Nnyam 11:8 - Uwumbɔr aagbaŋ

⁸ Moses aah ti ban u len tibɔr mɔmɔk doo na le u bui ke, “Saaninkpiib mɔmɔk ga dan m chee ki nan gbaan nnimbiin ni, ki ga gaŋ mi ke m di maanib mɔmɔk nya ki buen. Nee aapuwɔb le m ga nya.” Liŋuul nan joo Moses, le u siir ubɔr ngbaan chee.

Nnyam 11:8 ပူးပေါင်းရင်းမြစ်များ

1 Bibɔrb 20:10

“M ga tun ni bijab bi wiir na aan bi nan kuln saatiŋ ngbaan ki faa kaah ber pu na ŋum ni biŋaal ni. M yaa kaa ŋa kina kan, ŋiwaa faa ku mi.”

2 Bibɔrb 3:9

Le Ubɔr Joram, ni Juda, ni Edom aatim aabɔrb nyan kal nsan pu. Baah chuun ti saa iwiin ilole na, le baanyun doo, le nnyun aa ki bi bijab ni tiwakor ti nan tu baatun na nyu.

Nehemia 5:6

Maah ŋun tibɔr ngbaan kina na, le maaŋuul fii,

Ilahn 6:1

Uwumbɔr, taa gee m pu liŋuul ki kae mi. Taa daa ntafal saaŋuul ponn ni.

Nnyam 10:29

Moses nan giin kii u ke, “Aa sil len mbamɔn la, saan ki kan mi daalbaadaal.”

Aisaya 49:23

Bibɔrkpaam ga li naahn aatetiib la; le bipiibɔrb naahn aanatiib. Bi ga sunn bibaa taab aanimbiin ni ki nyuŋ si; bi ga sunn bibaa taab ki mɔk si baapak, le aa bee ke min le ye Uwumbɔr; unii umɔk ka kii maaterm na aan lir.”

Aisaya 49:26

M ga cha binib bi muk si na ku tɔb ki ŋmɔ tɔb; bi ga nyun tɔb aasin gbii ke baah nyun ndaan le na. Le unibɔn mɔmɔk bee ke min le ye Uwumbɔr u gaal si lir ki cha aa fuur na. Bi ga bee ke min le ye Israel yaab Aawumbɔr u kpa mpɔɔn sakpen na.”

Esekiel 3:14

Uwumbɔr aapɔɔn nan di mpɔɔnsakpiin mubaa le dan m pu, le Waafuur Nyaan aah yoor mi buen na, le nsui fii, le liŋuul chuu mi.

Daniel 3:19

Sadrak, ni Mesak, ni Abednego aah len kina na, le Nebukadnesar aaŋuul fii, le unimbil wɔb ŋa gbilngbiln. Kina pu le u cha waajab moo ŋa idɔ kpee mmii sakpiin ngbaan ni aan mu moo ton ki ti saa nfum mulole mu aah ti ton pu na;

Nkahm 12:3

Moses nan ye unii u sunn ubaa taab na la, u nan sunn ubaa taab ki jer unii mɔmɔk dulnyaa wee ni.

Tibɔnyaan ti Mak ŋmee ti na 3:5

Le u lik bi mɔmɔk, le ki gee liŋuul bi pu. Bitafal aah pɔɔ pu na, le ni bii usui. Le u bui uja u aaŋaal faan na ke, “Taln aaŋaal.” Le u taln uŋaal. Le mu pɔɔk.

Ikaal 29:24

Le dulnyaa aanib mɔmɔk ga baa ke, ‘Ba ŋa Uwumbɔr ŋa baatiŋ ngbaan kina? Ba ŋa waaŋuul nan fii bi pu sakpen aan u ŋa bi kina?’

Ikaal 32:24

Bi ga kpo nkon, ni iween ponn ni la, le iween i bir na mu ga ku bi. M ga cha tipeewanbir le dan nan lir bi pu, ki cha iwaa i kpa liluul sakpen na mu junn bi.

Hiibru Yaab 11:27

Waah nan gaa Uwumbɔr ki kii pu na le u nan nyan Ijipt aatiŋ ni, kaa san ubɔr na aah gee liŋuul pu na. Ni naahn ke u waa Uwumbɔr u unibɔn aanimbil aan ŋmaa kan u na la. Nima le u nan kpa limɔr le ki sil mbamɔm.

Tibɔkpiirkaan 3:9

M ga cha kinimbɔŋ aanib bi mɔn nnyamɔn ke bi ye maanib, kaa ye na, dan ni chee ki nan gbaan kitiŋ ninimbiin ni, ki bee ke m gee nimi la.

Bibɔjirb 4:10

Barak nan yin Sebulunn, ni Naftali aanibol ni aanib di buen Kedes aatiŋ ni, le butɔb aajab ŋichur kipiik dii u. Debora mu nan dii u buen.

Bibɔjirb 8:5

Baah ti fuu Sukof aatiŋ ni na, le Gideonn bui kitiŋ ngbaan ni aajab ke, “Ŋaanii ki tii maajab tijikaar man. Bi bak sakpen a, m bi san dii Midiann aabɔrkpaam Seba ni Salmuna la.”