Nnyam 14:14 - Uwumbɔr aagbaŋ

¹⁴ Uwumbɔr le ga to butɔb ngbaan tii nimi, naan li kpa nibaa ni ŋa butɔb ngbaan ni.”

Nnyam 14:14 ပူးပေါင်းရင်းမြစ်များ

2 Bibɔrb Aabɔr 20:15

Jahasiel nan bui ke, “Ubɔr Jehosafat, ni Juda ni Jerusalem aanib mɔmɔk, Uwumbɔr bui ke ni taa cha nitaakpab yɔl, ki taa san butɔb aajapaak kee ijawaan. Butɔb ngbaan ye Uwumbɔr aatɔb la, naa ye nimi yaan.

2 Bibɔrb Aabɔr 20:17

Naa ye ke nimi le ga jan butɔb bue ni. Nima li cha ki ti lul sil ki li kii; ni ga kan ke Uwumbɔr tii nimi linyaŋ a. Juda ni Jerusalem aanib, taa joo beeni ki taa san ijawaan man. Nya buen butɔb ni man, le Uwumbɔr ga li bi ni chee.”

2 Bibɔrb Aabɔr 20:29

Litimbol limɔk nan ŋun Uwumbɔr aah nyaŋ Israel yaab aadim pu na, ijawaan nan koo bi.

Nehemia 4:14

M nan kan ke ilandak le joo maanib; le m bui bi ni baayidam, ni baaninkpiib ke, “Taa san man timi aadim ijawaan. Teer Uwumbɔr aah pɔɔ ki kpa ijawaan pu na, ki jan man nimi aanib ni nimi aabim, ni nipuutiib, ni nimi aadichal pu.”

Nehemia 4:20

Kina pu na, ni yaa ŋun ukpiin wii kan, ni mɔmɔk kuun dan m chee. Timi Aawumbɔr le ga jan tii timi.”

Nehemia 9:11

Aa nan naan nsan nnyusakpem ponn ni ki tii saanib, ki cheen bi puur kitikuun pu. Binib bi nan san dii bi na ma nan bee nnyun mu nyoo na ponn ni, ke litakpal aah muini nnyusakpem ponn ni pu na.

Ilahn 35:1

Uwumbɔr, kpak binib bi kpak mi na, ki jan binib bi tak mi na kijaak.

Ilahn 50:3

Timi Aawumbɔr choo, le kifuuk dii u; mmii mu gaal mpɔɔn pu na le loln u pu nsan, le libuln li pɔɔ sakpen na mann goln u.

Ilahn 83:1

Uwumbɔr, taa li ŋmin; taa li si suuna ki ŋmin kina.

Nnyam 14:15

Uwumbɔr nan bui Moses ke, “Ba ŋa ni wii ki ban nterm? Tuk binib ngbaan ke bi li chuun.

Nnyam 14:25

U nan cha baatɔroku tiib aataa chɔi kitiŋ, le baa ki ŋmaa chuun mala mala. Le Ijipt yaab bui ke, “Uwumbɔr le bi to butɔb ngbaan tii Israel yaab. Cha ti gir nya do chee na man.”

Nnyam 15:3

Uwumbɔr ye u ŋmaa to butɔb na la, waayimbil le ye Uwumbɔr.

Aisaya 30:15

Israel yaab Aadindaan Uwumbɔr u bi chain na le len waanib chee ke, “Gir ni man ki nan kii tii mi suuna, le ni ga kan mpɔɔn ni ŋŋmarm.” Le ni yii kaa ŋa kina.

Inandalahn 3:26

Kina pu na, ni ŋan ke ti di limɔr kiir u, aan u nan gaa timi lii.

Ikaal 1:30

Nidindaan Uwumbɔr ga loln ni pu nsan, ki jan ni pu, ke waah nan ŋa pu Ijipt aatiŋ ni, ni nteersakpiin ni, aan ni kan na.

Ikaal 20:4

Nidindaan Uwumbɔr le ga dii nimi buen butɔb ngbaan ni, le ki ti cha ni nyaŋ bi.’

Ikaal 3:22

Ni taa li san bi ijawaan, Nidindaan Uwumbɔr le ga jan tii nimi.’

Josua 10:10

Uwumbɔr nan cha Amor yaab aah kan Israel yaab na, le biwon jii. Le Israel yaab aajab nan ku bi Gibeonn yaab aatiŋ ni, le ki san dii bi kina ki ti nyan ŋijoo pu aasan mu cha Bef Horonn aatiŋ ni na, ki dii bi kina ŋŋangii wɔb ki ti saa Aseka ni Makeda.

Josua 10:14

Yaajayoonn ki nyan liyaadaal ngbaan, ki nan saa din wee na, nwiin mbaa aa ki bi ke liyaadaal ngbaan na, liyaadaal ngbaan le Uwumbɔr kii unibɔn aamɔboln. Uwumbɔr le nan si Israel yaab pu ki ton butɔb ngbaan tii bi.

Josua 10:42

Josua nan nyaŋ bibɔrb ngbaan mɔmɔk, ni baatim, waah nan ton butɔb dii nfum mbaa pu na, ba pu? Israel yaab Aadindaan Uwumbɔr le nan ton butɔb ngbaan tii Israel yaab.

Josua 23:10

Ni ponn ni unibaan ga ŋmaa nyaŋ binib lichur; ba pu? Nidindaan Uwumbɔr le nyaŋni bi tii nimi, ke waah nan puu pu na.

Josua 23:3

Ni mɔmɔk kan Nidindaan Uwumbɔr aah ŋa ŋitimbol ŋimina mɔmɔk pu na. Nimi pu le u ŋa kina. Nidindaan Uwumbɔr le jaa ni pu.

Bibɔjirb 5:20

Iŋmabi nan faa Sisera butɔb kitaapaak, yaah nan bɔ dii kitaapaak cha na, i ni Sisera nan faa tɔb butɔb.

1 Samuel 4:7

le ijawaan chuu bi, le bi bui ke, “Liwaal libaa le dan bi chee. Ti bi tibɔr ni. Tiwan nee aaboln aa kee ŋa kina.