Nnyam 13:3 - Uwumbɔr aagbaŋ

³ Moses nan bui binib ngbaan ke, “Teer nwiin mue daal man, nwiin mundaal ni nyan Ijipt aatiŋ ni, nin chee ni nan ye binaagbiib na. Nwiin mue daal le Uwumbɔr di waapɔɔn nyan ni nimi. Ni taa ji boroboro u kpa boroboro aanyɔk na.

Nnyam 13:3 ပူးပေါင်းရင်းမြစ်များ

Mpiin 15:16

Yaabitiib ŋiker ŋinaa pu le ga jer, nee aapuwɔb le saamaal ga ki gir ni kitiŋ kee pu; ba pu? maan jenn nyan Amor yaab kitiŋ kee pu, see baatunwanbir ti nyaŋ, le m nin daa bitafal.”

1 Bibɔrb Aabɔr 16:12

Nimi waatutum Jakob aayaabitiib, nimi Israel aayaabitiib, bi Uwumbɔr lee bi na, teer Uwumbɔr aah tun lijinjiir aatun ŋi na, ni waah nan jin binib tibɔr pu na man.

Nehemia 1:10

“Uwumbɔr, binib bee ye saanaagbiib la, le ki ye sin aabaa aanib. Aa di saapɔɔn sakpiin gaa bi lii.

Nehemia 9:10

Aa nan tun iwaan aatun ki kiir Ijipt aabɔrkpaan, ni waaninkpiib, ni waanib bi bi kitiŋ ngbaan pu na, ba pu? aa nan nyi baah nan muk saanib pu na. Aa nan jin liyimbil li aa beenin kpa dandana wee na.

Ilahn 105:5

Nimi waatutunn Abraham aayaabitiib, nimi bi ye Jakob aayaabitiib bi u nyan bi na, teer Uwumbɔr aah tun lijinjiir aatun ŋi na, ni waah nan jin binib tibɔr pu na man.

Ilahn 114:1

Israel yaab aah nan nyan Ijipt aatiŋ ni na, bima Jakob aayaabitiib aah nan nyan kiwɔwɔtiŋ ngbaan ni buyoonn na,

Ilahn 136:11

U nan nyan Israel yaab Ijipt aatiŋ ni; waageehm aa kpa ndoon.

Ilahn 136:12

U nan di waaŋaal mu kpa mpɔɔn sakpen na le ŋa kina; waageehm aa kpa ndoon.

Ilahn 89:14

Saanaan si mbimbinyaan ni ibamɔn pu la; saatuln mɔmɔk ni kan, saageehm ni saah bi chob pu na nyani mpaan pu la.

Nnyam 12:15

Uwumbɔr nan bui ke, “Iwiin ilole aakaasisik ni, ubaa taa ŋmɔ boroboro u kpa boroboro aanyɔk na, ni li ŋmɔ boroboro u kaa kpa nnyɔk na ŋmeen. Njan aawiin daal, see ni nyan boroboro aanyɔk mu bi nimi aadichal ponn ni na mɔmɔk; iwiin ilole ngbaan aasisik ni, ni ponn ni ubaa yaa ŋman boroboro u kpa boroboro aanyɔk na kan, maan ki yin u maanii.

Nnyam 12:17

Ni li teer njim ngbaan aabɔr ki li joo mu, ba pu? nwiin ngbaan daal le m nyan nimi aanibol Ijipt aatiŋ ponn ni. N‑yoonn mu choo na, ni li teer njim ngbaan aawiin daal, ki li nyuŋni mu.

Nnyam 12:19

Iwiin ilole ngbaan aakaasisik ni, ubaa taa li kpa boroboro aanyɔk udo lichiln ni, nimi ntimbim, bee uchaan, yaa ŋman boroboro u kpa boroboro aanyɔk na kan, waan ki li ye maanii kpala.”

Nnyam 12:2

“Uŋmal wee le ga li ye njan aaŋmal libiln ni, ki tii nimi.

Nnyam 12:41

Nwiin mundaal ŋibin ikui inaa ni piitaa doo na, le Uwumbɔr aanibol aanib ngbaan nan nyan Ijipt aatiŋ ponn ni.

