Nnyam 13:7 - Uwumbɔr aagbaŋ

⁷ Iwiin ilole, ni taa ŋmɔ boroboro u kpa boroboro aanyɔk na; boroboro aanyɔk, bee boroboro u kpa nnyɔk na taa li bi ubaa do, nimi aatiŋ ni.

Nnyam 13:7 ပူးပေါင်းရင်းမြစ်များ

Nnyam 12:15

Uwumbɔr nan bui ke, “Iwiin ilole aakaasisik ni, ubaa taa ŋmɔ boroboro u kpa boroboro aanyɔk na, ni li ŋmɔ boroboro u kaa kpa nnyɔk na ŋmeen. Njan aawiin daal, see ni nyan boroboro aanyɔk mu bi nimi aadichal ponn ni na mɔmɔk; iwiin ilole ngbaan aasisik ni, ni ponn ni ubaa yaa ŋman boroboro u kpa boroboro aanyɔk na kan, maan ki yin u maanii.

Nnyam 12:19

Iwiin ilole ngbaan aakaasisik ni, ubaa taa li kpa boroboro aanyɔk udo lichiln ni, nimi ntimbim, bee uchaan, yaa ŋman boroboro u kpa boroboro aanyɔk na kan, waan ki li ye maanii kpala.”

Matiu 16:6

Le Yesu bui bi, “Ni li nyi man Farisii yaab ni Sajusii yaab aaboroboro aanyɔk bɔr.”

1 Korenti 5:8

Nima pu na, cha ti li ji Lakr‑jer aajim, ki ŋmɔ boroboro u kaa kpa nnyɔk na, ki di boroboro aanyɔkpok lii. Maah len pu na le ye ke ti li dak ilandak i ŋan na, ki li ŋani mbamɔm, ki di bakaa ni titunwanbir lii.

Ikaal 16:4

Iwiin ilole ngbaan aayoonn, nimi aatiŋ ni aanii ubaa taa li kpa boroboro aanyɔk udo. Tiwakor ti ni kɔr njan aawiin daal, kijook wɔb na, ni mɔmɔk ŋmɔ nimi aawakor aanann doo kinyeek ngbaan.

Josua 5:11

Naah woln kitaak na, liyaadaal le nan ye njan aawiin mu bi nan pue jin tijikaar ti nyan ni Kanaann aatiŋ ni na, bi nan pun njikaabim, le ki ŋa boroboro u kaa kpa boroboro aanyɔk na mu.