, le ki tee ye nwiihn Israel yaab wɔb, nima pu na, kinyeek ngbaan, ŋitimbol ŋilee ngbaan aa nan ŋmaa ŋɔŋ tɔb pu le kitaak ti woln.

Nnyam 14:24

Naah ti chaa woln ni na, le Uwumbɔr bi ntaalangbam ni, mmii ponn ni, le ki lik waa Ijipt yaab aajab, le ki cha ijawaan chuu bi.

Nnyam 32:34

Tɔ, siir ki li cha, ki ti loln binib ngbaan pu nsan, ki buen nin chee m bui si na. Teer ke maatuun ga loln ni pu nsan; tɔ, n‑yoonn choo le m ga daa binib ngbaan aatafal, baatunwanbir pu.”

Aisaya 52:12

N‑yoonn mumina ma kan, naan li ban mala ke ni nya; naan li ban ke ni san ŋmar. Nidindaan Uwumbɔr le ga cheen nimi aan ki li kii nimi ŋipepel mɔmɔk pu.

Aisaya 58:8

“N‑yoonn ngbaan le maaŋann ga dan ni chee ki wiin ke kichakpiik ni aawiin na, le nimi aabuun mɔmɔk ga yann mala. M ga li bi ni chee n‑yoonn mɔmɔk ki gaa nimi lii; maah ga li bi ni chee pu na ga li kii nimi ŋipepel mɔmɔk pu.

Aisaya 63:9

Kina pu le u nyan bi baafalaa ni. Naa nan ye waatuun, uma Uwumbɔr ubaa le nan gaa bi lii. Waageehm ni waanimbaasaln pu le u gaa bi lii. N‑yoonn mu jer na le u nan kii bi,

Hosea 12:13

Uwumbɔr nan tun ubɔnabr ke u ti nyan Israel yaab tinaagbiir ni Ijipt ni, ki li joo bi.

Maika 2:13

Uwumbɔr le ga ki piir nsan tii bi aan ki di bi nya ni tinaagbiir kitiyayaŋ ni. Bi ga gaa bibaa lii ki dii ibisamɔi nya. Baabɔr, Uwumbɔr ubaa, le ga cheen bi nya ni.

Sekaria 12:8

N‑yoonn ngbaan kan, Uwumbɔr ga li kii binib bi bi Jerusalem ponn ni na, le ki cha udaburdaan u ŋmal bi ni na pɔɔk, ke David aah nan bi pu na. David aayaabitiib le ga loln bi pu nsan ke Uwumbɔr aatuun na. U ga loln bi pu nsan ke Uwumbɔr ubaa na la.

Nkahm 20:16

le ti wii yin Uwumbɔr ke u ter timi. U nan ŋun timi aawiil le ki tun ni waatuun, le u nan nyan timi Ijipt aatiŋ ni. N‑yoonn mue ti ka Kades aatiŋ ni la. Kitiŋ ngbaan bi saatiŋ aanaanmɔk la.