Nnyam 14:16 - Uwumbɔr aagbaŋ

¹⁶ Yoor saajaangbeek paacham ki di mɔk nnyusakpem ngbaan. Nnyun ngbaan ga yakr, le Israel yaab ga ŋmaa chuun kitikuun pu ki jer nnyusakpem ngbaan aasisik ni.

Nnyam 14:16 ပူးပေါင်းရင်းမြစ်များ

2 Bibɔrb 4:29

Le Elaisa fenn lik Gehasi wɔb le ki bui ke, “Yoor maajaangbeek ki li san mala. Taa sil nsan ni ke aa doon unii ubaa, le unii yaa doon si kan, taa sil ke aa kii. Li cha lidichal ngbaan ni ki ti di maajaangbeek jɔnn ubo ngbaan pu.”

Nnyam 14:15

Uwumbɔr nan bui Moses ke, “Ba ŋa ni wii ki ban nterm? Tuk binib ngbaan ke bi li chuun.

Nnyam 14:26

Uwumbɔr nan ki bui Moses ke, “Yoor aaŋaal paacham ki mɔk nnyusakpem ngbaan, nnyun ngbaan ga gir kpaan tɔb ni, ki biin Ijipt yaab, ni baatɔroku tiib, ni bijab bi ŋaal bi na pu.”

Nnyam 17:5

Le Uwumbɔr bui Moses ke, “Nyan Israel yaab ponn ni aaninkpiib bibaa bi dii si, aan ni buen ti loln kinipaak ngbaan pu nsan. Li joo saajaangbeek ki aa nan di faa Nail aamɔɔl aanyun na.

Nnyam 17:6

M ga loln nsan ki ti sil litakpasakpeln libaa pu, Sainai Aajool na chee. Faa litakpasakpeln ngbaan, le nnyun ga nyan ni li ponn ni aan binib ngbaan nyu.” Moses nan ŋa kina Israel yaab aaninkpiib ngbaan aanimbil ni.

Nnyam 4:17

Li joo kijaangbeek kee aabaa chee, kima le aa ga li joo tun lijinjiir aatuln ngbaan.”

Nnyam 4:2

Le Uwumbɔr baa u ke, “Aa joo ba?” Le u bui ke, “Kijaangbeek.”

Nnyam 4:20

Nima pu na, Moses nan yoor upuu ni ujapɔtiib ki di bi diŋ ubon pu, le ki siir cha Ijipt aatiŋ ni, ki joo kijaangbeek ki Uwumbɔr bui u ke u li joo na.

Nnyam 7:19

Uwumbɔr nan ki bui Moses ke, “Bui Aaronn ke u yoor waajaangbeek ngbaan paacham ki di mɔk ŋimɔɔ, ni ikpen, ni ibun mɔmɔk, Ijipt aatiŋ ponn ni. Nnyun ngbaan mɔmɔk ga kpaln nsin, le kitiŋ ngbaan mɔmɔk aanyun, hali ŋibuu ŋimɔk kpa nnyun na ga kpaln nsin.”

Nnyam 7:9

“Ubɔr ngbaan yaa ban ke ni ŋa lijinjiir aatuln kan, bui Aaronn ke u di waajaangbeek mee lii ubɔr ngbaan aanimbiin ni, le ki ga kpaln uwaa.”

Aisaya 10:26

Min Uwumbɔr Mpɔɔnsakpiindaan di maabanbaan loe bi ke maah nan loe Midiann yaab, Oreb aatakpal chee pu na. M ga daa bima Asiria yaab aatafal ke maah nan daa Ijipt yaab aatafal pu na.

Habakuk 3:8

Uwumbɔr, ŋimɔɔ pu le saaŋuul nan fii ii? nnyusakpem pu le saaŋuul nan fii ii? Aa nan jak saataan ni yaatɔroku tiib bi ye linyaŋ yaab na.

Nkahm 20:11

Le Moses yoor lidabil ngbaan ki di faa litakpal ngbaan nfum mulee, le nnyusakpem puu nyan ni, le binib ngbaan mɔmɔk ni baawakor nyun.

Josua 8:18

Le Uwumbɔr bui Josua ke, “Di saakpaatuŋ mɔk Ai aatiŋ ngbaan, m di ki ŋa aaŋaal ni a.” Le Josua ŋa kina.