Nnyam 13:16 - Uwumbɔr aagbaŋ

¹⁶ Ti ŋani kina le ki teer, le ni naahn ke taah di tiwan nibaa le gbin tiŋaal, bee ti di tam tiyigbeer na; ni cha ti teer ke Uwumbɔr le di waapɔɔn sakpiin na nyan ni timi Ijipt aatiŋ ni.’”

Nnyam 13:16 ပူးပေါင်းရင်းမြစ်များ

Nehemia 1:10

“Uwumbɔr, binib bee ye saanaagbiib la, le ki ye sin aabaa aanib. Aa di saapɔɔn sakpiin gaa bi lii.

Ilahn 136:11

U nan nyan Israel yaab Ijipt aatiŋ ni; waageehm aa kpa ndoon.

Nnyam 12:13

Nsin mu ni di boon ibisamɔi na le ga li ye limɔkl ke nimi Israel yaab aadichal le na. N‑yoonn mu m kan nsin ngbaan na kan, m ga lakr jer ni pu, kaan kpaan ni ni Ijipt yaab ki daa ni mu aatafal.

Nnyam 12:41

Nwiin mundaal ŋibin ikui inaa ni piitaa doo na, le Uwumbɔr aanibol aanib ngbaan nan nyan Ijipt aatiŋ ponn ni.

Nnyam 13:14

N‑yoonn mu choo na, saabijabo yaa baa si naatataa kan, aa bui u ke, ‘Uwumbɔr nan di waapɔɔn le nyan ni timi Ijipt aatiŋ ni, nin chee ti nan ye binaagbiib na.

Nnyam 13:9

Ni yaa ti ŋa kina kan, le ni ga teer nimi; ni ga li naahn ke naah di tiwan nibaa le gbin niŋaal pu, bee ni di tam niyigbeer na la, ni ga teer nimi, le ni ga li len ki bae Uwumbɔr aakaal, ba pu? Uwumbɔr le di waapɔɔn nyan ni nimi Ijipt aatiŋ ni.

Nnyam 6:1

Uwumbɔr nan bui Moses ke, “Dandana wee, aa ga kan maah ga ŋa ubɔr ngbaan pu na. M ga muk u aan u cha maanib ngbaan buen. Mbamɔn, m ga muk u pam, le uma ubaa ga bui binib ngbaan ke bi nya waatiŋ ponn ni.”

Nnyam 6:6

Nima pu na, tuk Israel yaab ke, ‘Min le ye Uwumbɔr. M ga gaa nimi lii, ki nyan nimi tinaagbiir ni, Ijipt yaab chee. M ga yoor maaŋaal mu kpa mpɔɔn na paacham, ki daa binib ngbaan aatafal, le ki ga gaa nimi lii.

Ŋiyataŋak 6:21

Li joo baabɔr n‑yoonn mɔmɔk, ki di ti laŋ ŋa aapobil ni.

Daniel 9:15

“Tidindaan Uwumbɔr, aa nan mɔk saapɔɔn buyoonn aa nan di saanib nyan ni Ijipt aatiŋ ni na, le bi beenin teer saapɔɔn bɔr. Ti tun titunwanbir, ki ŋa tiwan ni kaa ŋan na.

Matiu 23:5

Baah tun pu na mɔmɔk, bi ban ke binib kan aan ki pak bi. Bi di Uwumbɔr aabɔr tam biyigbeer pu, ki ŋa baabɔkur aamɔgbeln ni fɔk, ke binib kan aan ki pak bi.

Lituln 13:17

Timi Israel yaab Aawumbɔr nan nyan tiyaajatiib. Bi nan ye bicham le Ijipt aatiŋ ni. Baah bi nima na, le Uwumbɔr ter bi, ki cha bi pɔr. Le Uwumbɔr nyan bi Ijipt aatiŋ ni, ki mɔk Ijipt aatiŋ aanib waapɔɔn sakpiin.

Ikaal 11:18

“Ni teer ikaal ngbaan aabɔr, aan ki li joo i mbamɔm. Ni ŋmee i ki di gbin niŋaal pu, ki di buu tam niyigbeer mu pu, aan ki li teer ibɔr.

Ikaal 26:8

Le u di waapɔɔnsakpiin na nyan timi Ijipt yaab aaŋaal ni. U nan cha iwaan ni lijinjiir aawan ŋa, le ki cha ijawaan aawan ŋa nima chee.

Ikaal 5:15

Teer man ke ni mu nan ye binaagbiib le Ijipt aatiŋ ni, le min, Nidindaan Uwumbɔr di maapɔɔn sakpiin na nyan ni nimi. Nima pu le m bui nimi ke ni li joo Likpaakool daal mbamɔm.

Ikaal 6:21

ni tuk bi ke, ‘Ti nan ye binaagbiib le ki bi Ijipt aabɔr aaŋaal ni, le Uwumbɔr di waapɔɔn sakpiin na nyan ni timi.

Bibɔjirb 2:12

Baa nan ki dooni Uwumbɔr u ye biyaajatiib Aadindaan ki nan nyan ni bi Ijipt aatiŋ ni na, le ki tee piin ki dooni binib bi koo gbɔk bi na aawaa. Bi nan gbaani ŋinimbiin ni, le ki fiin Uwumbɔr aaŋuul.