Nnyam 13:14 - Uwumbɔr aagbaŋ

¹⁴ N‑yoonn mu choo na, saabijabo yaa baa si naatataa kan, aa bui u ke, ‘Uwumbɔr nan di waapɔɔn le nyan ni timi Ijipt aatiŋ ni, nin chee ti nan ye binaagbiib na.

Nnyam 13:14 ပူးပေါင်းရင်းမြစ်များ

Mpiin 30:33

Ni yaa bi cha kan, aa lik ke m ye unibamɔnn aan maa ye. Buyoonn aa ga nan lik i na, aa yaa kan ipiih i kaa kpa mbɔm, bee iŋoob i kaa kpa mpem ni mbɔm na i ponn ni kan, aa bee ke m sun i la.”

1 Bibɔrb Aabɔr 16:12

Nimi waatutum Jakob aayaabitiib, nimi Israel aayaabitiib, bi Uwumbɔr lee bi na, teer Uwumbɔr aah tun lijinjiir aatun ŋi na, ni waah nan jin binib tibɔr pu na man.

Nehemia 1:10

“Uwumbɔr, binib bee ye saanaagbiib la, le ki ye sin aabaa aanib. Aa di saapɔɔn sakpiin gaa bi lii.

Ilahn 136:11

U nan nyan Israel yaab Ijipt aatiŋ ni; waageehm aa kpa ndoon.

Ilahn 145:4

Uwumbɔr, bi ga li pak saah tun pu na ki nya binib bibaa aayoonn ki ti saa biken aayoonn; bi ga moon saah tun ŋitukpaan ŋi na aabɔr.

Ilahn 78:4

Ti ga cha timi aabilb li nyi ti. Ti ga bui tiyaabitiib Uwumbɔr aah kpa mpɔɔn ki tun liyimbil aatun ŋi na, ni iwaan aatun ŋi u tun na.

Nnyam 10:2

le ni mu ga ŋmaa tuk nimi aabim, ni niyaabitiib, maah tun lijinjiir aatuln, ki cha Ijipt yaab kpaln bijɔrb pu na. Ni mɔmɔk ga bee ke min le ye Uwumbɔr.”

Nnyam 12:41

Nwiin mundaal ŋibin ikui inaa ni piitaa doo na, le Uwumbɔr aanibol aanib ngbaan nan nyan Ijipt aatiŋ ponn ni.

Nnyam 13:3

Moses nan bui binib ngbaan ke, “Teer nwiin mue daal man, nwiin mundaal ni nyan Ijipt aatiŋ ni, nin chee ni nan ye binaagbiib na. Nwiin mue daal le Uwumbɔr di waapɔɔn nyan ni nimi. Ni taa ji boroboro u kpa boroboro aanyɔk na.

Nnyam 13:8

Ni yaa piin Lakr‑jer aajim ngbaan kan, ni kpiir tuk nimi aabijabim ke ti ŋani kina ki teer Uwumbɔr aah nan ŋa pu tii timi, buyoonn ti nan nyan Ijipt aatiŋ ni na la.

Nnyam 13:9

Ni yaa ti ŋa kina kan, le ni ga teer nimi; ni ga li naahn ke naah di tiwan nibaa le gbin niŋaal pu, bee ni di tam niyigbeer na la, ni ga teer nimi, le ni ga li len ki bae Uwumbɔr aakaal, ba pu? Uwumbɔr le di waapɔɔn nyan ni nimi Ijipt aatiŋ ni.

Nnyam 20:2

“Min le ye Nidindaan Uwumbɔr u nyan ni nimi Ijipt aatiŋ ni, nin chee ni nan ye binaagbiib na.

Nnyam 6:1

Uwumbɔr nan bui Moses ke, “Dandana wee, aa ga kan maah ga ŋa ubɔr ngbaan pu na. M ga muk u aan u cha maanib ngbaan buen. Mbamɔn, m ga muk u pam, le uma ubaa ga bui binib ngbaan ke bi nya waatiŋ ponn ni.”

