Nnyam 12:3 - Uwumbɔr aagbaŋ

³ Di tibɔr tee tuk Israel yaab mɔmɔk: Njan aaŋmal ngbaan ponn ni, iwiin kipiik daal, udichajoor mɔmɔk chuu upiih, bee uŋoob, waawakor ponn ni, ki ŋeer waadichal.

Nnyam 12:3 ပူးပေါင်းရင်းမြစ်များ

Mpiin 22:8

Abraham nan giin bui u ke, “Uwumbɔr le ga tii timi kitork aapihbo.” Le bima bilee ngbaan nan chuun cha.

Mpiin 4:4

Le Abel mu nan lik waapiih ponn ni waapihninkpel aah pue ma njan aapihbo u na, ki di toor kitork, ki di tinann ti kpa nkpan na ki tii Uwumbɔr. Le Uwumbɔr pak Abel ni waapiin,

2 Bibɔrb Aabɔr 35:7

Binib ngbaan aajim pu Ubɔr Josia nan nyan ubaa aawakor ni ipiih, ni ipihbi, ni iŋoob i laa diin na ŋichur piitaa la, ni inaaja ŋichur ŋitaa le tii.

Nnyam 12:2

“Uŋmal wee le ga li ye njan aaŋmal libiln ni, ki tii nimi.

Nnyam 12:21

Moses nan yin Israel yaab aaninkpiib mɔmɔk le ki bui bi ke, “Ni mɔmɔk bi ye bidichadam na ga chuu upihjabo, bee uŋojabo, waawakor ponn ni, ki kɔr u, aan ni ni nimi aamaal kpaan ji Lakr‑jer aajim.

Nnyam 12:4

Waadichal yaa kaa wiir, kaan ŋmaa ŋmɔ kiwakork ngbaan aanann doo kan, bi ni lidichal waatiir liken yaab ga ŋmaa kpaan kiwakork, aan bi yakr tinann ti ŋeer unii mɔk aah ga ŋmaa ŋmɔ pu na.

Nnyam 12:6

Uŋmal ngbaan aawiin kipiik ni inaa daal aajoobɔŋ kan, Israel yaab mɔmɔk kpaan ki kɔr baawakor ngbaan.

Nnyam 14:15

Uwumbɔr nan bui Moses ke, “Ba ŋa ni wii ki ban nterm? Tuk binib ngbaan ke bi li chuun.

Nnyam 20:19

Le bi bui Moses ke, “Ni yaa ye sin le len ti chee tibɔr kan, ti ga ŋun; ti san ijawaan ke Uwumbɔr yaa len ti chee kan, nibaakan ti ga kpo.”

Nnyam 4:30

Le Aaronn tuk bi tibɔr ti Uwumbɔr nan bui Moses na mɔmɔk, le Moses ŋa lijinjiir aatun binib ngbaan aanimbil ni.

Nnyam 6:6

Nima pu na, tuk Israel yaab ke, ‘Min le ye Uwumbɔr. M ga gaa nimi lii, ki nyan nimi tinaagbiir ni, Ijipt yaab chee. M ga yoor maaŋaal mu kpa mpɔɔn na paacham, ki daa binib ngbaan aatafal, le ki ga gaa nimi lii.

Esekiel 40:1

Taah nan bi tinaagbiir ni pu na aabipɔln li nan ŋa ŋibin moninko ni ŋiŋmu na aawiin kipiik daal, baah nan nyaŋ Jerusalem aatiŋ pu na aabin kipiik ni ŋinaa aapuwɔb le nan bi na. Liyaadaal ngbaan le m nan kan ke Uwumbɔr aapɔɔn sakpiin na koo mi, le u yoor mi di buen.

Liifai Yaab 1:2

Israel yaab yaa ban bi toor kitork kan, baah ga ŋa pu na sɔ: N‑yoonn mu unii ubaa yaa ti ban u di kiwakork toor kitork na kan, u cha ni li ye waanaa, bee waapiih, bee waaŋoob ponn ni nibaa.

Liifai Yaab 5:6

Le u ga li joo ni upihsal, bee uŋosal ki nan toor kitork tii Uwumbɔr, waatunwanbir ngbaan pu. Utotoor le ga toor kitork ngbaan, udaan aatunwanbir pu.

Nkahm 15:11

“Njikaabim aapiin kina le bi ga di kpaan unaaja, bee upihja, bee upihsal, bee uŋoob mɔmɔk pu, ki li joo ni.

Jɔnn 1:29

Ki woln kitaak le Jɔnn kan Yesu choo u chee, le u bui ke, “Lik, Uwumbɔr Aapihbo u nyani dulnyaa ni aanib aatunwanbir na.

Jɔnn 1:36

ki kan Yesu bi chuun nima. Jɔnn nan lik u, le ki len ke, “Lik, Uwumbɔr Aapihbo.”

Jɔnn 12:1

Tɔ, ni nan gur iwiin iloob le Juu yaab ji Lakr‑jer aajim ngbaan, le Yesu buen Betani aatiŋ ni. Lasarus, u Yesu nan fikr u nkun ni na, mu nan bi nima.

Jɔnn 12:12

Ki woln kitaak le kinipaak ki bi Jerusalem ke bi ti ji njim na ŋun ke Yesu choo.

1 Korenti 5:7

Ni ŋan ke ni nyan boroboro aanyɔkpok, aan ki li ye boroboro u kaa kpa nnyɔk na. Ni sil ye boroboro u kaa kpa nnyɔk na la. Maah len pu na le ye ke titunwanbir siib ga bii ni mɔmɔk. Nima pu na, ni nyan titunwanbir mɔmɔk nikaasisik ni. Ni ye bininyaam la. Ni li ŋani ke bininyaam na. Ba pu? Kristo nan di ubaa toor kitork tii Uwumbɔr, timi aatunwanbir pu.

Josua 7:14

Nima pu na, tuk bi ke fen kichakpiik ni kan, aa ga joo ni bi nnimbiin ni, ŋinibol ŋinibol, le linibol li yaab m nyan na kan, bi ga nya ni itaŋaal itaŋaal, le ntaŋaal mu m nyan na kan, bi ga nya ni mmaal mmaal, le mmaal mu m nyan na kan, bi ga nya ni upiijoor upiijoor,

Tibɔkpiirkaan 13:8

Le dulnyaa ni aanib bimɔk aayimbil aa ŋmee Uwumbɔr Aapihbo u bi nan ku u na aamɔfal aagbaŋ ni buyoonn Uwumbɔr aa nan kee naan dulnyaa wee na ga dii upeel ngbaan.

1 Samuel 7:9

Le Samuel kɔr upiih, ki toor kitork, ki di see mmii ponn ni tii Uwumbɔr, le ki mee Uwumbɔr ke u ter Israel yaab, le Uwumbɔr kii waameel ngbaan.