Nnyam 12:42

Kinyeek ngbaan le Uwumbɔr nan lik bi le ki nyan ni bi Ijipt aatiŋ ni. N‑yoonn mɔmɔk, kinyeek ngbaan daal yaa fuu ni kan, see Israel yaab nyuŋ Uwumbɔr kinyeek ngbaan, kaa geeni.

Nnyam 12:8

Kinyeek ngbaan le bi ga pu tinann ngbaan mɔmɔk, ki kpaan di ti ni tifar ti cho na, ni boroboro u kaa kpa boroboro aanyɔk na, ki ŋmɔ ni mɔmɔk ŋmal tɔb ni.

Nnyam 13:14

N‑yoonn mu choo na, saabijabo yaa baa si naatataa kan, aa bui u ke, ‘Uwumbɔr nan di waapɔɔn le nyan ni timi Ijipt aatiŋ ni, nin chee ti nan ye binaagbiib na.

Nnyam 13:9

Ni yaa ti ŋa kina kan, le ni ga teer nimi; ni ga li naahn ke naah di tiwan nibaa le gbin niŋaal pu, bee ni di tam niyigbeer na la, ni ga teer nimi, le ni ga li len ki bae Uwumbɔr aakaal, ba pu? Uwumbɔr le di waapɔɔn nyan ni nimi Ijipt aatiŋ ni.

Nnyam 20:2

“Min le ye Nidindaan Uwumbɔr u nyan ni nimi Ijipt aatiŋ ni, nin chee ni nan ye binaagbiib na.

Nnyam 20:8

“Ni li nyuŋni likpaakool daal aawiin, ke mu ye Maawiindaal la.

Nnyam 23:15

Uŋmal u bi yin u ke Abib na, uŋmal u ponn ni ni nan nyan Ijipt aatiŋ ni na, ni ji boroboro u kaa kpa boroboro aanyɔk na aajim, maah nan mɔk nimi ni li ji mu pu na. Ni taa ŋmɔ boroboro u kpa nnyɔk na njim ngbaan aawiin ilole ngbaan ponn ni. Ni yaa choo ni nan doon mi kan, ni li joo ni ipiin, ni taa choo ni iŋaalkuun.

Nnyam 3:20

M ga di maapɔɔn daa Ijipt yaab aatafal, ki ŋa ijawaan aawan baatiŋ ni. Nee aapuwɔb na u ga cha ni buen.

Nnyam 34:18

“Ni li ji boroboro u kaa kpa boroboro aanyɔk na aajim. N‑yoonn ngbaan kan, ni li ŋmɔ boroboro u kaa kpa nnyɔk na ki ti saa iwiin ilole, Abib aaŋmal ni, ba pu? uŋmal ngbaan ni, le ni nan nyan Ijipt aatiŋ ni.

Nnyam 6:1

Uwumbɔr nan bui Moses ke, “Dandana wee, aa ga kan maah ga ŋa ubɔr ngbaan pu na. M ga muk u aan u cha maanib ngbaan buen. Mbamɔn, m ga muk u pam, le uma ubaa ga bui binib ngbaan ke bi nya waatiŋ ponn ni.”

Nnyam 6:6

Nima pu na, tuk Israel yaab ke, ‘Min le ye Uwumbɔr. M ga gaa nimi lii, ki nyan nimi tinaagbiir ni, Ijipt yaab chee. M ga yoor maaŋaal mu kpa mpɔɔn na paacham, ki daa binib ngbaan aatafal, le ki ga gaa nimi lii.

Nnyam 6:7

M ga di nimi ŋa maanib, m ga li ye nimi Aawumbɔr. Ni ga bee ke m ye Nidindaan Uwumbɔr u gaa nimi lii, ki nyan nimi tinaagbiir ni, Ijipt yaab chee na.

Nnyam 7:4

Le m ga cha ntafadaan mu bir ki pɔɔ na lir Ijipt aatiŋ ni, le ki loln ŋinibol ŋi ye maanib na nsan ki nyan bi kitiŋ ngbaan ni.

Jeremia 34:13

u ye Israel yaab Aawumbɔr na, bui mi ke m tuk binib ngbaan ke: “Maah nan gaa niyaajatiib Ijipt yaab chee lii na, m nan puu tipuur tii bi.

