Nnyam 13:12 - Uwumbɔr aagbaŋ

¹² see ni di njan aabijabo mɔk ki di tii Uwumbɔr. Le tiwakor mu aajan aabo ni ye uja na mu ye Uwumbɔr yaan la,

Nnyam 13:12 ပူးပေါင်းရင်းမြစ်များ

Nehemia 10:36

Ti ga di taah puen ma njan aabijabo umɔk na buen Uwumbɔr Aadichal ponn ni, bitotoorb chee, aan bi di u tii Uwumbɔr, Nkaal aah mɔk pu na. Ti ga ki di timi aanaa aah puen ma unaabo u na; ni timi aapiih, ni timi aaŋoob aah puen ma ipihbi ni iŋobi i na mu tii Uwumbɔr, Nkaal aah mɔk pu na.

Nehemia 10:37

Libiln mɔk ponn ni kan, ti ga di taah puen chee njikaabim mu na aayon, ni ŋisubil aadaan, ni olif aakpan, ni ŋisubil mɔmɔk aapiin buen bitotoorb chee Uwumbɔr Aadichal ponn ni aan bi di tii Uwumbɔr, Nkaal aah mɔk pu na. Ti ga di ni ye Uwumbɔr yaan ki nyan ni timi aasar mu ponn ni na ki di tii Liifai yaab bi gaal kina aawan itingbaan ponn ni na.

Nnyam 13:1

Uwumbɔr nan bui Moses ke,

Nnyam 13:2

“Ni di njan aabijabim tii mi; Israel yaab aah ma njan aabijabim bi na, ni baawakor aajan aabim mɔmɔk ye min yaan la.”

Nnyam 22:28

“Ni taa len Uwumbɔr tibɔbir, ki taa puun lii nimi aaninkpel ubaa pu.

Nnyam 22:29

“Ni li tii mi ipiin i nyan ni nimi aajikaabim, ni ŋisubil aadaan, ni olif aakpan, ni mɔmɔk aayoonn. “Ni di nimi aajan aabijabim mɔmɔk tii mi.

Nnyam 34:19

“Israel yaab aah ma njan aabijabim bi na, ni baawakor aajan aabim mɔmɔk ye min yaan la,

Nnyam 34:20

tɔ, see ni ki gir di upihjabo kpeln ibon aajan aabim m chee. Ni yaa kaan kpeln kan, ni nyii koo usil. Nimi aabijabim ma kan, see ni ki gir daa bi m chee. “Unii umɔk choo nnimbiin ni ke u nan doon mi na kan, u li joo ni ipiin.

Esekiel 16:20

“Le aa di aajapɔtiib ni aabisatiib bi aa nan ma tii mi na toor kitork tii ŋiwaa. Nimina aa ye tibɔbir sakpen ke aa yii maah tuk si pu na,

Esekiel 44:30

Bitotoorb le yeh njan aajikaar nyaan ti bi puen chee na, ni tiwan ni mɔmɔk bi di toor kitork tii mi na. N‑yoonn mu mɔmɔk Israel aanib puen ŋa boroboro na, bi di njan aaboroboro kpiln tii bitotoorb, aan ni li ye ipiin ki tii mi. Nima kan, maanyoor ga li bi baadichal pu.

Liifai Yaab 27:26

Uwumbɔr le yeh kiwakork mɔk aajan aabo, nima pu na, ni taa ki di ni tii u, nimi aageehn aapiin. Ni yaa ye unaabo, bee upihbo, bee uŋobo kan, ni mɔmɔk ye Uwumbɔr yaan la.

Nkahm 18:15

“Njan aabo, ni tiwakor aajan aabo bi di tii mi na, mu ye sin yaan la. Tɔ, ni gaa tipar, njan aabim ni tiwakor ti kaa bi chain na pu.

Nkahm 3:12

“Min le nyan Liifai yaab ke bi li gur ye maanib. N‑yoonn mu m nan ku Ijipt yaab aajan aabim mɔmɔk na, m nan di cha nimi Israel yaab aamaal mɔmɔk ponn ni ubijabopol, ni nimi aawakor mɔmɔk ponn ni aajan aabo, ke ni li ye min yaan la. Dandana wee, maah ba ga li joo nimi Israel yaab aajan aabim bi li ye min yaab pu na, m nyan Liifai yaab ke bi li ye min yaab. Min le ye Uwumbɔr.”

Nkahm 8:17

N‑yoonn mu m nan ku njan aabim mɔmɔk Ijipt aatiŋ ni na, m nan nyan Israel yaab aajan aabijabim, ni baawakor aajan aabim, ni li ye maawan la.

Tibɔnyaan ti Luk ŋmee ti na 2:23

Ni ŋmee Uwumbɔr aakaal aagbaŋ ni ke bi di njan aabijabo mɔk ki di tii Uwumbɔr.

Ikaal 15:19

“Ni pɔɔn nibaa ki nyan nimi aanaa ni ipiih ni iŋoob aajan aabim nibaa; ni taa di inaa ngbaan tun lituln libaa, ki taa chee ipiih ngbaan aakor mu.