Nnyam 12:36 - Uwumbɔr aagbaŋ

³⁶ Uwumbɔr nan cha Ijipt yaab pak binib ngbaan le ki tii bi baah ban tiwan nimɔk na. Kina pu na, Israel yaab nan gaa Ijipt yaab aawankpal le ki di buen.

Nnyam 12:36 ပူးပေါင်းရင်းမြစ်များ

Mpiin 15:14

Le min Uwumbɔr ga daa linibol li ga joo saanib ngbaan tinaagbiir na aatafal, le bi yaa nan ban bi nya kitiŋ ngbaan ni kan, bi ga li joo liwangol sakpeln, le ki di buen.

Mpiin 39:21

Tɔ, Uwumbɔr mu nan bi Josef chee ki ŋa u pu tinyoor; nima pu na, unaagbiijool u nan joo bi na nan gee Josef aabɔr pam,

Esra 1:6

Bimaantɔtiib nan ter bi ki tii bi tiwan pam; bi nan tii bi tikunabr aasambil, ni salmaa, ni tijikaar, ni tiwakor ti tui ŋitun na, ni tiwanbankaan niken, ni ipiin i bi ga ti di tii Uwumbɔr Aadichal ni na.

Ilahn 105:37

le ki nin cheen Israel yaab nyan kitiŋ ngbaan ponn ni. Bi nan tu tikunabr ni salmaa mam, le bi mɔmɔk kpa laafee ki pɔɔ.

Nnyam 11:2

Dandana wee, len saanib Israel yaab chee, ki bui bi ke bi buen Ijipt yaab bi ye bijɔtiib na chee, ki ti mee bi salmaa ni tikunabr aatakpanyaan.”

Nnyam 11:3

Uwumbɔr nan cha Ijipt yaab tii Israel yaab kipak. Mbamɔn, ubɔr aaninkpiib ni binib ngbaan mɔmɔk nan bee ke Moses ye uninyuun la.

Ŋiyataŋak 16:7

Uwumbɔr aasui yaa piin aa pu kan, saadim ga kpaln aajɔtiib la.

Daniel 1:9

le Uwumbɔr nan cha Aspenas san Daniel kinimbaak.

Lituln 7:10

ki ter u, ki nyan u waafalaa mɔmɔk ponn ni. N‑yoonn ngbaan Faro nan ye Ijipt aatiŋ aabɔr. Le Uwumbɔr tii Josef nlan, ki cha Faro gee waabɔr. Le Faro di u ŋa kitiŋ ngbaan aayidaan, ni waachiln aayidaan.