Daniel 9:15

“Tidindaan Uwumbɔr, aa nan mɔk saapɔɔn buyoonn aa nan di saanib nyan ni Ijipt aatiŋ ni na, le bi beenin teer saapɔɔn bɔr. Ti tun titunwanbir, ki ŋa tiwan ni kaa ŋan na.

Matiu 10:12

Ni yaa koo lidichal libaa ni kan, ni doon bi ki bui bi ke Uwumbɔr aanyoor bi bi pu.

Tibɔnyaan ti Luk ŋmee ti na 22:19

Le u yoor boroboro, le ki doon Uwumbɔr, ki gii, ki di tii waadidiliib ki bui bi, “Maawon le na. Nimi aatunwanbir pu le m tii tiwon tee. Ni li ŋmɔ kina aan ki li teer mbɔr.”

1 Korenti 11:24

le ki doon Uwumbɔr, le ki gii, ki bui bi, “[Gaa man ki ŋmɔ.] Nwon le na. Nimi aatunwanbir pu, le m tii tiwon tee. Ni li ŋmɔ kina aan ki li teer mbɔr.”

1 Korenti 5:8

Nima pu na, cha ti li ji Lakr‑jer aajim, ki ŋmɔ boroboro u kaa kpa nnyɔk na, ki di boroboro aanyɔkpok lii. Maah len pu na le ye ke ti li dak ilandak i ŋan na, ki li ŋani mbamɔm, ki di bakaa ni titunwanbir lii.

Efesusi 1:19

ki bee ke u kpa mpɔɔn sakpen ki ti nyaŋ, ki tii timi bi gaa u ki kii na. Mpɔɔn ngbaan le ye mpɔɔn sakpiin

Ikaal 13:10

Ni mae ŋitakpal ku u, ba pu? u ban u ŋmann nimi aan ni yii Nidindaan Uwumbɔr u nyan ni nimi Ijipt aatiŋ ni, ki nyan nimi tinaagbiir ni na la.

Ikaal 13:11

Israel yaab mɔmɔk yaa ŋun naah ku u pu na kan, bi ga san ijawaan, le ubaa aan ki ŋa titunwanbir ngbaan aaboln.

Ikaal 13:5

Tɔ, ubɔnabr ngbaan, bee unii u nyi tidaŋ aatataa na yaa bui nimi ke ni yii Uwumbɔr u nan nyan ni nimi Ijipt yaab aatiŋ ni, nin chee ni nan ye binaagbiib na kan, ni ku u. Unii ngbaan aaboln ye mbiindaan la, le ki pɔɔni ubaa ke u nyan nimi Uwumbɔr aasan mu u tuk nimi ke ni li dii mu na ni. Ni ku udaan ngbaan, nima kan, ni ga gaa nibaa titunwanbir chee lii.

Ikaal 13:6

“Hali ni yaa ye aana aabo, bee aajapɔɔn, bee aabisal, bee aapuu u aa gee sakpen na, bee aajɔ u aa ni u aan ŋmaa yakr tɔb chee na, le yaa loon bui si ke ni li dooni ŋiwaa kan, aa taa kii tii u. Aa ni aayaajatiib aa kee dii ŋiwaa ngbaan.

Ikaal 15:15

Teer ke ni mu nan ye binaagbiib le Ijipt aatiŋ ni, le Nidindaan Uwumbɔr gaa nimi lii, nima pu le m joo nkaal ngbaan tuk ni mu.

Ikaal 16:1

“Ni nyuŋ Nidindaan Uwumbɔr, ki li ji Lakr‑jer Aajim, Abib aaŋmal ni; uŋmal ngbaan ni aanyeek kibaa, le u nan nyan nimi Ijipt aatiŋ ni.

Ikaal 16:12

Ni pɔɔn nibaa ki li joo nkaal ngbaan mbamɔm, ki taa suln ke ni mu nan ye binaagbiib le Ijipt aatiŋ ni.

Ikaal 16:3

Ni yaa ban ni ji tijikaar ngbaan kan, ni taa ŋmɔ boroboro u kpa boroboro aanyɔk na. N‑yoonn ngbaan kan, ni taa ŋmɔ boroboro u kpa boroboro aanyɔk na ki ti saa iwiin ilole, ke naah nan ban ni nya Ijipt aatiŋ ni woween ki ŋman pu na. Ni li ŋmɔ boroboro ngbaan aaboln; ni ga li yin u ke falaa aaboroboro la. Ni li teer nwiin mundaal ni nan nyan Ijipt aatiŋ ki ti nan jin falaa ki ponn ni na, n‑yoonn mɔmɔk.

