Nnyam 13:19 - Uwumbɔr aagbaŋ

¹⁹ Moses nan cha bi yoor Josef aakpab ki di buen; ba pu? Josef aah nan ban u kpo na, u nan cha Israel yaab puu tipuur kina. Josef nan bui ke, “N‑yoonn mu Uwumbɔr nan gaa nimi lii aan ni ban ni nya na kan, ni yoor maakpab nya do ki di buen.”

Nnyam 13:19 ပူးပေါင်းရင်းမြစ်များ

Mpiin 48:21

Le Jakob bui Josef ke, “Aa kan aa? Naan ki yunn m ga kpo; Uwumbɔr mu le ga li bi ni chee ki giin nimi buen niyaajatiib aatiŋ ni.

Nnyam 4:31

Bi nan gaa kii, le baah ŋun ke Uwumbɔr dan bi chee ki nan kan baah muk bi ki ŋani bi falaa pu na, le bi gbaan kitiŋ ki doon u.

Tibɔnyaan ti Luk ŋmee ti na 1:58

Le udoyaab ŋun ke Uwumbɔr san u kinimbaak sakpen. Le u ni bi kpaan ki mɔɔni.

Tibɔnyaan ti Luk ŋmee ti na 7:16

Le ijawaan chuu bi mɔmɔk. Le bi nyuŋni Uwumbɔr, ki bui ke, “Uwumbɔr aabɔnabr kpaan bi tikaasisik ni. Uwumbɔr dan u nan ter waanib la.”

Lituln 7:15

Le bi mɔmɔk buen u chee Ijipt aatiŋ ni, ki nan bi nima kina ki ti kpo.

Lituln 7:16

Baah kpo na, le bi yoor bi ki di dan Sekem aatiŋ ki bi do chee na ni, ki ti di bi sub. Bi nan sub bi nfal mu Abraham nan di ŋimombil daa Hamor yaab chee na ponn ni la.

Hiibru Yaab 11:22

Josef nan gaa Uwumbɔr ki kii, nima le waah nan ban u kpo na, u len ke Israel yaab ga nya Ijipt aatiŋ ponn ni, ki tuk bi ke bi yaa nan nyan kan, bi yoor waawon di buen.

Josua 24:32

Josef aah nan kpo Ijipt aatiŋ ni, aan Israel yaab joo ni waakpab i na, bi nan di i sub Sekem aatiŋ ni, kitiŋ ki Jakob nan daa Hamor aajapɔtiib chee na. Hamor nan ye Sekem aate la. Jakob nan daa kitiŋ ngbaan tikunabr aamombil nkub la. Josef aayaabitiib le nan jin ki lifaal.