Nnyam 6:6

Nima pu na, tuk Israel yaab ke, ‘Min le ye Uwumbɔr. M ga gaa nimi lii, ki nyan nimi tinaagbiir ni, Ijipt yaab chee. M ga yoor maaŋaal mu kpa mpɔɔn na paacham, ki daa binib ngbaan aatafal, le ki ga gaa nimi lii.

Nnyam 6:7

M ga di nimi ŋa maanib, m ga li ye nimi Aawumbɔr. Ni ga bee ke m ye Nidindaan Uwumbɔr u gaa nimi lii, ki nyan nimi tinaagbiir ni, Ijipt yaab chee na.

Jeremia 34:13

u ye Israel yaab Aawumbɔr na, bui mi ke m tuk binib ngbaan ke: “Maah nan gaa niyaajatiib Ijipt yaab chee lii na, m nan puu tipuur tii bi.

Daniel 9:15

“Tidindaan Uwumbɔr, aa nan mɔk saapɔɔn buyoonn aa nan di saanib nyan ni Ijipt aatiŋ ni na, le bi beenin teer saapɔɔn bɔr. Ti tun titunwanbir, ki ŋa tiwan ni kaa ŋan na.

Lituln 13:17

Timi Israel yaab Aawumbɔr nan nyan tiyaajatiib. Bi nan ye bicham le Ijipt aatiŋ ni. Baah bi nima na, le Uwumbɔr ter bi, ki cha bi pɔr. Le Uwumbɔr nyan bi Ijipt aatiŋ ni, ki mɔk Ijipt aatiŋ aanib waapɔɔn sakpiin.

Ikaal 5:15

Teer man ke ni mu nan ye binaagbiib le Ijipt aatiŋ ni, le min, Nidindaan Uwumbɔr di maapɔɔn sakpiin na nyan ni nimi. Nima pu le m bui nimi ke ni li joo Likpaakool daal mbamɔm.

Ikaal 5:6

‘Min le ye Nidindaan Uwumbɔr u nyan ni nimi Ijipt aatiŋ ni, nin chee ni nan ye binaagbiib na.

Ikaal 6:12

ni li nyi ki taa suln Uwumbɔr u nyan nimi Ijipt yaab aaŋaal ni na, nin chee ni nan ye binaagbiib na, aabɔr.

Josua 22:24

Aayii. Tiwan ni cha ti ŋa kina na le ye ke ti san ijawaan ke n‑yoonn mu choo na, niyaabitiib ga nan bui timi yaab ke, ‘Nimi aa ye Israel yaab Aadindaan Uwumbɔr aanib, ba ŋa ni dii u?

Josua 24:17

Tidindaan Uwumbɔr le nan nyan ni titetiib, ni timi, Ijipt yaab aanaagbiir ni, le ti kan lijinjiir aatun ŋi u tun na. Taah nan bi nin chee na mɔmɔk, uma le nan biin ti pu, le ŋinibol ŋimɔk ti koo bi ni na ubaa aa nan ŋa timi nibaa.

Josua 4:6

N‑yoonn mɔmɔk, ŋitakpal ŋee le ga li teer binib ngbaan, Uwumbɔr aah ŋa pu na. N‑yoonn mu choo na, nimi aabim yaa nan baa nimi ŋitakpal ngbaan aatataa kan,

Bibɔjirb 2:12

Baa nan ki dooni Uwumbɔr u ye biyaajatiib Aadindaan ki nan nyan ni bi Ijipt aatiŋ ni na, le ki tee piin ki dooni binib bi koo gbɔk bi na aawaa. Bi nan gbaani ŋinimbiin ni, le ki fiin Uwumbɔr aaŋuul.

Bibɔjirb 6:8

le u di waabɔnabr u nan joo ni inaŋ imina na tii ni bi. Inaŋ ngbaan sɔ: “Min u ye nimi Israel yaab Aadindaan Uwumbɔr na le nan nyan ni nimi tinaagbiir ni, Ijipt aatiŋ ni.