Ikaal 24:18

Ni teer ke ni mu nan ye binaagbiib le Ijipt aatiŋ ni, le Nidindaan Uwumbɔr gaa nimi lii, nima pu le m di nkaal ngbaan tii nimi.

Ikaal 24:22

Ni taa suln ke ni mu nan ye binaagbiib le Ijipt aatiŋ ni, nima pu le m di nkaal ngbaan tuk nimi.

Ikaal 26:8

Le u di waapɔɔnsakpiin na nyan timi Ijipt yaab aaŋaal ni. U nan cha iwaan ni lijinjiir aawan ŋa, le ki cha ijawaan aawan ŋa nima chee.

Ikaal 4:34

Liwaal libaa kee buen litimbol yayan ni, ki ti nyan ni binib, ki di bi ŋa laanib, ke Nidindaan Uwumbɔr aah ŋa nimi pu Ijipt aatiŋ ni pu na aa? Ninimbil ni, le u nan di waapɔɔn sakpiin tun, ki joo ni iween, ni butɔb, ki ŋa iwaan, ni lijinjiir aatun, ki cha ijawaan aawan ŋa.

Ikaal 5:15

Teer man ke ni mu nan ye binaagbiib le Ijipt aatiŋ ni, le min, Nidindaan Uwumbɔr di maapɔɔn sakpiin na nyan ni nimi. Nima pu le m bui nimi ke ni li joo Likpaakool daal mbamɔm.

Ikaal 5:6

‘Min le ye Nidindaan Uwumbɔr u nyan ni nimi Ijipt aatiŋ ni, nin chee ni nan ye binaagbiib na.

Ikaal 6:12

ni li nyi ki taa suln Uwumbɔr u nyan nimi Ijipt yaab aaŋaal ni na, nin chee ni nan ye binaagbiib na, aabɔr.

Ikaal 6:21

ni tuk bi ke, ‘Ti nan ye binaagbiib le ki bi Ijipt aabɔr aaŋaal ni, le Uwumbɔr di waapɔɔn sakpiin na nyan ni timi.

Ikaal 7:8

Uwumbɔr tee gee nimi, le ki ban ke u li joo tipuur ti u nan puu tii niyaajatiib na. Nima pu le u di waapɔɔn sakpiin na nyan nimi tinaagbiir ni, ki gaa nimi lii Ijipt yaab aabɔr chee.

Ikaal 8:14

ni li nyi ki taa li kpa kigaak, aan ki suln Nidindaan Uwumbɔr u nan nyan ni nimi Ijipt aatiŋ ni, nin chee ni nan ye binaagbiib na bɔr.

Ikaal 9:12

“Le Uwumbɔr bui mi ke, ‘Ŋa mala ki sunn lijool taab; saanib bi aa nyan ni bi Ijipt aatiŋ ni na yii mi, ki tun titunwanbir. Bi kpaan fenn ki cha maah tuk bi ke bi ŋa pu na, le ki ŋa liwaal tii bibaa.’

Josua 24:17

Tidindaan Uwumbɔr le nan nyan ni titetiib, ni timi, Ijipt yaab aanaagbiir ni, le ti kan lijinjiir aatun ŋi u tun na. Taah nan bi nin chee na mɔmɔk, uma le nan biin ti pu, le ŋinibol ŋimɔk ti koo bi ni na ubaa aa nan ŋa timi nibaa.

Bibɔjirb 2:12

Baa nan ki dooni Uwumbɔr u ye biyaajatiib Aadindaan ki nan nyan ni bi Ijipt aatiŋ ni na, le ki tee piin ki dooni binib bi koo gbɔk bi na aawaa. Bi nan gbaani ŋinimbiin ni, le ki fiin Uwumbɔr aaŋuul.

Bibɔjirb 6:8

le u di waabɔnabr u nan joo ni inaŋ imina na tii ni bi. Inaŋ ngbaan sɔ: “Min u ye nimi Israel yaab Aadindaan Uwumbɔr na le nan nyan ni nimi tinaagbiir ni, Ijipt aatiŋ ni.