Nnyam 12:21 - Uwumbɔr aagbaŋ

²¹ Moses nan yin Israel yaab aaninkpiib mɔmɔk le ki bui bi ke, “Ni mɔmɔk bi ye bidichadam na ga chuu upihjabo, bee uŋojabo, waawakor ponn ni, ki kɔr u, aan ni ni nimi aamaal kpaan ji Lakr‑jer aajim.

Nnyam 12:21 ပူးပေါင်းရင်းမြစ်များ

2 Bibɔrb 23:21

Ubɔr Josia nan bui binib ngbaan ke bi ji Lakr‑jer Aajim ki nyuŋ Bidindaan Uwumbɔr, ke naah ŋmee nkaal aagbaŋ ni pu na.

Esra 6:20

Bitotoorb ni Liifai yaab mɔmɔk nan toor bibaa, kaa ki kpa tijɔŋ tibaa. Liifai yaab le nan kɔr Lakr‑jer Aajim aatork aawakor tii binib bi mɔmɔk nan nyan ni tinaagbiir ni ki gir ni na, ni bitotoorb, ni bibaa.

Nnyam 12:11

Ni li ŋmɔ ti mala mala, ki pee nimi aawan, ki gor lisachuln, ki tak nimi aanaatak, ki li joo nimi aadabil niŋaal ponn ni. Lakr‑jer aajim mue ponn ni, le ni ga nyuŋ mi Uwumbɔr.

Nnyam 12:3

Di tibɔr tee tuk Israel yaab mɔmɔk: Njan aaŋmal ngbaan ponn ni, iwiin kipiik daal, udichajoor mɔmɔk chuu upiih, bee uŋoob, waawakor ponn ni, ki ŋeer waadichal.

Nnyam 17:5

Le Uwumbɔr bui Moses ke, “Nyan Israel yaab ponn ni aaninkpiib bibaa bi dii si, aan ni buen ti loln kinipaak ngbaan pu nsan. Li joo saajaangbeek ki aa nan di faa Nail aamɔɔl aanyun na.

Nnyam 19:7

Moses nan sunn ni taab, le ki kuun binib ngbaan aaninkpiib tɔb chee, le ki tuk bi tibɔr ti mɔmɔk Uwumbɔr bui u ke u ŋa na.

Nnyam 3:16

Li cha ki ti kuun Israel yaab aaninkpiib ki bui bi ke min, U‑ye‑na, u ye niyaajatiib Abraham, ni Aisak, ni Jakob Aawumbɔr na, le dan aa chee. Tuk bi ke m dan bi chee le ki kan Ijipt yaab aah ŋani bi falaa pu na.

Nkahm 11:16

Le Uwumbɔr bui Moses ke, “Kuun ni binib bi aa nyi Israel yaab ponn ni, aan bi ye biyidam na, ki li joo ni bi m chee, Maabool aabisamɔb chee, aan ki cha bi nan sil gbaŋ si.

Hiibru Yaab 11:28

Waah nan gaa Uwumbɔr ki kii pu na le u nan bui Israel yaab ke bi kɔr ipihbi, ki di nsin gbaa gbaa ibisamɔi, aan Uwumbɔr aatuun u ga ku mbipolb na taa nan ŋa bi nibaa.

Josua 5:10

Israel yaab aah nan ka Gilgal aateer mu bi gbɔk Jeriko na, le bi nan jin njim mu bi yin mu ke Lakr‑jer na, uŋmal aawiin kipiik ni inaa daal aajook.