Nnyam 12:23 - Uwumbɔr aagbaŋ

²³ N‑yoonn mu Uwumbɔr yaa nan dan ke u chuun Ijipt aatiŋ ni ki ku bi na kan, u yaa nan kan nsin ngbaan nimi aadichal aabisamɔi pu kan, waan cha nkun aatuun koo nimi aadichal ni ki ku nimi.

Nnyam 12:23 ပူးပေါင်းရင်းမြစ်များ

2 Samuel 24:16

Uwumbɔr aatuun aah nan ban ti bii Jerusalem na, le Uwumbɔr kpeln waalandak, waanib aatafadaan ngbaan pu, ki bui waatuun mu bi ku bi na ke, “Sil nima. Ni ŋeer kina.” Uwumbɔr aatuun ngbaan nan ti fuu Jebus aatiŋ aanii Arauna aadipoipaal na chee la, le Uwumbɔr bui u kina.

Job Aagbaŋ 14:13

M ba ga li gee ke aa di mi bɔr bitekpiib do la; cha m li bɔr aan saaŋuul ti sɔŋ waahr, aan ki nin siin n‑yoonn mu aa ga teer mbɔr na.

Nnyam 11:4

Moses mu nan ki bui ubɔr ngbaan ke, “Uwumbɔr bui ke, ‘Kinyetaasiik kan, m ga mann Ijipt aatiŋ mɔmɔk,

Nnyam 12:7

Binib ngbaan ga teŋ tiwakor ngbaan aasin ki di gbaa baadir ti ponn ni bi mɔmɔk ga kal baadichal ni ki ŋmɔ tinann ngbaan na aabisamɔi.

Aisaya 26:20

Maanib, koo man nimi aadichal ni, aan ki laŋ nibaa pu. Bɔr man nibaa siib aan Uwumbɔr aaŋuul jer.

Aisaya 37:36

Le Uwumbɔr aatuun buen Asiria aajab ni, ki ti ku baajab ŋichur nkub ni imonko inaa ni ŋiŋmu. Nwiin mu paa na aachakpinaanyeek ni, le bi kan bi mɔmɔk kpo ki dɔ.

Esekiel 9:4

“Koo Jerusalem aatiŋ ponn ni, ki daan unii umɔk aasui bii aan ni muk u baah tun ŋitun ŋi sukr ponn ni kitiŋ ngbaan ponn ni na aayigbeer pu kidaan.”

Esekiel 9:6

Ku bijaninkpiib, ni binachipɔm, ni bipiisapɔm, ni bipiib bi joo mbim na, ni mbim man. Ni taa meeh unii umɔk kpa kidaan uyigbeer pu na. Piin Maadichal ni do man.” Kina pu na, bi nan di bisalolm bi si Uwumbɔr Aadichal ni nima chee na le piin.

1 Korenti 10:10

Ni mu taa ŋulni ke bi ponn ni bibaa aah nan ŋulni pu ki cha Uwumbɔr aakun aatuun ku bi na.

Hiibru Yaab 11:28

Waah nan gaa Uwumbɔr ki kii pu na le u nan bui Israel yaab ke bi kɔr ipihbi, ki di nsin gbaa gbaa ibisamɔi, aan Uwumbɔr aatuun u ga ku mbipolb na taa nan ŋa bi nibaa.

Hiibru Yaab 12:24

Ni fuu ni Yesu chee la. U pu, le Uwumbɔr puu tipuupɔln tii timi. Uma Yesu aasin mu yaa ti pu na le ŋa timi chain. Mu pu, le Uwumbɔr di cha pinn timi. Waasin ngbaan len tibɔr ti ŋan jer Abel aasin aah nan len pu na.

Tibɔkpiirkaan 7:3

“Ni taa bii kitiŋ, bee nnyusakpem, bee isui ki li kii buyoonn ti ga nan daan timi Aawumbɔr aatutum aayigbeer pu na.”

Tibɔkpiirkaan 9:4

le ki tuk i ke i taa ŋmɔ timoor, ki taa ŋmɔ tijikaar, ki taa ŋmɔ isui, i li junni binib bi kaa kpa Uwumbɔr aadaan biyigbeer pu na;