Nnyam 11:10 - Uwumbɔr aagbaŋ

¹⁰ Tɔ, Moses ni Aaronn nan ŋa lijinjiir aatun ŋimina mɔmɔk ubɔr ngbaan aanimbiin ni, le Uwumbɔr nan cha usui pɔɔk, le waa kii ke Israel yaab nya waatiŋ ni.

Nnyam 11:10 ပူးပေါင်းရင်းမြစ်များ

Job Aagbaŋ 9:4

Uwumbɔr aalan ni waapɔɔn nyaŋ a, unii ubaa aa bi ki ga ŋman u.

Nnyam 10:20

Uwumbɔr nan ki cha ubɔr aasui ki pɔɔk, le waa kii ke Israel yaab buen.

Nnyam 10:27

Uwumbɔr nan cha ubɔr ngbaan aasui too pɔɔk, le waa kii, ke bi taa nya waatiŋ ponn ni ki buen.

Nnyam 12:1

Uwumbɔr nan bui Moses ni Aaronn, Ijipt aatiŋ ni ke,

Nnyam 3:19

M nyi ke Ijipt aabɔr aan tii nimi nsan ni buen, see limukl pii u le u cha ni buen.

Nnyam 4:21

Uwumbɔr nan ki gir bui Moses ke, “Saah gir cha Ijipt aatiŋ ni dandana wee na, li nyi ki ti ŋa lijinjiir aatun ŋimɔk m tii si mpɔɔn ke aa ti ŋa na. Tɔ, m ga pɔɔk ubɔr ngbaan aasui, le waan tii nimi nsan ke ni buen.

Nnyam 7:3

M ga cha ubɔr ngbaan pɔɔk usui, kaan ŋun tii si; m yaa gee m ŋa ijawaan aatun pu na kan, waan cha ni nya Ijipt aatiŋ ni.

Nnyam 9:12

Uwumbɔr nan cha ubɔr ngbaan aasui moo pɔɔk, le ni gbiin waah nan len pu na, ke ubɔr ngbaan aa ŋun tii Moses ni Aaronn.

Aisaya 63:17

Ba ŋa aa cha ti yenn saasan chee? Ba ŋa aa cha titafal pɔɔ sakpen kina aan ti fenn tipuwɔb tii si? Gir ni, saanib bi ye saatutum ki ye sin yaab n‑yoonn mɔmɔk na chee.

Jɔnn 12:40

“Uwumbɔr jɔb binimbil ke bi taa li waa; ki cha bitafal pɔɔ, bi taa bee waaliin aatataa, ki taa fenn dan uwɔb ke u tii bi laafee.”

Rom Yaab 9:18

Nima le binib bi u ban u san bi kinimbaak na, u san bi kinimbaak. Binib bi u ban ke u cha bi gaa biyil na, u cha bi gaa la.

Rom Yaab 9:22

Uwumbɔr aah ŋa pu na, ni bi kina la. U nan ban ke u mɔk binib ke u gee liŋuul titunwanbir pu, ki ban ke bi bee waah kpa mpɔɔn pu na. Nima le u ji limɔr pam binib bi ŋa u liŋuul ki ŋeer ntafadaan na pu.

Ikaal 2:30

“Le ubɔr Sihonn nan yii, ke ti taa dii waatiŋ ni jer. Nidindaan Uwumbɔr nan cha usui pɔɔk, le u yii Uwumbɔr aamɔb, le Uwumbɔr cha ti nyaŋ u, ki gaa baatiŋ ki ti laa koo ki ponn ni na.

Josua 11:20

Uwumbɔr le nan cha binib ngbaan aasui fii ke bi to Israel yaab butɔb, aan u ŋmaa kuln bi mɔmɔk; linimbaasaln aa nan bi, le bi ku bi mɔmɔk. Kina le Uwumbɔr nan bui Moses ke u ŋa.

1 Samuel 6:6

Ba ŋa nitafal pɔɔ ke Ijipt aabɔr ni waanib aatafal aah nan pɔɔ pu na? Taa suln man Uwumbɔr aah nan ŋa bi falaa aan ki ti nin cha Israel yaab nyan baatiŋ ponn ni pu na.