Nnyam 13:21 - Uwumbɔr aagbaŋ

²¹ Nwiin pu kan, Uwumbɔr nan bi ntaalangbam ni, le ki loln binib ngbaan pu nsan, le kinyeek kan, u bi mmii ni, ki wiin bi pu, nima kan, bi ga ŋmaa li chuun nwiin pu ni kinyeek.

Nnyam 13:21 ပူးပေါင်းရင်းမြစ်များ

Nehemia 9:12

Aa nan cha ntaalangbam loln saanib pu nsan nwiin pu, ki cha mmii wiihn ki loln bi pu nsan kinyeek.

Nehemia 9:19

Le saa nan san cha bi nteersakpiin ngbaan ni, ba pu? saanimbaasaln wiir sakpen. Saa nan cha ntaalangbam mu nan mɔk bi nsan nwiin pu, ni mmii mu nan mɔk bi nsan kinyeek na siir cha bi.

Ilahn 105:39

Uwumbɔr nan di ntaalangbam le biin waanib pu, ki tii bi mmii kinyeek ke mu tii bi nwiihn.

Ilahn 68:7

Uwumbɔr, saah nan cheen saanib buyoonn, ki nan di bi bɔ dii nteersakpiin ni na,

Ilahn 77:20

Aa loln saanib pu nsan ke upihdaan na, ki cha Moses ni Aaronn joo bi.

Ilahn 78:14

Nwiin pu kan, u nan loln bi pu nsan, ntaalangbam ponn ni la, le ki ye mmii ki wiin ki loln bi pu nsan kinyeek, ni kitaak aah ga ti woln pu na.

Ilahn 99:7

U nan bi ntaalangbam ni le ki len bi chee tibɔr; bi nan kii waakaal, ni waah bui bi pu na.

Nnyam 10:10

Le ubɔr ngbaan bui ke, “M puu Uwumbɔr ke maan cha ni di nimi aapiib ni mbim buen. Ni mɔk ke ni ban tibɔr la.

Nnyam 16:10

Aaronn aah bui bi kina na, le bi mɔmɔk fenn binimbil toŋ nteersakpiin wɔb, le libuul ngbaan ni Uwumbɔr aajinjiir aawiihn na nyan bi chee ntaalangbam ni.

Nnyam 32:1

N‑yoonn mu binib ngbaan nan bee ke Moses yunn lijool ngbaan paab, kaa sunn ni, ki bi nima chee na, le bi kuun ni ki mann goln Aaronn, le ki bui u ke, “Taa nyi tiwan ni ŋa Moses u nan nyan ni timi Ijipt aatiŋ ni na aan waa gir ni na, nima pu na, ŋa liwaal tii timi, ti li dii li.”

Solomonn Aalahn 3:6

Ni ye ba ki nyan ni nteersakpiin wɔb ki naahn iŋmanyuu sakpiin, ki kpa tulalee ni mir aatulalee aabaan, ke tulalee u biwantiirb kooh u na?

Nkahm 10:34

Baah nan chuun cha ki ti kaa nimɔk na, Uwumbɔr aataalangbam le nan bii bi pu, nwiin pu.

Nkahm 14:14

bi ga tuk binib bi bi kitiŋ ngbaan pu na. Binib ngbaan ŋun saah bi ti chee pu na, ki kpiir saanaŋ mɔk timi ntaalangbam mu bii ti pu na ni, le nwiin pu kan, aa bi ntaalangbam ni le ki loln ti pu nsan, le kinyeek kan, ntaalangbam ngbaan ye mmii ki wiin ti pu.

Ikaal 1:33

Hali, waah lolni ni pu nsan ki ti ban nkakaayaan tii nimi pu na, naa ban ni ŋun tii u. Waah nan ban u mɔk nimi nsan na, kinyeek kan, u nan bi mmii ni ki wiin, le nwiin pu kan, u nan bi ntaalangbam ni ki loln ni pu nsan.

Ikaal 31:8

Uwumbɔr ubaa le ga loln aa pu nsan ki li bi aa chee. Waan jinn si inimɔɔn, ki mu aan di si lii aabaa, nima pu na, aa taa cha aataakpab yɔl, ki taa san ijawaan.”