Nnyam 13:17 - Uwumbɔr aagbaŋ

¹⁷ N‑yoonn mu Ijipt aabɔr ngbaan nan tii nsan ke binib ngbaan nya ki li cha na, Uwumbɔr aa nan cha bi dii Filistia aasan, nsan ngbaan mu le nan geei kaa daa. Uwumbɔr nan dakl ke, “Maa ban binib ngbaan kpeln baalandak ki gir buen Ijipt aatiŋ ni buyoonn bi kan ke bi ga to butɔb nsan ni na.”

Nnyam 13:17 ပူးပေါင်းရင်းမြစ်များ

1 Bibɔrb 8:47

pel saanib aameel. Uwumbɔr, bi yaa bi kitiŋ ngbaan ni, ki yaa kpeln baabimbin ki mee si, ki kpiir baah ye titunwanbirdam, ni bibiindam sakpen pu na kan, ŋun baameel.

Nehemia 9:17

Bi nan yii, kaa kii tii si; bi nan suln saah ŋa tiwan nimɔk na; bi nan suln saah ŋa iwaan aawan nimɔk na. Baanimpoo ni, bi nan nyan uyidaan ubaa ke u di bi giin tinaagbiir ponn ni, Ijipt aatiŋ ni. Le aa ye Uwumbɔr u joo cha pinni titunwanbir na; aa ŋan ti nyaŋ, ki gee binib, le saaŋuul aa fii mala mala. Saanimbaasaln aah nyaŋ sakpen pu na, le saa nan yii bi.

Nnyam 14:10

N‑yoonn mu Israel yaab kan ubɔr ngbaan ni waajab paa ni bi pu na, le ijawaan chuu bi, le bi wii yin Uwumbɔr ke u ter bi,

Lituln 15:38

Le Pɔɔl aa kii; ba pu? baah nan bi Pamfilia aatiŋ ni na, Jɔnn Mak nan labr kun ki cha bi, kaa ki ter bi lituln na ponn ni. Nima pu na, Pɔɔl aa nan kii ke u ki dii bi.

Lituln 7:39

“Le tiyaajatiib aa gee ke bi kii waamɔb. Bi yii u, ki ban ke bi ki labr buen Ijipt aatiŋ ni,

Ikaal 17:16

Ubɔr ngbaan taa li kpa itaan sakpen ki di tii waajab, u mu taa cha bi buen Ijipt aatiŋ ni, ke u ti daa itaan; ba pu? Uwumbɔr bui ke waanib ponn ni ubaa taa ki gir buen kitiŋ ngbaan ni.

Ikaal 20:8

“Biyidam ga ki baa bijab ngbaan ke, ‘Ŋma bi do, upobil yuk aan ijawaan chuu u? Kina aanii yaa ŋmal ni ponn ni kan, u li chaa kun. Nibaakan, u ga cha biken mu aapobil yuk, le ijawaan ga chuu bi.’

Ikaal 28:68

Uwumbɔr ga cha iŋɔsakpiin giin nimi buen Ijipt aatiŋ ni, nin chee u nan puu ke waan cha ni ki gir buen na. Nima chee le ni ga ti pɔɔn nibaa ke ni di nibaa kooh tii nimi aadim aan ki li ye baanaagbiib, le ubaa mu aan li ban ke u daa nimi.”

Hiibru Yaab 11:27

Waah nan gaa Uwumbɔr ki kii pu na le u nan nyan Ijipt aatiŋ ni, kaa san ubɔr na aah gee liŋuul pu na. Ni naahn ke u waa Uwumbɔr u unibɔn aanimbil aan ŋmaa kan u na la. Nima le u nan kpa limɔr le ki sil mbamɔm.

Bibɔjirb 7:3

Moon ki tuk binib ngbaan ke, ‘Unii umɔk san ijawaan na gir kun, ki cha timi gaar Gilead Aajool pu do.’” Kina pu na, bijab ŋichur moninko ni ŋilee le nan gir kun, le ŋichur kipiik ma gaar.