Nnyam 10:9 - Uwumbɔr aagbaŋ

⁹ Moses nan bui u ke, “Ti mɔmɔk ga buen la, bi pɔɔk na, ni bi diin na, ni timi aabim, ni timi aapiih, ni iŋoob, ni inaa, ba pu? ti ga ti ji njim ki nyuŋ Uwumbɔr nima.”

Nnyam 10:9 ပူးပေါင်းရင်းမြစ်များ

Mpiin 50:8

Josef ni waamaal, ni ukpetiib, ni ute aamaal bi gur na nan dii u buen. See mbim, ni tiwakor le nan gur bi linampal Gosenn aatiŋ ni lipepel ngbaan wɔb.

Nnyam 10:10

Le ubɔr ngbaan bui ke, “M puu Uwumbɔr ke maan cha ni di nimi aapiib ni mbim buen. Ni mɔk ke ni ban tibɔr la.

Nnyam 10:26

Aayii, see ti di timi aawakor buen; kibaa kina aan gur do. Timi tibaa le ga nyan tiwakor ti ti gee na ki di toor kitork tii Tidindaan Uwumbɔr. Ti mu yaa kaa fuu nin chee ti cha na kan, taan ŋmaa bee tiwakor ti ti ban ti di toor kitork ngbaan na.”

Nnyam 12:32

Li joo nimi aawakor cha man, ki ti mee ke Uwumbɔr ŋa m pu tinyoor.”

Nnyam 12:37

Israel yaab nan nyan Rameses aatiŋ ki chuun bitaa pu ki cha Sukof. Bi nan ye bijab ŋichur ikui iloob, baa nan kahn bipiib ni mbim kpaan bi ponn ni.

Nnyam 12:38

Kinipaak kiken, ni tiwakor pam mu nan dii bi buen.

Nnyam 13:6

Iwiin ilole, ni li ŋmɔ boroboro u kaa kpa nnyɔk na, le winlole daal, ni ŋa njim ki nyuŋ Uwumbɔr.

Nnyam 3:18

“Maanib ga pel saah ga bui bi pu na. Le aa di baaninkpiib buen Ijipt yaab aabɔr chee ki ti bui u ke, ‘Uwumbɔr, u ye timi Hiibru yaab Aawumbɔr na, uma le di ubaa mɔk timi. Kina pu na, tii timi nsan ti chuun iwiin itaa ki buen nteersakpiin ponn ni ki ti toor kitork tii Uwumbɔr u ye Tidindaan na.’

Nnyam 5:1

Moses ni Aaronn nan buen Ijipt aabɔr chee le ki ti bui u ke, “Israel yaab Aadindaan Uwumbɔr bui ke, ‘Cha maanib buen, nima kan, bi ga ti ji njim mubaa kipɔɔk ni, ki nyuŋ mi.’”

Nnyam 5:3

Moses ni Aaronn nan giin bui u ke, “Timi Hiibru yaab Aawumbɔr le di ubaa mɔk timi. Kii tii timi ki cha ti chuun iwiin itaa ki buen kipɔɔk ni, ki ti toor kitork tii Tidindaan Uwumbɔr. Ti yaa kaa ŋa kina kan, u ga di iween, bee butɔb le ku timi.”

Ŋiyataŋak 3:9

Di saajikaar ti ŋan na tii Uwumbɔr ipiin ki li pak u.

Ulandaan 12:1

Kina pu na, saah laa pɔɔn na, li teer Uwumbɔr u naan si na bɔr, waahr aan aa nin por, buyoonn aa ga nan bui ke, “Nsui aa ki piin.”

Nkahm 29:12

Ŋmalole aawinpiik ni iŋmu daal kan, ni mɔmɔk kuun ni, ki nan doon Uwumbɔr. Ni ji njim ngbaan ki nyuŋ Uwumbɔr ki ti saa iwiin ilole, ki taa tun lituln libaa.

Efesusi 6:4

Tetiib, ni taa fiini nimi aabim aaŋuul. Ni li joo bi mbamɔm, ki sur bi, ki tuk bi Tidindaan aabɔr.

Josua 24:15

Ni yaa kaa gee ke ni li dooni u kan, din wee, ni nyan naah ga dii u na; ni ga li dooni ŋiwaa ŋi niyaajatiib nan dooni ŋi Mesopotamia aatiŋ ni na aa? bee ni ga li dooni Amor yaab, bi ni bi baatiŋ ponn ni na le aawaa? M ni maamaal ma kan, ti ga li dii Uwumbɔr la.”