Nnyam 12:31 - Uwumbɔr aagbaŋ

³¹ Kinyeek ngbaan le ubɔr nan tun yin ni Moses ni Aaronn ki bui bi ke, “Li chaa nya man, ni ni Israel yaab. Nya man maatiŋ ni, li cha ki ti doon Uwumbɔr naah ban pu na.

Nnyam 12:31 ပူးပေါင်းရင်းမြစ်များ

Ilahn 105:38

Ijipt yaab nan san bi ijawaan la; le baah nan nyan baatiŋ ni na, Ijipt yaab aasui nan piir.

Nnyam 10:29

Moses nan giin kii u ke, “Aa sil len mbamɔn la, saan ki kan mi daalbaadaal.”

Nnyam 10:9

Moses nan bui u ke, “Ti mɔmɔk ga buen la, bi pɔɔk na, ni bi diin na, ni timi aabim, ni timi aapiih, ni iŋoob, ni inaa, ba pu? ti ga ti ji njim ki nyuŋ Uwumbɔr nima.”

Nnyam 11:1

Uwumbɔr nan bui Moses ke, “Ntafadaan mubaa le gur, le m ga di daa ubɔr ngbaan ni waanib Ijipt yaab aatafal. Nee aapuwɔb na, u ga cha ni nya ki buen. Mbamɔn, u ga jenn nimi ke ni nya waatiŋ ponn ni.

Nnyam 11:8

Moses aah ti ban u len tibɔr mɔmɔk doo na le u bui ke, “Saaninkpiib mɔmɔk ga dan m chee ki nan gbaan nnimbiin ni, ki ga gaŋ mi ke m di maanib mɔmɔk nya ki buen. Nee aapuwɔb le m ga nya.” Liŋuul nan joo Moses, le u siir ubɔr ngbaan chee.

Nnyam 12:39

Bi nan di boroboro aayon mu kaa kpa nnyɔk na le ki ŋa boroboro, ba pu? bi nan jenn nyan bi Ijipt aatiŋ ni mala sakpen, nima pu le baa nan ŋmaa gor ki ŋa tijikaar waahr le ki nin nyan Ijipt aatiŋ ni.

Nnyam 6:1

Uwumbɔr nan bui Moses ke, “Dandana wee, aa ga kan maah ga ŋa ubɔr ngbaan pu na. M ga muk u aan u cha maanib ngbaan buen. Mbamɔn, m ga muk u pam, le uma ubaa ga bui binib ngbaan ke bi nya waatiŋ ponn ni.”

Nnyam 8:25

Ubɔr ngbaan nan yin Moses ni Aaronn, le ki nan bui bi ke, “Li cha man aan ni ti toor kitork ki doon nimi Aawumbɔr kitiŋ kee ni.”

Nnyam 8:8

Ubɔr nan yin ni Moses ni Aaronn le ki nan bui bi ke, “Mee Uwumbɔr ke u nyan ŋipulaatal ngbaan, aan m cha waanib ngbaan nya buen, nima kan, bi ga ŋmaa toor kitork tii u.”

1 Samuel 6:6

Ba ŋa nitafal pɔɔ ke Ijipt aabɔr ni waanib aatafal aah nan pɔɔ pu na? Taa suln man Uwumbɔr aah nan ŋa bi falaa aan ki ti nin cha Israel yaab nyan baatiŋ ponn ni pu na.