Nnyam 12:43 - Uwumbɔr aagbaŋ

⁴³ Uwumbɔr nan bui Moses ni Aaronn ke, “Naah ga li joo Lakr‑jer aajim pu na sɔ: Biwɔwɔm taa kpaan ji Lakr‑jer aajikaar ni chee,

Nnyam 12:43 ပူးပေါင်းရင်းမြစ်များ

2 Bibɔrb Aabɔr 30:18

Ki kpee na, binib bi nan nyan ni Efraim, ni Manase, ni Isakar, ni Sebulunn aanibol ni na pam le nan ye binib bi kaa toor bibaa chain na, kina pu na, baah nan bi ji Lakr‑jer aajim na, naa nan ka kina. Ubɔr Hesekia nan mee limeel lee le tii bi:

Nnyam 12:11

Ni li ŋmɔ ti mala mala, ki pee nimi aawan, ki gor lisachuln, ki tak nimi aanaatak, ki li joo nimi aadabil niŋaal ponn ni. Lakr‑jer aajim mue ponn ni, le ni ga nyuŋ mi Uwumbɔr.

Nnyam 12:48

le unii u kaa gii uchakpaln na aan ŋmaa ji kitork ngbaan aajikaar. Uwɔwɔnii yaa nan kal ni chee ki ban u kpaan toor Lakr‑jer aatork ngbaan ki nyuŋ Uwumbɔr kan, see ni pue gii bijab bi bi baamaal ponn ni na aachakpan. N‑yoonn ngbaan na, u kpaln Israel yaab ponn ni ubaa le na, ki ga ŋmaa kpaan ni chee ki toor kitork ngbaan.

Esekiel 44:7

Buyoonn bi bi joo kitork aawakor aakpan ni nsin tii mi na, le bi cha biwɔwɔm bi kaa gii ŋichakpan ki ye binib bi kaa kii maamɔb na koo ni Maadichal ni ki bii li. Kina le maanib ŋani tiwan ni sukr ponn ni na ki yii maah puu tipuur ti na tii bi.

Liifai Yaab 22:10

“See unii u ye utotoor aamaal ni aanii na le ga ŋmaa ji ipiin aatork aajikaar ti bi chain na; unii yayan aan ŋmaa ji ti, hali unii yaa ye uchaan le ki koo utotoor chee, bee waatutunn kan, waan ŋmaa ji ti.

Liifai Yaab 22:13

Tɔ, utotoor aabisal u ye ukpopii, bee u nyan uchal do kaa kpa ubo, ki gir kun ni ute u ye utotoor na do, ki ji waamaal chee na, uma le ga ŋmaa ji ute aah gaal utotoor aajikaar ti na. Utotoor aamaal ŋmeen aanii le ga ŋmaa ji tijikaar ngbaan.

Nkahm 9:14

“Uwɔwɔnja u koo ni chee na mu yaa ban u ji Lakr‑jer aajim ngbaan kan, see u dii mu aakaal aah mɔk pu na mɔmɔk. Utinbo ni uwɔwɔnja mɔmɔk ga dii nkaalbaan la.”

Efesusi 2:12

N‑yoonn ngbaan, naa nan kpaan Kristo chee, kaa nan ye binib bi Uwumbɔr nyan bi na ponn ni bibaa, kaa nan bi tipuur ti Uwumbɔr nan puu tii bi na ni. Ni nan bi dulnyaa wee ni, kaa nan kpa limakl, kaa nan nyi Uwumbɔr.

1 Samuel 2:27

Uwumbɔr aabɔnabr ubaa nan dan Eli chee ki joo ni Uwumbɔr aanaŋ yee ke: “Aayaaja Aaronn ni waadichal aah nan ye binaagbiib Ijipt aatiŋ aabɔr Faro chee na, m nan di mbaa mɔk Aaronn.