Nnyam 11:3 - Uwumbɔr aagbaŋ

³ Uwumbɔr nan cha Ijipt yaab tii Israel yaab kipak. Mbamɔn, ubɔr aaninkpiib ni binib ngbaan mɔmɔk nan bee ke Moses ye uninyuun la.

Nnyam 11:3 ပူးပေါင်းရင်းမြစ်များ

Mpiin 12:2

M ga cha aa maa ki pɔr pam, le saamaal ga ŋa linibokpaan. M ga ŋa tinyoor ŋa aa pu, le aa ga li kpa liyimbil, le aa pu, binib ga kan tinyoor m chee.

Mpiin 39:21

Tɔ, Uwumbɔr mu nan bi Josef chee ki ŋa u pu tinyoor; nima pu na, unaagbiijool u nan joo bi na nan gee Josef aabɔr pam,

2 Samuel 7:9

Nin chee mɔk aa buen na, m dii si, le ki nyaŋ saadim mɔmɔk buyoonn aa cha bi chee na. M ga tii si liyimbil sakpeln, ke dulnyaa wee aayidam bi kpa mpɔɔn sakpen na.

Esta 9:4

Nnaan ngbaan ni aanib mɔmɔk nan nyi ke Modekai gur ye mpɔɔn aanii le ki bi libɔrchiln ni, le waapɔɔn moo kpae.

Ilahn 106:46

U nan cha binib bimɔk muk bi na san bi kinimbaak.

Nnyam 12:35

Bi nan ŋa Moses aah bui bi ke bi ŋa pu na, le ki mee Ijipt yaab salmaa, ni tikunabr aatakpanyaan, ni ŋikeken.

Nnyam 12:36

Uwumbɔr nan cha Ijipt yaab pak binib ngbaan le ki tii bi baah ban tiwan nimɔk na. Kina pu na, Israel yaab nan gaa Ijipt yaab aawankpal le ki di buen.

Nnyam 3:21

“M ga cha Ijipt yaab tii si kipak, nima kan, maanib yaa ban bi nya kan, baan li cha iŋaalpeen.

Aisaya 60:14

Binib bi muk si na aajapɔtiib ga dan ki nan gbaan kitiŋ aanimbiin ni. Binib bimɔk nan lik seen si n‑yoonn mu jer na ga dan nan gbaan kitiŋ ki doon si. Bi ga yin si ke ‘Uwumbɔr aatiŋ’, ki ki yin si ke, ‘Sionn, Israel yaab Aawumbɔr u bi chain na aatiŋ’.

Lituln 7:22

Le bi mɔk u Ijipt yaab aalan aabɔŋ aabɔŋ. Le u kpaln unii u nyi tibɔr na, ki tun lituln li kpa liyimbil na.

Ikaal 34:10

Israel yaab aatiŋ ni, Uwumbɔr aabɔnabr ubaa aa kee nyan ki bi ke Moses aah nan bi pu na, le Uwumbɔr nan len Moses chee tibɔr.

Ikaal 34:11

Uwumbɔr aabɔnabr ubaa aa kee ŋa iwaan, ni lijinjiir aawan ni Uwumbɔr nan cha Moses ŋa Ijipt yaab aabɔr, ni waayidam, ni waatiŋ mɔmɔk pu na.

Josua 4:14

Uwumbɔr aah nan ŋa pu liyaadaal ngbaan na nan cha binib ngbaan bee ke Josua ye unikpaan la. Bi mɔmɔk nan nyuŋni Josua ki ti saa waakundaal, ke baah nan nyuŋni Moses pu na.

Tibɔkpiirkaan 3:9

M ga cha kinimbɔŋ aanib bi mɔn nnyamɔn ke bi ye maanib, kaa ye na, dan ni chee ki nan gbaan kitiŋ ninimbiin ni, ki bee ke m gee nimi la.